சினிமாவில் பயன்படுத்தப்படும் 'கிளாமர்' என்ற சொல் தப்பு! – நதியா ஓபன் டாக்!

தமிழ், மலையாளம் மற்றும் தெலுங்குத் திரைப்பட உலகின் பிரபல நடிகை நதியா, தனது நீண்ட கால திரைப் பயணத்தில் தனித்துவமான பாணிக்காகவும், இயல்பான அழகுக்காகவும் ரசிகர்களால் கொண்டாடப்படுகிறார். திரையுலகில் அடிக்கடி பேசப்படும் ‘கிளாமர்’ (Glamour) என்ற வார்த்தை குறித்து அவர் ஆழமான கருத்தை வெளிப்படுத்தியுள்ளார்.

இளம் வயதிலேயே சினிமாவில் அறிமுகமாகி பல ஹிட் படங்களின் நாயகியாக வலம் வந்த நதியா, சமீபக்காலமாக அவ்வளவாக படங்களில் நடிப்பதில்லை. தனது இளம் வயதில் அவரின் தனித்துவமான நடிப்பும், இயற்கையான அழகும் பார்ப்பவர்க்ளை ரசிக்க வைக்கும்.

1980 களில் நதியா திரையுலகில் கால் பதித்தார். இவர் நடித்த முதல் திரைப்படமான பூவே பூச்சடவா படம் 1985ல் வெளியானது. நதியாவின் ஹேர் ஸ்டைல் முதல் ட்ரெஸ் ஸ்டைல் வரை இளம் பெண்களுக்கு பிடித்தமான ஒன்றாக மாறியது. 1980களின் பிற்பகுதி முழுவதும் நதியா ஒரு முன்னணி கதாநாயகியாகத் திகழ்ந்தார். அவர் கவர்ச்சிக்கு முக்கியத்துவம் கொடுக்காமல், கதைக்கும் தனது கதாபாத்திரத்துக்கும் முக்கியத்துவம் கொடுக்கும் படங்களைத் தேர்ந்தெடுத்தார். அவர் நடித்த பல படங்கள் விமர்சன ரீதியாகவும், வர்த்தக ரீதியாகவும் வெற்றி பெற்றன.

சமீபக்காலமாக தெலுங்கு படங்களில் அவ்வப்போது அம்மா கதாபாத்திரத்தில் நடிக்கிறார். அதுவும் இரண்டு மூன்று ஆண்டுகளுக்கு ஒருமுறை என்ற கணக்கில்தான். தமிழ் படங்களில் நடிப்பதே இல்லை. 

அந்தவகையில் நதியா ஒரு நேர்காணலில் க்ளாமர் குறித்து பேசியிருக்கிறார். நதியாவின் கூற்றுப்படி, 'கிளாமர்' என்ற சொல்லுக்கு திரைப்படத் துறையில் தவறான அர்த்தம் கொடுக்கப்பட்டுவிட்டது. "கிளாமர் என்பது யார் வேண்டுமானாலும் அழகாகவும், கவர்ச்சியாகவும் தோன்றக்கூடிய ஒரு விஷயம்," என்று அவர் குறிப்பிடுகிறார். அதாவது, கவர்ச்சி என்பது ஒரு சில ஆடைகளை அணிவதிலோ அல்லது ஒரு குறிப்பிட்ட தோற்றத்தைக் கொண்டிருப்பதிலோ மட்டும் இல்லை; அது பொதுவான அழகுணர்வுடன் தொடர்புடையது என்று அவர் வலியுறுத்துகிறார்.

நதியா தனது தொழில் வாழ்க்கையில் எப்போதும் ‘மனதுக்கு பிடித்தமான, வசதியான’ விஷயங்களுக்கு முக்கியத்துவம் கொடுத்து வந்துள்ளார். அவர், தான் ஏற்று நடிக்கும் பாத்திரங்கள் மற்றும் அவற்றை வெளிப்படுத்தும் விதம் ஆகியவை தனக்கு வசதியாக இருக்க வேண்டும் என்பதில் உறுதியாக இருந்ததாகக் கூறுகிறார்.

"அது கிளாமரைப் பற்றியது அல்ல," என்று அவர் தெளிவாகக் கூறுகிறார். "நான் வசதியாக உணராத நிலையில், சில வகையான பாத்திரங்களை என்னால் செய்ய முடியாது என்று உணர்ந்தேன்."

இதன் மூலம், திரையுலகில் வெளிப்படையான கவர்ச்சி மற்றும் அநாகரிகமான பாத்திரங்களுக்கு 'கிளாமர்' என்று தவறாகப் பெயரிடப்படுவதை நதியா கேள்விக்குள்ளாக்குகிறார். அவரது கருத்துப்படி, உண்மையான கிளாமர் என்பது ஒருவரது தன்னம்பிக்கை, ஆளுமை மற்றும் மனநிறைவுடன் வருவது; அதை அநாவசியமான உடைகள் மூலமாக மட்டும் வரையறுக்கத் தேவையில்லை.

சினிமாவில் வெளிப்புற கவர்ச்சியை மட்டும் தேடும் இன்றைய சூழலில், நடிகை நதியாவின் இந்த கருத்து, அசலான அழகும் மனநிறைவும் ஒரு நடிகைக்கு எவ்வளவு முக்கியம் என்பதைத் தெளிவுபடுத்துகிறது.