🤯கோடீஸ்வர ரகசியம் இதுதான்! மாதம் ₹1000 சேமித்தால் கூட கோடியில் குளிக்கலாம்! எப்படி தெரியுமா?

வீடு முதல் கார் வரை வைத்திருக்கும் நபராக சமூகத்தில் ஒரு அந்தஸ்து வேண்டுமெனில் நமது வருமானத்தில். கணிசமான அளவு சேமிப்பு அவசியம் தேவை. சிலருக்கு வருமானம் லட்சக்கணக்கு என்றாலும் மாதக் கடைசியில் அவருடைய மணி பர்ஸ் மெலிந்து இருக்கும் . காரணம் அதிகப்படியான செலவுகள் அல்லது தகுந்த முறையில் நிதி கண்காணிப்பு மற்றும் சேமிப்பு இல்லாதது.

அவர்கள் மனதில் ஒரு லட்சியம் இருக்கும் எப்படியாவது இந்த மாதம் நாம் சேமித்து விட வேண்டும் என்று. ஆனால் சவால்கள் அவர்கள் எதிரே நின்று அவர்கள் இலட்சியத்தை தடுக்கும். எப்படித்தான் சொத்துக்களை சேர்த்து சமூகத்தில் மதிப்பை பெறுவது? எளிதான விஷயம்தான் கவலை வேண்டாம். நமது மாதாந்திர செலவுகளின் மீதான தீவிர கண்காணிப்பு (கவனம்) இருந்தால் போதும். நிச்சயம் சேமித்து நமது இலக்கை அடையலாம்.

மாதாந்திர செலவு கண்காணிப்பு என்பது நமது நிதிகளை திறம்பட நிர்வகிப்பதற்கான ஒரு மதிப்புமிக்க முறையாகும். மாதாந்திர செலவு மீதான கண்காணிப்பு முறைகள் மற்றும் அதனால் விளையும் நன்மைகள் என்ன தெரியுமா? இதோ..

• நமது பணம் எப்படி குறைகிறது என்பதை அறிய முதலில் மாதந்தோறும் உங்கள் கைகளுக்கு வரும் வருமானம் மற்றும் செலவுகளை பட்டியலிடவும். இதில் உங்கள் சம்பளத்துடன், போனஸ், முதலீடுகள் மற்றும் பிற வருமான ஆதாரங்களையும் உள்ளிட்ட வேண்டும்.

• செலவுகளை வகைப்படுத்துவது அவசியம். அப்போது தான் அவசியம் மற்றும் அநாவசியமான செலவுகளை கண்டறிய முடியும் . உதாரணமாக வீட்டு வாடகை , வீட்டு வசதிகள், உணவுகள் , போக்குவரத்து மற்றும் பொழுதுபோக்கு போன்ற வகைகளுக்கு ஆகும் செலவுகளை தொகுத்துப் பாருங்கள்.

• நோட்புக், ஸ்ப்ரெட்ஷீட் அல்லது செலவு கண்காணிப்பு பயன்பாட்டைப் பயன்படுத்தி ஒவ்வொரு நாளும் அந்த நாளுக்கான செலவுகளை மறவாமல் பதிவு செய்ய வேண்டும். திருமணமாகி யிருந்தால் கணவன் மனைவி இருவரும் இதில் இணைந்து பங்கு பெறுவது முக்கியம்.

• சேமிப்பில் முக்கிய பங்கு பட்ஜெட் எனலாம். வீட்டு வசதிகளோ பொழுது போக்குகளோ அனைத்திற்கும் பட்ஜெட் வரம்புகளை அமைத்து, அந்த வரம்புகளுக்குள் உங்கள் செலவினங்களை கொண்டு வரவும்.

• செலவினங்களைக் குறைக்கக்கூடிய பகுதிகளைக் கண்டறிந்து, உங்கள் செலவினங்களை மேம்படுத்த அதில் மாற்றங்களை தயக்கமின்றி மேற்கொள்ளுங்கள். உதாரணமாக வெளியே சென்று உணவருந்தும் பழக்கம்.

• சிறு அளவிலான சேமிப்பும் எதிர்காலத்தில் பெரும் வரவுக்கு வழிவகுக்கும் என்பதை புரிந்து உங்கள் நிதி இலக்குகளை அடைய சேமிப்பு மற்றும் தகுந்த முதலீடுகளுக்கு தகுந்த நிபுணர் ஆலோசனை பெற்று நிதியை ஒதுக்குவது புத்திசாலித்தனம்.

நிதி இலக்குகளை அடைய, உங்கள் செலவுகளைக் கண்காணித்து கட்டுப்படுத்த சில நிதி சம்பந்தப்பட்ட பயன்பாடுகள் உதவியுடன் அணுகுவது எளிது. அதில் பிரபலமான சில இங்கு..

1. Money Manager - இலவச பயன்பாடான இது நமது வருமானம் மற்றும் செலவுகளை கண்காணிக்க உதவும்

2. Mint - இது வங்கி கணக்குகள் மற்றும் கடன் அட்டைகளை இணைத்து, செலவுகளை தானாகவே கண்காணிக்கும் விதமாக செயல்படுகிறது.

3. YNAB (You Need a Budget) - கட்டண பயன்பாடான இது பட்ஜெட் போடவும், அதனடிப்படையில் செலவுகளைக் கண்காணிக்கவும் உதவும்.

4. Google Sheets அல்லது Excel - இது பொதுவான எளிய வழி. ஒரு சாதாரண ஸ்ப்ரெட்ஷீட்டைப் பயன்படுத்தி நமது வருமானம் மற்றும் செலவுகளை கண்காணிக்கலாம்.

இதுபோன்ற மாதாந்திர செலவு கண்காணிப்புகள் நமது வருமானத்தின் மீதான சிறந்த கட்டுப்பாட்டைத் தருவதுடன் தேவையற்ற கடனைக் குறைத்து மற்றும் நமது நிதி தொடர்பான இலக்குகளை அடைய நிச்சயம் உதவும். நாமும் சமூகத்தில் பொருளாதார அந்தஸ்துள்ள மனிதராக உயரலாம்.