சர்தார் வல்லபாய் படேல் ‘இந்தியாவின் இரும்பு மனிதர்’ என்று அழைக்கப்படுவதன் வரலாறு!

சர்தார் வல்லபாய் படேல் இந்திய சுதந்திர இயக்கத்தில் செல்வாக்குமிக்க தலைவராகவும், இந்தியாவின் முதல் துணைப் பிரதமர் மற்றும் உள்துறை அமைச்சராகவும் பதவி வகித்தவர். அவரது தலைமைத்துவ குணங்கள் இந்திய வரலாற்றில் ஒரு முக்கியமான அடையாளத்தை ஏற்படுத்தியது. ‘இந்தியாவின் இரும்பு மனிதர்’ என ஏன் அவர் அழைக்கப்பட்டார் என்பதற்கான காரணங்களைப் பற்றி இந்தப் பதிவில் பார்ப்போம்.

சுதந்திரப் போராட்ட வீரர்: குஜராத்தில் வெற்றிகரமான வழக்கறிஞராகத் திகழ்ந்த படேல், மகாத்மா காந்தியின் ஆரம்ப கால அரசியல் தளபதிகளில் ஒருவராக விளங்கினார். பிரிட்டிஷ் ராஜ்ஜியத்திற்கு எதிரான வன்முறையற்ற கீழ்ப்படியாமையில், விவசாயிகளை ஒன்றிணைத்து குஜராத்தின் செல்வாக்கு மிக்க தலைவர்களில் ஒருவரானார். ‘வெள்ளையனே வெளியேறு’ இயக்கத்தை ஊக்குவிப்பதில் பெரும் பங்காற்றினார். பம்பாயில் உள்ள கோவாலியா டேங்கில் கூடியிருந்த ஒரு லட்சத்திற்கும் மேற்பட்ட மக்களிடம் அவர் நிகழ்த்திய உரை மிகவும் முக்கியமானது. அது இந்தியா முழுவதும் கிளிர்ச்சியை ஏற்படுத்தியது.

சமஸ்தானங்களின் ஒருங்கிணைப்பு: 1947ல் இந்தியா சுதந்திரம் அடைந்தபோது, நாட்டில் 500க்கும் மேற்பட்ட சமஸ்தானங்கள் இருந்தன. அவற்றில் பல இந்திய ஒன்றியத்தில் சேர தயக்கம் காட்டின. ராஜதந்திரம் பேச்சுவார்த்தை மூலம் அவற்றை இந்தியாவோடு இணைத்துக்கொள்வதில் படேல் முக்கியப் பங்காற்றினார். அவரது முயற்சிகள் விரைவான மற்றும் பயனுள்ள ஒருங்கிணைப்புக்கு வழிவகுத்தது. தேசத்தின் பிராந்திய ஒருமைப்பாட்டை உறுதிப்படுத்தியது.

நெருக்கடியில் உறுதியான நிலைப்பாடு: படேல் சமஸ்தானங்களின் ஒருங்கிணைப்பால் முன்வைக்கப்பட்ட சவால்களை எதிர்கொண்டபோது சாத்தியமான பின்னடைவுகள் இருந்தபோதும், தேசத்தை ஒருங்கிணைக்க அவர் மன உறுதியுடன் இருந்தார். ஹைதராபாத் மற்றும் ஜூனாகத் போன்ற பல்வேறு சமஸ்தானங்களின் மோதல்களை திறமையாக நிர்வகித்தார். ராஜதந்திரம் மற்றும் ராணுவ நடவடிக்கைகளைப் பயன்படுத்தி அவர் இந்த பிரச்னைகளை கையாண்டார்.

அரசியல் மற்றும் நிர்வாகத் திறன்கள்: சுதந்திரத்திற்கு பிந்தைய இந்தியாவில் பலதரப்பட்ட பங்குதாரர்களிடையே கூட்டு ஒப்பந்தங்களை அமைப்பதில் அவரது மத்தியஸ்தம் மற்றும் நிர்வாகத் திறன் மிகவும் முக்கியமானது. புதிதாக உருவாக்கப்பட்ட தேசம் பலதரப்பட்ட மக்களை ஆளக்கூடிய திறமையான மற்றும் நிர்வாகத்தை கொண்டிருப்பதை உறுதி செய்தார்.

தொலைநோக்குப் பார்வை கொண்ட தலைவர்: பலதரப்பட்ட கலாசாரங்கள், மொழிகள் மற்றும் மதங்கள் அமைதியாக வாழக்கூடிய ஒன்றுபட்ட இந்தியாவை கற்பனை செய்தார். இந்த வெவ்வேறு கூறுகளை ஒன்றிணைக்கக்கூடிய வலுவான மத்திய அரசாங்கத்திற்காக அவர் வாதிட்டதன் மூலம் தேசிய ஒருமைப்பாட்டிற்கு பங்களித்தார். இந்தியாவின் ஒருமைப்பாட்டின் மீதான அவருடைய நம்பிக்கை சமூகத்தில் பல்வேறு பிரிவுகளிடையே வகுப்புவாத நல்லிணக்கம் மற்றும் ஒருங்கிணைப்பின் அவசியத்தை வலியுறுத்தியது.

மரபு மற்றும் செல்வாக்கு: இந்தியக் கலாசாரத்தில் வலிமை, ஒற்றுமை மற்றும் தேசிய ஒருமைப்பாட்டின் அடையாளமாக படேல் வாழ்ந்தார். ‘இரும்பு மனிதன்’ என்கிற அவரது பட்டப்பெயர் சமகால இந்தியாவில் சவால்களை எதிர்கொள்ளும் தைரியத்தின் அடையாளமாக எதிரொலிக்கிறது. விரைவான தொழில் மயமாக்கலின் விளைவாக பெண்களின் விடுதலை மற்றும் தன்னிறைவு ஆகியவற்றுக்கு வெளிப்படையான ஆதரவாளராகவும், அகதிகள் மீதான அக்கறைக்காகவும் அவர் அறியப்பட்டார். அகில இந்திய சேவைகள் அமைப்பை நிறுவுவதில் அவரது பங்கிற்காக இந்தியாவின் அரசு ஊழியர்களின் துறவி என்றும் அழைக்கப்பட்டார்.

கடமையும், பாசமும்: அவரது மனைவி புற்றுநோய்க்கான அறுவை சிகிச்சைக்காக மருத்துவமனையில் அனுமதிக்கப்பட்டிருந்தார். அவர் நீதிமன்றத்தில் ஒரு சாட்சியை குறுக்கு விசாரணை செய்து கொண்டிருந்தபோது மனைவி இறந்த செய்தி குறித்த ஒரு குறிப்பு அவருக்குத் தரப்பட்டது. அதைப் பாக்கெட்டில் வைத்துக் கொண்டு குறுக்கு விசாரணையை தொடர்ந்து வழக்கு வெற்றி பெற்ற பின்பே அவர் தனது மனைவியின் இறப்பை பிறருக்கு அறிவித்தார். மனைவியின் மறைவிற்குப் பிறகு அவர் மீண்டும் மறுதிருமணம் செய்து கொள்ளாமல் தனது குழந்தைகளை வளர்த்தார்.