சூர்யா ரசிகர்களுக்கு ஹேப்பி ட்ரீட்... மிரட்டும் கங்குவா ட்ரைலர்... எப்படி இருக்கு தெரியுமா?

சூர்யா நடிக்கும் கங்குவா படத்தின் ட்ரைலர் வெளியாகி கவனம் பெற்று வருகிறது.

தமிழ் சினிமாவில் ஒரு மாபெரும் ஆக்சன் ஹீரோவாகவும், மாஸ் ஹீரோவாக வலம் வருபவர் நடிகர் சூர்யா. தற்போது தயாரிப்பாளராகவும் இருந்து வருகிறார். சிறுத்தை சிவா இயக்கத்தில் நடிகர் சூர்யா நடிப்பில் பிரம்மாண்டமாக தயாராகி வருகிறது ' கங்குவா' திரைப்படம்.

இத்திரைப்படத்தை யு.வி.க்ரியேஷன் மற்றும் ஸ்டுடியோ கிரீன் நிறுவனம் இணைந்து தயாரிக்கின்றன. கிட்டதட்ட 2 1/2 வருடமாக இந்த படம் ப்ரோடக்ஷனிலேயே இருக்கிறது. படத்தின் அப்டேட் எப்போது வரும், எப்போது ரிலீஸ் ஆகும் என காத்துகொண்டிருந்த ரசிகர்களுக்கு தற்போது குட்நியூஸ் வந்துள்ளது. அதாவது, கங்குவா படம் அக்டோபர் 10-ஆம் தேதி வெளியாகிறது எனப் படக்குழு அறிவித்துள்ளது. ஏற்கனவே, ரஜினிகாந்த் நடித்துள்ள வேட்டையன் படம் அதே தேதியில் வெளியாகும் என அறிவித்துள்ளனர். இதனால் 2 படம் போட்டி போடும் என தெரிகிறது.

இதை நடிகர் சூர்யா தனது ட்விட்டர் பக்கத்தில் போஸ்டருடன் அதிகாரப்பூர்வமாக அறிவித்திருந்தார். இதனை பார்த்த ரசிகர்கள், ஒரு வழியாக கங்குவா அப்டேட் வந்தாச்சு என கொண்டாடி வருகின்றனர். இதுமட்டுமின்றி கங்குவா இரண்டு பாகங்களாக உருவாகியுள்ளதாம். முதல் பாகம் இந்த ஆண்டு வெளிவரும் நிலையில், இரண்டாம் பாகத்திற்கான படப்பிடிப்பு 2026ஆம் ஆண்டு துவங்கி, படம் 2027-ல் வெளிவரும் என அப்படத்தின் தயாரிப்பாளர் ஞானவேல் ராஜா கூறியுள்ளார்.

3டி முறையில் சரித்திர படமாக உருவாகியுள்ள 'கங்குவா' திரைப்படம் 10 மொழிகளில் வெளியாக உள்ளது. 'கங்குவா' படத்தின் படப்பிடிப்பு நிறைவடைந்த நிலையில், தற்போது போஸ்ட் புரொடக்சன் பணிகள் நடந்து வருகின்றன. நடிகர் சூர்யாவின் பிறந்தநாளை முன்னிட்டு இந்த படத்தின் முதல் பாடல் வெளியாகி நல்ல வரவேற்பை பெற்றது. இந்த நிலையில் இந்த படத்தின் ட்ரைலர் தற்போது வெளியாகியுள்ளது. வெகுநாட்களாக சூர்யா எந்த படமும் நடிக்காத நிலையில், கங்குவாவில் மட்டும் தான் அதிக தீவிரம் காட்டி வருகிறார். இதனால் இந்த படத்தை எதிர்பார்த்து ரசிகர்கள் காத்து கொண்டிருக்கின்றனர்.

ட்ரைலர் எப்படி இருக்கு?

தீவு, மர்மம் என பின்னணி குரலுடன் தொடங்கும் ட்ரெய்லர் பிரம்மாண்டத்தின் காட்சியாக விரிகிறது. சூர்யா மாறுபட்ட தோற்றத்தில் நடித்திருப்பதால் ரசிகர்களின் கவனத்தை பெற்றுள்ளது. ட்ரைலரை பார்த்தாலே படம் எப்போது வரும் என்ற எதிர்பார்ப்பு எழுந்து வருகிறது.