தியேட்டரில் கலக்கும் ராயன்... முதல் நாள் வசூல் என்ன தெரியுமா?

தனுஷின் ராயன் படத்தின் முதல் நாள் வசூல் விவரம் வெளியாகியுள்ளது.

கேப்டன் மில்லர் படத்திற்கு பிறகு தனுஷ், தெலுங்கு பட இயக்குனர் சேகர் கம்முலா இயக்கும் ஒரு படத்தில் நடித்து வருகிறார். இதனிடையே தனுஷ் தனது 50-ஆவது படத்தையும் இயக்கி வருகிறார். இந்த படத்தின் பெயர் தான் ‘ராயன்’ இதனை சன் பிக்சர்ஸ் நிறுவனம் தயாரிக்கிறது. இந்த படத்தில் செல்வராகவன், பிரகாஷ் ராஜ், எஸ்.ஜே.சூர்யா, சுதீப் கிஷன், காளிதாஸ் ஜெயராம், துஷாரா விஜயன், என மிகப்பெரிய நட்சத்திர பட்டாளத்தையே களமிறங்கியுள்ளார் நடிகர் தனுஷ்.

ஏ.ஆர்.ரஹ்மான் இசையமைத்துள்ள இப்படத்தின் முதல் சிங்கிள் கடந்த மாதம் வெளியானது. இப்பாடலுக்கு பிரபுதேவா நடன இயக்கம் செய்துள்ளார். தனுஷ் எழுத்தில், ஏ.ஆர்.ரகுமான் இசையில் உருவான இந்த பாடலை தனுஷ் - ஏ.ஆர்.ரஹ்மானும் சேர்ந்து பாடியுள்ளனர். இந்த பாடலை ரசிகர்கள் வைப் செய்தநிலையில் இயக்குனர் செல்வ ராகவனும் பாடலை வெகுவாக பாராட்டியிருந்தார்.

தனுஷ், மற்றும் ஏ.ஆர்.ரகுமான் இணைந்து முதல் முறை பாடியுள்ளது இந்த படத்தின் மீதான எதிர்ப்பார்ப்பை கூட்டியுள்ளது. சமீபத்தில் நடைபெற்ற இசை வெளியீட்டு விழாவில் கூட இருவரும் ஒன்றாக பாடியது அனைவரையும் வெகுவாக கவர்ந்தது.

வடசென்னையை மையமாக வைத்து கேங்ஸ்டர் கதையாக இந்த படம் உருவாகி உள்ளது குறிப்பிடத்தக்கது. தனுஷுக்கு கேப்டன் மில்லர் திரைப்படம் மிகப்பெரிய அளவில் வரவேற்பை தரவில்லை. இதனால் ராயன் திரைப்படம் அவருக்கு சூப்பர் ஹிட் ஆக அமையுமா என்ற ஆவலில் ரசிகர்கள் இருந்தனர். இந்த படத்தை சன் பிக்சர்ஸ் சார்பில் கலாநிதி மாறன் தயாரித்து உள்ளார். இந்த நிலையில் இந்த படம் நேற்று உலகளவில் வெளியாகி நல்ல வரவேற்பை பெற்றுள்ளது. Sacnilk.com நிலவரப்படி, இந்த படம் வெள்ளிக்கிழமை 12 கோடி ரூபாய்க்கு மேல் வசூல் செய்துள்ளது.