இன்றும் உலகை இணைக்கும் 10 பண்டைய வர்த்தகப் பாதைகள்!

ஆயிரக்கணக்கான ஆண்டுகளுக்கு முன், வெறும் பண்டமாற்றுக்காகத் தொடங்கப்பட்ட பாதைகள், பிற்காலத்தில் பொருட்கள், கலாச்சாரங்கள், தொழில்நுட்பங்கள் மற்றும் திறமைகளைப் பரிமாறிக் கொள்ளும் முக்கிய வழித்தடங்களாக உருவெடுத்தன. இவற்றில் சில நிலத்தின் வழியாகவும், சில ஆழமான கடலின் வழியாகவும் அமைந்திருந்தன. 

ஆச்சரியம் என்னவென்றால்? அவை வெறும் வரலாற்றுச் சுவடுகளாக மறைந்து போகவில்லை! நவீன நெடுஞ்சாலைகள், கப்பல் போக்குவரத்து வழிகள், இரயில் பாதைகளாக உருமாறி, இன்றும் உலகப் பொருளாதாரத்தின் முதுகெலும்பாகச் செயல்படுகின்றன.

வாருங்கள்! இன்றும் புழக்கத்தில் உள்ள மிகவும் பழமையான, பிரம்மாண்டமான உலகின் டாப் 10 பண்டைய வர்த்தகப் பாதைகளைப் பற்றி அறிவோம். 

பண்டைய வர்த்தகப் பாதைகளில் முதன்மையானது என்றால் அது பட்டுப் பாதையே. மத்திய ஆசியா, மத்திய கிழக்கு மற்றும் ஐரோப்பா வழியாக நீண்டு செல்லும் இந்தப் பாதையே, இன்றைய புதிய நெடுஞ்சாலைகள் மற்றும் இரயில் பாதைகளுக்கான மூல வழித்தடமாக உள்ளது.

• பரிமாறிய பொருட்கள்: முக்கியமாகப் பட்டு, அதனுடன் நறுமணப் பொருட்கள், தேயிலை, விலையுயர்ந்த கற்கள், குதிரைகள் மற்றும் கண்ணாடிப் பொருட்கள்.

• இன்றைய நிலை: இது இன்று 'புதிய பட்டுப் பாதை' (Belt and Road Initiative) போன்ற சர்வதேசத் திட்டங்களின் உத்வேகமாகத் திகழ்கிறது. வர்த்தகமும் கலாச்சாரப் பரிமாற்றமும் இன்றும் தொடர்ந்து கொண்டிருக்கிறது.

கிழக்கையும் மேலை நாடுகளையும் நிலம் மற்றும் கடல் வழியாக இணைத்த பண்டைய வலைப்பின்னல் இது. இந்தியாவிலிருந்தும், தென்கிழக்கு ஆசியாவிலிருந்தும் மிளகு, இலவங்கப்பட்டை, ஏலக்காய் போன்ற நறுமணப் பொருட்கள் இந்தப் பாதை வழியே மேலை நாடுகளை அடைந்தன.

முக்கியத்துவம்: இந்தியாவிற்கும் ஐரோப்பாவிற்கும் இடையிலான கடல்சார் வர்த்தகத்தின் முக்கியத்துவத்தை இந்தப் பாதை நிரூபித்தது. இன்றளவும் கப்பல் போக்குவரத்துக்கான உலகளாவிய வழிகளில் இது முக்கியப் பங்கு வகிக்கிறது.

இந்த வழித்தடம், பண்டைய காலத்தில் மிகவும் விலையுயர்ந்த பொருட்களான சாம்பிராணி மற்றும் வெள்ளைப்போளம் (முட்கள் நிறைந்த மரத்திலிருந்து கிடைக்கும் பிசின்) (Frankincense and Myrrh) போன்ற தூபப் பொருட்களை எடுத்துச் செல்லப் பயன்பட்டது. அரேபியாவிலிருந்து மத்தியதரைக் கடல் பகுதிகளுக்கு இந்தப் பொருட்கள் கொண்டு செல்லப்பட்டன.

இன்றைய பயன்பாடு: இப்பாதை பயணித்த பல பகுதிகள் இன்று சுற்றுலாத் தலங்களாகவும், நவீன நெடுஞ்சாலைகளாகவும் மாறியுள்ளன.

பாலடிக் கடலோரப் பகுதிகளில் காணப்படும் அம்பர் எனப்படும் சூரிய ஒளியின் நிறத்தையுடைய விலையுயர்ந்த கல்லின் போக்குவரத்திற்காக இந்தப் பாதை அமைந்தது. இது அம்பரைத் தெற்கே பண்டைய நாகரிகங்களுக்குக் கொண்டு சென்றது.

வரலாற்றுச் சிறப்பு: பண்டைய வர்த்தகத் தொடர்புகள் மற்றும் புவியியல் சார்ந்த வர்த்தகப் பரிமாற்றத்தை இது எடுத்துக்காட்டுகிறது.

சீனா, திபெத் மற்றும் இந்திய துணைக்கண்டத்தை இணைத்து, முக்கியமாகத் தேயிலை மற்றும் குதிரைகளைப் பரிமாற்றம் செய்ய உதவிய வெற்றிகரமான பாதை இது.

சிறப்பம்சம்: கடினமான மலைப்பகுதிகள் வழியாகச் செல்லும் இது, ஒரு காலத்தில் கலாச்சாரங்களின் கலவைக்கான முக்கியமான பாதையாக இருந்தது.

ஆசியாவின் மிக நீளமான, மிகப் பழமையான மற்றும் வரலாற்றுச் சிறப்புமிக்க நெடுஞ்சாலை! இது பங்களாதேஷ் முதல் ஆப்கானிஸ்தான் வரை, இந்தியா வழியாக நீள்கிறது. இது இன்றும் ஒரு முக்கியப் போக்குவரத்து மற்றும் வர்த்தகப் பாதையாக உள்ளது.

இந்தியாவில் வங்காளம், பீகார், உத்தரப் பிரதேசம், பஞ்சாப் வழியாகச் சென்று இந்தியத் துணைக்கண்டத்தின் வர்த்தகத்தில் முக்கியப் பங்காற்றுகிறது.

இது இந்தியாவின் ஒடிசா (பண்டைய கலிங்கம்) கடற்கரையிலிருந்து தென்கிழக்கு ஆசியா மற்றும் பிற பண்டைய நாகரிகங்களுடன் பொருட்களைப் பரிமாற்றம் செய்யப் பயன்படுத்தப்பட்ட முக்கிய கடல்சார் வர்த்தகப் பாதை ஆகும்.

இன்றளவும் இந்தப் பாதையின் பாரம்பரியத்தைக் குறிக்கும் வகையில் ஒடிசாவில் 'பாலி ஜாத்ரா' போன்ற கடற்பயணத் திருவிழாக்கள் கொண்டாடப்படுகின்றன.

கேரளாவில் உப்பு, மசாலாப் பொருட்கள், மூலிகைகள் மற்றும் அரிசி போன்ற அத்தியாவசியப் பொருட்களை உள்நாட்டுப் பகுதிகளுக்குக் கொண்டு செல்லப் பயன்படுத்தப்பட்ட பாதை இது. கேரளாவின் கரையோரப் பாதைகள் மற்றும் நீர்வழிகள் இன்றும் உள்ளூர் மற்றும் வர்த்தகத்தில் முக்கியப் பங்கு வகிக்கின்றன.

இது வட இந்தியாவிலிருந்து தொடங்கி, தமிழ்நாட்டின் ஆழமான தெற்குப் பகுதிகள் வரை சென்றது. வைரங்கள், பருத்தி மற்றும் மசாலாப் பொருட்கள் போன்றவற்றைத் தக்காண பீடபூமி வழியாகக் கடத்தியது.

இந்தப் பாதை கடந்து சென்ற பகுதிகளில் அமைந்திருந்த வரலாற்றுச் சிறப்புமிக்க நகரங்கள் இன்றும் அதன் முக்கியத்துவத்தை உணர்த்துகின்றன.

எகிப்திலிருந்து லெவண்ட் (Levant) வழியாக மத்தியதரைக் கடலோரமாகச் சென்ற இந்தப் பாதை, ஒரு பிராந்திய முக்கியத்துவம் வாய்ந்த வர்த்தக வழித்தடமாக இருந்தது. இது ஒரு காலத்தில் ராணுவ நகர்வுக்கும், வர்த்தகத்திற்கும் பயன்படுத்தப்பட்டது.

இந்த பண்டைய வணிகப் பாதைகள் வெறும் வரலாற்றுச் சுவடுகள் மட்டுமல்ல. அவை ஒரு காலத்தில் உலகை வடிவமைத்தன; நாகரிகங்களைக் கலந்தன; உலகமயமாக்கலின் முதல் அத்தியாயத்தை எழுதின. இன்று நாம் பயன்படுத்தும் பல நவீன போக்குவரத்து வழிகள், இந்தப் பழமையான வழித்தடங்களின் மீதே அமைக்கப்பட்டுள்ளன என்பது தான் ஆச்சரியமான உண்மை.

இந்த வியத்தகு பாதைகள், வரலாறு நிகழ்காலத்தில் உயிர்ப்புடன் இருக்கிறது என்பதற்கான அசைக்க முடியாத சான்றுகள்!