பங்குச் சந்தையில் பணக்காரர் ஆகணுமா? இந்த நேரத்தை மிஸ் பண்ணாதீங்க! (9.15 to 10.30 AM ரகசியம்!)

பங்குச் சந்தையில் முதலீடு செய்வதற்கு சரியான நேரம் என்பது நம் நிதி இலக்குகள், இடர் சகிப்புத்தன்மை மற்றும் முதலீட்டு உத்தியை பொறுத்தது. குறுகிய கால வர்த்தகர்களுக்கு, சந்தை திறந்த முதல் சில மணி நேரங்கள் (காலை 9.15 முதல் 10.30 வரை) ஏற்ற இறக்கங்கள் நிறைந்திருப்பதால் ஏற்ற காலமாக இருக்கலாம். ஆனால் நீண்ட கால முதலீட்டாளர்களுக்கு, சந்தை ஏற்றம் அல்லது இறக்கத்துடன் இருந்தாலும் முதலீடு செய்வதே சிறந்தது. ஏனெனில் இது பணவீக்கத்தை வெல்லும் வருமானத்தை அளிக்கும்.

நீண்ட கால முதலீட்டாளர்களுக்கு:

முதலீட்டு காலம் ஐந்து ஆண்டுகளுக்கு மேல் இருந்தால், சந்தை எப்போது உச்சத்தில் இருக்கிறது அல்லது வீழ்ச்சியில் இருக்கிறது என்பதைப் பற்றி கவலைப்படாமல் முதலீடு செய்வதே சிறந்தது. இது நீண்ட காலத்திற்கு, பங்கு முதலீடுகள் பண வீக்கத்தைத் தாண்டி வருமானத்தை ஈட்டுவதற்கு சிறந்த வழியாகும்.

குறுகிய கால வர்த்தகர்களுக்கு:

சந்தை திறந்த முதல் சில மணி நேரங்கள் அதாவது சந்தை திறந்த பிறகு முதல் 15-30 நிமிடங்களில் பெரிய விலை மாற்றங்கள் இருக்கலாம். தீவிர ஏற்ற இறக்கங்களை விரும்புபவர்கள் இந்தப் பகுதியில் பங்குகளை வாங்கலாம் அல்லது விற்கலாம்.

சந்தை மூடப்பட்ட பிறகு வெளியான செய்திகள் மற்றும் நிகழ்வுகளுக்கு எதிர்வினையாற்றுவதால், வர்த்தக அமர்வின் தொடக்கத்தில் பங்குகள் கூர்மையான இயக்கங்களைக் காட்டலாம். எனவே குறுகிய கால வர்த்தகர்களுக்கு சந்தை திறந்த முதல் சில மணி நேரங்கள் பங்குகளை வாங்கவோ அல்லது விற்கவோ ஏற்ற காலமாக உள்ளது.

பொதுவாக நினைவில் கொள்ள வேண்டியவை:

நாம் முதலீடு செய்ய விரும்பும் நிறுவனங்களைப் பற்றிய முழுமையான தகவல்களை ஆராய்ச்சி செய்வது அவசியம்.

முதலீட்டு தளங்களைப் பயன்படுத்துங்கள். சில தளங்கள் முழுமையான நிறுவனப் பகுப்பாய்வை வழங்குகின்றன மற்றும் பங்குகளை வாங்கவும் உதவுகின்றன. முதலீடு செய்வதற்கு முன் நம் நிதி இலக்குகளைக் கண்டறிந்து, எவ்வளவு இடர்களை ஏற்க முடியும் என்பதையும் தீர்மானிக்க வேண்டும்.

பங்குச் சந்தை கணிக்க முடியாததாக இருக்கலாம். சந்தையின் ஏற்ற இறக்கங்களை புரிந்து கொண்டு எப்போது குறைவாக இருக்குமோ அப்போது பங்குகளை வாங்கி, பின்னர் அவை உயர்ந்தால் லாபம் சம்பாதிக்க முடியும்.

நல்ல பங்குகளை தேர்வு செய்வது எப்படி?

நிறுவனம் லாபகரமாக இருக்கிறதா, அதன் எதிர்கால வளர்ச்சி வாய்ப்புகள் எப்படி உள்ளன என்பதை ஆராய வேண்டும்.

குறிப்பிட்ட துறை அல்லது சந்தையில் நிலவும் தற்போதைய போக்குகள் மற்றும் அந்த நிறுவனத்தின் சந்தைப் பங்கு என்ன என்பதை புரிந்து கொள்ள வேண்டும்.

நம் முதலீட்டை வெவ்வேறு துறைகளிலும், வெவ்வேறு நிறுவனங்களிலும் பரப்பி முதலீடு செய்வது ரிஸ்கைக் குறைக்க உதவும்.

பங்குகளை எப்போது வாங்குவது என்பதை முடிவு செய்ய, பங்கு விலை நகர்வுகள், நிறுவனங்களின் அறிவிப்புகள் மற்றும் சந்தை போக்குகளை ஆய்வு செய்ய வேண்டும்.

ஆன்லைன் கருவிகள் மற்றும் நிதி ஆதாரங்களைப் பயன்படுத்தி தகவலறிந்த முடிவுகளை எடுக்க வேண்டும்.

பங்குகள் வாங்கும் போது நீண்ட கால வளர்ச்சிக்கு உதவும் நிறுவனங்களைத் தேர்ந்தெடுப்பது முக்கியம். குறுகிய கால விலைகளைக் கணிக்க முயல்வதை விட, நீண்ட கால வளர்ச்சிக்கு உதவும் வலுவான அடிப்படை கொண்ட நிறுவனங்களைத் தேர்ந்தெடுப்பதே சிறந்தது.