ஹை ஹீல்ஸ் முதல் ஹேண்ட்பேக் வரை: பெண்கள் பயன்படுத்தும் பொருட்களின் ஆச்சரிய வரலாறு!

பெண்கள் தற்போது எங்கே வெளியே சென்றாலும் 'ஹேண்ட் பேக்' உடன் செல்கிறார்கள். ஆனால் அது முதன் முதலாக ஆண்களுக்காகத்தான் உருவாக்கப்பட்டது என்பது தெரியுமா? 14 -ம் நூற்றாண்டில் எகிப்தில் ஆண்கள் தங்களது சிறு உடைமைகளை ஒரு பவுச்சில் வைத்து அதை இடுப்பில் மாட்டிக்கொண்டு சென்றார்கள். பின் 1923-ம் ஆண்டு அது "ஜிப்' வுடன் கூடிய பையாக மாறியவுடன் ஆண்களும், பெண்களும் பயன்படுத்த ஆரம்பித்து பின்னர் பெண்கள் மட்டுமே பயன்படுத்தும் 'ஹேண்ட் பேக்' என்றானது.

இன்றைய காலகட்டத்தில் ஹை ஹீல்ஸ் எனப்படும் உயரமான குதிகால் கொண்ட காலணிகள் அணிவது பெண்களுக்கு மட்டுமே உரித்தானதாக கருதப்படுகிறது. ஆனால் முதலில் ஹை ஹீல்ஸ் காலணிகள் ஆண்களுக்காகவே வடிவமைக்கப்பட்டது. என்று சொன்னால் பலருக்கும் ஆச்சரியமான விஷயமாக இருக்கும்.

ஹை ஹீல்ஸ் வரலாறு பண்டைய பெர்சிய நாட்டில் 10 ம் நூற்றாண்டில் இருந்து தொடங்குகிறது. பாரசீக குதிரைப் படை வீரர்கள் சவாரி செய்யும் போது தங்கள் கால்களை பாதுகாக்க இந்த வகை காலணிகளை அணிய தொடங்கினர். மேலும் இது வலுவான பிடியை வழங்கியது. இதனால் குதிரையில் அமர்ந்து போர் புரிய வசதியாக இருந்தது.இதனால் இந்த காலணி பாரசீகம் மட்டுமல்லாது அண்டை நாடுகளுக்கும் பரவியது.

ஐரோப்பாவில் இதை ஆண்கள் அணிய மிகவும் விருப்பப்பட்டதால்., அது செல்வத்தின் அடையாளமாக கருதப்பட்டது. ஐரோப்பிய நீதிமன்றங்களில் முக்கியத்துவம் பெற்றது. ஆண்களின் ஃபேஷனாக மாறிய ஹை ஹீல்ஸ் 17 ம் நூற்றாண்டின் இறுதியில் படிப்படியாக ஆண்களிடையே செல்வாக்கை இழந்தது. அதனால் ஹை ஹீல்ஸ் பெண்களின் ஃபேஷன் உலகில் நுழைந்தது. அதன் பின்னர் பல ஃபேஷன் டிசைனர்கள் ஹை ஹீல்ஸ்யை பெண்களுக்கு என்று அதை மாற்றினார்கள்.

பெரும்பாலும் வகுப்புகளுக்குள் வேறுபாட்டை வேறுபடுத்துவதற்கு லிப்ஸ்டிக் வண்ணங்கள் பயன் படுத்தப்பட்டன. உதாரணமாக, சிவப்பு என்பது உயர் வகுப்பினருடன் தொடர்புடைய நிறம், ஊதா பொதுவாக கீழ் வகுப்பினருடன் தொடர்புடையது. ஆண்களும் லிப்ஸ்டிக் அணிந்த வரலாற்றைக் கொண்டுள்ளனர்; ரோமின் ஆரம்ப ஆண்டுகளில் இது மிகவும் பரவலான போக்காக இருந்தது.

தற்போது பெண்கள் தங்களது அழகிற்கு அழகு சேர்க்க உதட்டில் சாயம் பூசுகிறார்கள். அது பெண்களுக்கு என்று அறிமுகமானது 1880 ம் ஆண்டுதான். இதனை உருவாக்கியவர் டாக்டர் சார்லஸ் புரோவ்னி பிளிட் எனும் மருத்துவர். முதன் முதலாக வந்த லிப்ஸ்டிக் தற்போதுள்ள குச்சி போன்றோ, டியூப் வடிவிலோ வரவில்லை, சிறிய மெழுகுவர்த்தி வடிவில் ஒரு ஜரிகை பேப்பர் சுற்றி விற்பனைக்கு வந்தது. லிப்ஸ்டிக் பெண்களுக்கு என்ற பார்வை உண்மையில் 1890 களில் தொடங்கியது. லிப்ஸ்டிக் பெண்களுக்கு என சட்டப்பூர்வமாக்கப்பட்டது, மேலும் பல லிப்ஸ்டிக் விளம்பரங்கள் வெளிவந்தன, அனைத்தும் பெண்களைக் மையப்படுத்தி இருந்தன.

1920 ம் ஆண்டு கார்களுக்கு அடிக்கும் பெயிண்ட் பளபளப்பாக இருக்கும். அந்த தொழில் நுட்பத்தின் அடிப்படையில் உருவானதுதான். பெண்கள் தங்களது நகங்களில் அழகு சேர்க்க பயன்படுத்தி வரும் 'நெயில் பாலிஷ்'. ஆட்டோமெபைல் பெயிண்ட் தொழில்நுட்ப வளர்ச்சி நவீன நெயில் பாலிஷ்ற்கான தோற்றத்தை வழங்கியது. இதனை முதல் முறையாக நெயில் பாலிஷ்ற்கானது என உருவாக்கியவர் "மிச்செல் மெனார்ட் "எனும் வேதியியல் நிபுணர் மற்றும் ஃபேஷன் டிசைனர். இது பெண்களுக்கு என 1920 ம் ஆண்டு அறிமுகமானபோது குறைந்த எண்ணிக்கையிலான வண்ணங்களே இருந்தன.

1930 ம் ஆண்டு' சார்லஸ் ரெவ்சன் 'என்பவர் புதிய வகை எனாமலை உருவாக்கி பல வண்ணங்களில் நெயில் பாலிஷ்யை வியாபார ரீதியாக அறிமுகப்படுத்தினார். அதுவரை பெண்களின் நெயில் பாலிஷ் சிவப்பு நிறத்தில் மட்டுமே வந்தது.1940 ம் ஆண்டிலிருந்துதான் நெயில் பாலிஷ் பெண்களின் அழகு சாதனப்பொருட்களில் பிரதான அங்கமாக மாறியது.