தினமும் காலையில் இந்த ஒரு ஐஸ் கட்டி போதும்... வெயிலிலும் உங்கள் முகம் வாடவே வாடாது!

தினமும் வெளியே செல்லும் போது தூசு, மாசு மற்றும் சுட்டெரிக்கும் வெயில் காரணமாக நமது முகம் அதன் பொலிவை முழுமையாக இழந்து மிகவும் சோர்வாக காணப்படுகிறது. முகத்தை மீண்டும் பளபளப்பாக மாற்ற வேண்டும் என்பதற்காக பலரும் ஆயிரக்கணக்கில் பணத்தை செலவு செய்து பியூட்டி பார்லருக்கு படையெடுப்பார்கள். 

ஆனால் நமது வீட்டு சமையலறையில் இருக்கும் ஒரு சாதாரண பொருளை வைத்தே முகத்தை தேவதை போல ஜொலிக்க வைக்க முடியும் என்றால் உங்களால் நிச்சயம் நம்ப முடியாது. ஆமாம், தினமும் நாம் உணவிற்கு பயன்படுத்தும் வெள்ளரிக்காயை வைத்து ஒரு அற்புதமான இயற்கை ஐஸ் கியூப் எப்படி தயார் செய்வது என்பதை பற்றி இந்தப் பதிவில் பார்க்கலாம்.

வெள்ளரிக்காயின் நன்மைகள்!

வெள்ளரிக்காயில் இயற்கையாகவே நீர்ச்சத்து மற்றும் வைட்டமின்கள் மிக அதிக அளவில் நிறைந்துள்ளன. இது வறண்ட சருமத்திற்கு ஒரு அருமையான வரப்பிரசாதம் என்று தான் சொல்ல வேண்டும். இதனுடன் ஐஸ் சேரும் போது அது முகத்தில் உள்ள பெரிய சரும துளைகளை சுருக்கி முகத்தை இறுக்கமாக மற்றும் இளமையாக மாற்றுகிறது. முக்கியமாக கண்களுக்குக் கீழே உள்ள மோசமான கருவளையம் மற்றும் ஆங்காங்கே வரும் முகப்பருக்களை வந்த இடம் தெரியாமல் விரட்டி அடிப்பதில் இதற்கு நிகர் வேறு எதுவுமே இல்லை.

தயார் செய்யும் முறை!

முதலில் ஒரு நல்ல பிரெஷ்ஷான வெள்ளரிக்காயை எடுத்து சுத்தமான தண்ணீரில் நன்றாக கழுவி கொள்ளுங்கள். அதன் தோலை சீவ வேண்டிய அவசியம் இல்லை, அப்படியே சிறு சிறு துண்டுகளாக நறுக்கி ஒரு மிக்ஸி ஜாரில் போட்டு கொள்ளுங்கள். இதனுடன் தண்ணீர் எதுவும் சேர்க்காமல் மிகவும் கெட்டியான பேஸ்ட் போல அரைத்து எடுக்க வேண்டும். 

அரைத்த அந்த விழுதை ஒரு மெல்லிய துணி அல்லது வடிகட்டி மூலமாக பிழிந்து சுத்தமான சாற்றை மட்டும் தனியாக ஒரு கிண்ணத்தில் எடுத்து கொள்ளுங்கள். உங்களுக்கு இன்னும் கொஞ்சம் எக்ஸ்ட்ரா பலன் கிடைக்க வேண்டும் என நினைத்தால், இந்த சாற்றுடன் ஒரு ஸ்பூன் பன்னீர் அல்லது சில துளிகள் எலுமிச்சை சாறு மற்றும் சிறிது கற்றாழை ஜெல் சேர்த்து நன்றாக கலந்து கொள்ளலாம். இப்போது இந்த கலவையை உங்கள் வீட்டில் உள்ள ஐஸ் ட்ரேயில் ஊற்றி இரவு முழுவதும் பிரிட்ஜில் உறைய வைத்து விடுங்கள்.

பயன்படுத்தும் விதம்

மறுநாள் காலையில் தூங்கி எழுந்தவுடன் முகத்தை சாதாரண நீரால் கழுவி விட்டு, பிரிட்ஜில் இருந்து ஒரு வெள்ளரிக்காய் ஐஸ் கட்டியை மட்டும் எடுத்து கொள்ளுங்கள். ஐஸ் கட்டியை எப்போதுமே நேரடியாக முகத்தில் தேய்க்க கூடாது. ஒரு சுத்தமான மெல்லிய காட்டன் துணியில் அந்த ஐஸ் கட்டியை வைத்து சுற்றி முகத்தில் மெதுவாக மசாஜ் செய்ய வேண்டும். 

கன்னங்கள், நெற்றி மற்றும் கண்களை சுற்றி வட்ட வடிவில் சுமார் மூன்று முதல் ஐந்து நிமிடங்களுக்கு பொறுமையாக தேய்த்து கொடுங்கள். இந்த குளிர்ந்த மசாஜ் உங்கள் முகத்தில் உள்ள ரத்த ஓட்டத்தை பல மடங்கு அதிகரிக்கும். அதன் பிறகு அந்த வெள்ளரிக்காய் சாறு முகத்தில் நன்றாக ஊறும் வரை ஒரு பத்து நிமிடம் அப்படியே விட்டு விடுங்கள். இறுதியாக சாதாரண குளிர்ந்த நீரால் முகத்தை கழுவி துடைத்து பாருங்கள்.

இந்த சிம்பிளான டிப்ஸை நீங்கள் தினமும் காலையில் தொடர்ந்து செய்து வரும் போது முகம் நாள் முழுவதும் மிகவும் புத்துணர்வுடன் இருப்பதை நீங்களே உணர்வீர்கள். எந்த ஒரு ரசாயனமும் இல்லாத இந்த முற்றிலும் இயற்கையான முறை உங்கள் சருமத்திற்கு நூறு சதவீதம் பாதுகாப்பானது.