சருமத்தில் திடீர் மாற்றம்? எச்சரிக்கை! இது ஆபத்தானதா?

நமது அழகை எடுத்துக்காட்டுவது பெரும்பாலும் நம் உடலை மூடி இருக்கும் வெளிப்புற சரும அமைப்பே ஆகும். அந்த சரும நிறம் மாறினாலோ அல்லது அதில் மருக்கள், மச்சங்கள் போன்றவைகள் பெரிய அளவில் இருந்தாலும் அழகை சற்று குறைக்கும் எனும் எண்ணம் உள்ளது. இவற்றை நீக்க அழகு நிலையம் செல்பவர்களும் உண்டு. ஆனால் இவை அனைத்தும் ஒரே வகை மற்றும் ஆபத்து தருமா? என்ற சந்தேகங்களும் உள்ளது. இப்படி சருமத்தில் ஏற்படும் பாதிப்புகள் மற்றும் அவற்றின் வித்யாசங்களை  இங்கு காண்போம்.

சரும குறிச்சொற்கள் (skin tags), மருக்கள் (warts) மற்றும் மச்சங்கள் (moles) ஆகியவை அனைவருக்கும் ஏற்படும் பொதுவான சரும வளர்ச்சி அல்லது அமைப்புகளாகும். அவை ஒரே மாதிரியாகத் தோன்றினாலும் ஒவ்வொன்றும் தனித்துவமான குணாதிசயங்களைக் கொண்டுள்ளன.

சரும குறிச்சொற்கள் (skin tags) 

அக்ரோகார்டன்கள் என்றும் அழைக்கப்படும் இவை வடிவில் சிறியவையாகவும் தொட்டால் நகரும் அளவு மென்மையாகவும் இருக்கும்.  இவைகள் பெரும்பாலும் கழுத்து, அக்குள், இடுப்பு மற்றும் கண் இமைகள் போன்ற சருமத்தோடு அல்லது ஆடைகளில் சருமம் உராய்வதால் உருவாகின்றன. அவை பெரும்பாலும் சதை நிறத்தில் அல்லது பழுப்பு நிறத்தில் சருமத்தில் இருந்து தொங்கும் ஒரு மெல்லிய சதைத் துணுக்குபோல் காணப்படும்.

மருக்கள்
மருக்கள் கரடுமுரடாகவும் கடினமானவையாகவும் இருக்கும்.  சிறிய கருப்பு புள்ளிகள் (உறைந்த இரத்த நாளங்கள்) தோற்றத்தில் சதை நிறத்தில் அல்லது கருமை நிறத்தில் இருக்கும்.

மருக்கள் மனித பாப்பிலோமா வைரஸால் (HPV) ஏற்படுவதாக கூறப்படுகிறது. இவை உடலில் எங்கும் தோன்றலாம் எனினும்  கைகள், கால்கள் மற்றும் முகத்தில் பெரும்பாலும் உருவாகிறது.

மச்சங்கள்

மச்சங்கள் பொதுவாக தோலில் பழுப்பு அல்லது கருப்பு நிறப் புள்ளிகளாக இருக்கும். அவை வட்டவடிவில் அல்லது தட்டையாக சற்று புடைத்து இருக்கலாம். மச்சங்கள் பெரும்பாலும் குழந்தை பருவத்திலோ அல்லது இளமைப் பருவத்திலோ தோன்றும். இவைகள் நிலைத்த தன்மை இல்லாமல் சூரிய ஒளி அல்லது ஹார்மோன்கள் காரணமாக காலப்போக்கில் மாறக்கூடும். பொதுவாக மென்மையாக இருக்கும் மச்சங்களில் சிலருக்கு சிறிய முடிகள் வளரும் வாய்ப்பு உண்டு. நிலைத்த மச்சங்களையே நமது அடையாளமாக ஏற்பதுண்டு.

வேறுபாடுகள்

அமைப்பு மற்றும் தோற்றமே வித்யாசமானதுதான். தோல் குறிச்சொற்கள் மென்மை மற்றும் தொங்கும் தன்மையுடனும் இருக்கும், மருக்கள் கடினமாகவும்  மச்சங்கள் உறுத்தாத வகையிலும் இருக்கும்.

இவைகள் உருவாகும் காரணத்தாலும் வேறுபடுகின்றன. மருக்கள் வைரஸால் (HPV) ஏற்படுகின்றன, அதே நேரத்தில் தோல் குறிச்சொற்கள் மற்றும் மச்சங்கள் வைரஸ்களால் ஏற்படுவதில்லை. காலப்போக்கில் சூரிய ஒளி அல்லது கூடும் வயது,  ஹார்மோன்கள் காரணமாக மச்சங்கள் மாறலாம். மருக்களும் அதிகமாகலாம்.

இவை மூன்றும் தோலில் உருவாகும் பாதிப்பு என்றாலும் பெரிய அளவில் இவற்றினால் பாதிப்புகள் வராது என்கிறது மருத்துவம். என்றாலும் சரும வளர்ச்சி அளவு, வடிவம், நிறம் அல்லது இரத்தப்போக்கு போன்றவை  கண்டால் உடனடியாக ஒரு சரும மருத்துவரை அணுகவேண்டும்.

அவர் பாதிப்பு தரும் சரும குறிச்சொற்கள், மருக்கள் மற்றும் மச்சங்களை பரிசோதனை மூலம் கண்டறிந்து, தேவைப்பட்டால் சிகிச்சை அல்லது அகற்றுதல் குறித்த ஆலோசனைகளை பரிந்துரைப்பார்.

வீட்டிலேயே சரும குறிச்சொற்கள் மற்றும் மருக்களை அகற்ற ஆப்பிள் சைடர் வினிகர் அல்லது பிற முறைகளைப் பயன்படுத்த முயற்சி செய்வது மிகப்பெரிய பின்விளைவுகளை தரும். எச்சரிக்கை.