25 ஆண்டுகளுக்குப் பின் மீண்டும் இணையும் பிரபுதேவா - வடிவேலு! மிரட்டும் ‘பேங் பேங்’ டீசர்!

ஒரு காலத்தில் திரையில் பிரபுதேவா தோன்றினாலே நடனத்துக்கும், வடிவேலு தோன்றினாலே நகைச்சுவைக்கும் ரசிகர்கள் தயாராகிவிடுவார்கள். இவர்கள் இருவரும் இணைந்த காட்சிகள் பல ஆண்டுகளாக ரசிகர்களின் நினைவில் தனி இடம் பிடித்துள்ளன. இந்நிலையில், சுமார் 25 ஆண்டுகளுக்குப் பிறகு மீண்டும் இருவரும் இணைந்து நடித்துள்ள ‘பேங் பேங்’ திரைப்படத்தின் டீசர் வெளியாகி, சமூக வலைதளங்களில் கவனம் பெற்று வருகிறது.

சாம் ரோட்ரிக்ஸ் எழுதி இயக்கும் ‘பேங் பேங்’ திரைப்படத்தில் பிரபுதேவா, வடிவேலு இருவரும் முக்கிய கதாபாத்திரங்களில் நடித்துள்ளனர். கண்ணன் ரவி குழுமம் தயாரிக்கும் இப்படத்திற்கு யுவன் சங்கர் ராஜா இசையமைக்கிறார். எச்.சி. வேணு ஒளிப்பதிவையும், ஆண்டனி படத்தொகுப்பையும் கவனித்துள்ளனர். இப்படம் வழக்கமான நகைச்சுவைப் படமாக இல்லாமல், ஸோம்பிகளை மையமாகக் கொண்ட த்ரில்லர் காமெடி பாணியில் உருவாகியுள்ளது.

ஆகஸ்ட் 15 அன்று வெளியான டீசரில் பிரபுதேவா அதிரடி அவதாரத்தில் தோன்றுகிறார். வடிவேலுவின் வித்தியாசமான தோற்றமும் ரசிகர்களின் கவனத்தை ஈர்க்கிறது. ஸோம்பிகள் சூழ்ந்த உலகத்தில் இருவரும் எதிர்கொள்ளும் சம்பவங்களையும், ஆக்‌ஷன் காட்சிகளையும் டீசர் அறிமுகப்படுத்துகிறது. நகைச்சுவையுடன் த்ரில்லர் அம்சங்களும் கலந்திருப்பதால், படம் எப்படி இருக்கும் என்ற எதிர்பார்ப்பு அதிகரித்துள்ளது.

பிரபுதேவா மற்றும் வடிவேலு கூட்டணி புதிதல்ல. ‘காதலன்’, ‘காதலா காதலா’, ‘லவ் பேர்ட்ஸ்’, ‘ராசைய்யா’, ‘மிஸ்டர் ரோமியோ’, ‘எங்கள் அண்ணா’ உள்ளிட்ட படங்களில் இருவரும் இணைந்து நடித்துள்ளனர். குறிப்பாக ‘மனதை திருடிவிட்டாய்’ படத்தில் இவர்களின் கூட்டணி ரசிகர்களை வெகுவாக கவர்ந்தது. பின்னர் இருவரும் தனித்தனியாக பல்வேறு திரைப்படங்களில் பயணித்த நிலையில், மீண்டும் ஒரே படத்தில் இணைந்திருப்பது பழைய ரசிகர்களுக்கு நிச்சயம் மகிழ்ச்சியான செய்தியாக அமைந்துள்ளது.

இந்தப் படத்தின் மற்றொரு சுவாரஸ்யம் யுவன் சங்கர் ராஜாவின் இசை. பிரபுதேவா, வடிவேலு இருவருடனும் அவர் முன்பு பணியாற்றியிருந்த நிலையில், மீண்டும் இந்த கூட்டணியுடன் இணைந்துள்ளார். படப்பிடிப்பு நிறைவடைந்துள்ள நிலையில், ‘பேங் பேங்’ இந்த ஆண்டே திரையரங்குகளில் வெளியாகும் என அறிவிக்கப்பட்டுள்ளது.

டீசரைப் பார்த்த ரசிகர்களுக்கு முதலில் கவனத்தை ஈர்ப்பது, படத்தின் உலகமே வழக்கமான தமிழ்த் திரைப்படங்களில் இருந்து மாறுபட்டிருப்பதுதான். காட்டுப்பகுதி போன்ற பின்னணிகள், மர்மமான சூழல், ஸோம்பிகளின் தோற்றம் ஆகியவை படத்தின் கற்பனை உலகத்தை உணர்த்துகின்றன. அதே நேரத்தில், பிரபுதேவாவின் வேகமான நடமாட்டமும் வடிவேலுவின் தனித்துவமான தோற்றமும் இருவரின் கூட்டணியை நினைவுபடுத்துகின்றன.

இவ்வாறு பழைய நினைவுகளையும் புதிய முயற்சியையும் ஒரே நேரத்தில் தரும் படமாக இது உருவாகியுள்ளது. அதனால் ரசிகர்கள் மத்தியில் ஆர்வம் தொடர்ந்து அதிகரித்து வருகிறது.. டீசரில் இடம் பெறும் காட்சிகள் படத்தின் பிரம்மாண்டத்தையும் வித்தியாசமான கதைக்களத்தையும் வெளிப்படுத்துகின்றன..

குறிப்பாக சினிமாவில் அதிகம் பயன்படுத்தப் படாத ஸோம்பி பின்னணியில் பிரபுதேவா, வடிவேலு போன்ற நட்சத்திரசங்களைப் பார்ப்பது ரசிகர்களுக்கு புதிய அனுபவமாக இருக்கிறது..

பிரபுதேவாவின் நடனம், ஆக்ஷன் மற்றும் நகைச்சுவை ஆகியவற்றை ஒரே படத்தில் ரசிக்க முடியும் என்ற எதிர்பார்ப்பும் ஏற்பட்டுள்ளது..அதே போல வடிவேலுவின் நகைச்சுவை காட்சிகள் படத்தின் தீவிரமான சூழ்நிலையை எவ்வாறு மாற்றப் போகின்றன என்பதும் சுவாரஸ்யமான கேள்வியாக உள்ளது..

பொதுவாக ஒரு படத்தின் டீசர் கதையை முழுமையாக வெளிப்படுத்தாமல் அதன் முக்கிய கதாபாத்திரங்கள் மற்றும் படத்தின் உலகத்தை ரசிகர்களுக்கு அறிமுகப்படுத்தும்.. அந்த வகையில் " பேங் பேங்": டீசரும் படத்தின் கதைக்களத்தைப் பற்றிய முழுமையான தகவலை வெளியிடாமல் அடுத்தடுத்து என்ன நடக்கப் போகிறது என்ற ஆர்வத்தை ஏற்படுத்துகிறது..

பிரபுதேவா மற்றும் வடிவேலுவின் பழைய கூட்டணியை நினைவுபடுத்தும் வகையில் சில தருணங்கள் அமைந்திருந்தாலும் ஒட்டுமொத்தமாக படம் புதிய பாணியில் உருவாகியிருப்பது தெரிகிறது.. மேலும் யுவன் சங்கர் ராஜாவின் பின்னணி இசையும் டீசரின் பரபரப்பை அதிகரிக்கும் வகையில் அமைந்துள்ளது..

ஒளிப்பதிவில் இடம் பெறும் இருண்ட பின்னணிகள், வேகமான காட்சிகள் மற்றும் ஸோம்பிகளின் தோற்றம் ஆகியவை த்ரில்லர் அம்சத்தை வலுப்படுத்துகிறது.. இதனால் குடும்ப ரசிகர்களை சிரிக்க வைப்பதோடு மட்டும் அல்லாமல் திகில் மற்றும் ஆக்ஷன் விரும்புவர்களையும் கவரும் என்ற எதிர்பார்ப்பு உருவாகி உள்ளது..

நீண்ட இடைவெளிக்குப் பிறகு இணைந்திருக்கும் இந்த கூட்டணி இந்த முறை எந்த மாதிரியான அனுபவத்தை ரசிகர்களுக்கு வழங்கப் போகிறது என்று பார்ப்போம்..

நகைச்சுவை, ஆக்‌ஷன், ஸோம்பி பின்னணி என வித்தியாசமான கலவையுடன் உருவாகியுள்ள ‘பேங் பேங்’, பிரபுதேவா - வடிவேலு கூட்டணியின் பழைய ரசிகர்களை மட்டுமல்லாமல், புதிய தலைமுறை ரசிகர்களையும் கவருமா என்ற எதிர்பார்ப்பை ஏற்படுத்தியுள்ளது. டீசர் ஏற்படுத்தியுள்ள வரவேற்பு, இந்தப் படத்தின் மீதான ஆர்வத்தை மேலும் அதிகரித்துள்ளது. நீண்ட இடைவெளிக்குப் பிறகு திரையில் இணையும் இந்தக் கூட்டணி, மீண்டும் தனது நகைச்சுவை முத்திரையைப் பதிக்குமா என்பதை திரையரங்க வெளியீட்டில் பார்க்கலாம்.

தமிழ் திரையுலகின் மாபெரும் நகைச்சுவை கூட்டணி மீண்டும் இணைந்துள்ள ‘பேங் பேங்’ திரைப்படத்தின் சுவாரஸ்யமான அம்சங்கள் மற்றும் ஸோம்பி களத்தில் உருவாகியுள்ள புதிய பாணி குறித்து முழுமையாகத் தெரிந்து கொள்ளலாம்.