இந்தியாவின் பாரம்பரிய கலாசாரத்தை பறைசாற்றும் 5 மர்மக் குகைகள்!

நீங்கள் ஒரு சாகசப் பிரியராக இருந்தாலும் சரி, சரித்திரப் பிரியர்களாக இருந்தாலும் சரி, இந்தியாவில் உள்ள இந்த மர்மமான குகைகளைக் காண்பதும் அவற்றை ஆராய்வதும் உங்களுக்கு சிறந்த அனுபவமாக இருக்கும். அந்த வகையில் இந்தியாவின் மர்மக் குகைகள் 5 பற்றி இந்தப் பதிவில் காண்போம்.

1. பொரா குகைகள்: ஆந்திரப் பிரதேசத்தில் உள்ள கிழக்குத் தொடர்ச்சி மலையில் உள்ள அனந்தகிரி மலையில் அமைந்துள்ள பொரா குகைகள், அவற்றின் அற்புதமான சுண்ணாம்புக் கற்கள் வரலாற்று முக்கியத்துவம் வாய்ந்தவை. பிரிட்டிஷ் புவியியலாளர் வில்லியம் கிங்கால் 1807ல் கண்டுபிடிக்கப்பட்ட இந்தக் குகைகள் சுமார் 150 மில்லியன் ஆண்டுகள் பழைமையானது. அவை இயற்கையாகவே விலங்குகள் மற்றும் மனித முகங்களைப் போன்ற வடிவங்களைப் பெற்றிருக்கும் செழிப்பான பசுமையால் சூழப்பட்ட குகைகளின் இயற்கை அழகு மற்றும் வரலாற்று ஆர்வலர்களின் விருப்பமான இடமாக உள்ளது.

2. பிம்பேட்கா குகைகள்: மத்தியப் பிரதேசத்தின் ரைசன் மாவட்டத்தில் அமைந்துள்ள பிம்பேட்கா குகைகள், பழங்கால பாறை ஓவியங்களுக்காக புகழ் பெற்ற தொல்பொருள் தலமாகும். 1957ல் கண்டுபிடிக்கப்பட்ட இந்தக் குகைகள் கற்காலத்தின் வண்ணமயமான கலைப்படைப்பைக் கொண்டுள்ளன. இது ஆரம்ப கால மனித வாழ்க்கையைப் பற்றிய ஒரு அரிய தோற்றத்தை நமக்கு அளிக்கிறது. இங்குள்ள ஓவியங்கள் வேட்டையாடுதல், நடனம் மற்றும் அன்றாட நடவடிக்கைகளின் காட்சிகளைக் காட்டுகின்றன. ஆரம்பகால மனிதர்களின் கலை திறன்களை வெளிப்படுத்துகிறது மற்றும் ஒரு முக்கியமான கலாசார மற்றும் வரலாற்று அடையாளமாகும்.

3. அமர்நாத் குகைகள்: ஜம்மு மற்றும் காஷ்மீரின் பிரம்மிக்க வைக்கும் இமயமலையில் அமைக்கப்பட்டுள்ள அமர்நாத் குகை இந்துக்களின் வழிபாட்டுத் தலமாகும். இது சிவபெருமானுக்கு அர்ப்பணிக்கப்பட்டுள்ளது மற்றும் ஒவ்வொரு கோடைக்காலத்திலும் ஜூலை மற்றும் ஆகஸ்ட் மாதங்களில் உருவாகும் இயற்கையான பனி சிவலிங்கத்திற்கு பிரபலமானது. சிவலிங்கம் போல் காட்சியளிக்கும் இந்தப் பனிக்கட்டி, ஆண்டுதோறும் ஆயிரக்கணக்கான பக்தர்களை ஈர்க்கிறது. குகையின் அழகிய இமயமலைச் சுற்றுப்புறங்கள் யாத்திரையை மேலும் சிறப்புறச் செய்கின்றன.

4. உண்டவல்லி குகைகள்: ஆந்திரப் பிரதேசத்தில் விஜயவாடாவிற்கு அருகில் அமைந்துள்ள உண்டவல்லி குகைகள் கி.பி. 4 முதல் 5ம் நூற்றாண்டு வரையிலான பாறையில் வெட்டப்பட்ட குகைகளின் கண்கவர் தொகுப்பாகும். ஈர்க்கக்கூடிய கட்டடக்கலை மற்றும் விரிவான செதுக்கல்களுக்கு பெயர் பெற்ற இந்தக் குகைகள் குப்தர் காலத்தின் பெருமையை பிரதிபலிக்கின்றன. ஒரு முக்கிய சிறப்பம்சமாக பெரிய சாய்ந்த புத்தர் சிலை இங்கு உள்ளது. பண்டைய இந்திய கலை மற்றும் கைவினைத்திறனுக்கு ஒரு குறிப்பிடத்தக்க எடுத்துக்காட்டாக இது விளங்குகிறது.

5. எலிஃபெண்டா குகைகள்: மஹாராஷ்டிரா மாநிலத்தின் மும்பை துறைமுகப் பகுதியில் அமைந்துள்ள காராப்புரி (Gharapuri) தீவில் எலிஃபெண்டா குகைகள் அமைந்துள்ளன. இங்குள்ள சிற்பங்களை துப்பாக்கி சுடும் பயிற்சிக்கு இலக்காக போர்ச்சுகீசியர்கள் பயன்படுத்தியதால் பல சிற்பங்கள் சிதைக்கப்பட்டு இருந்தாலும் இங்கிருக்கும் திருமூர்த்தி சிலை எனப்படும் சிவன் சிலையில் மூன்று முகங்கள் பிரம்மா, விஷ்ணு, சிவன் ஆகியோரை குறிப்பதாகக் கூறப்படுகிறது.