பசுமை / சுற்றுச்சூழல்

3 செ.மீ. 'முதலை விரல் வாழைப்பழம்'! சாப்பிட்டதுண்டா?

Banana
Banana
தேனி மு.சுப்பிரமணி
தேனி மு.சுப்பிரமணி

தேனி மு. சுப்பிரமணி தேனியில் சுயநிதிப் பொறியியல் கல்லூரி ஒன்றில் நிருவாக மேலாளர் மற்றும் செயலாளர் (கூடுதல் பொறுப்பு) நிலையில் பணியாற்றிய தேனி மு. சுப்பிரமணி, கல்லூரி நிருவாகத்துடன் ஏற்பட்ட கருத்து வேறுபாட்டால் அங்கிருந்து வெளியேறிய பின்பு, தமிழில் வெளியாகும் பல்வேறு இதழ்களில் எழுதி வருகிறார். ஆன்மிகம், கணினி, இணையம், கல்வி உள்ளிட்ட பல்வேறு துறைகளில் இரண்டாயிரத்துக்கும் அதிகமான கட்டுரைகளை எழுதியிருக்கிறார். இதுவரை இவர் எழுதிய பத்தொன்பது நூல்கள் வெளியாகியிருக்கின்றன. இவர் எழுதிய ‘தமிழ் விக்கிப்பீடியா’ எனும் நூலுக்குத் தமிழ்நாடு அரசின் தமிழ் வளர்ச்சித் துறையின் சிறந்த நூலுக்கான பரிசு கிடைத்திருக்கிறது என்பது இங்கு குறிப்பிடத்தக்கது. நடைமுறை வாழ்க்கையில் தூயதமிழைப் பயன்படுத்தி, தமிழ் மொழியின் வளர்ச்சிக்கும், பாதுகாப்பிற்கும் உறுதுணையாக இருக்கும் இவரைப் பாராட்டித் தமிழ்நாடு அரசின் செந்தமிழ்ச் சொற்பிறப்பியல் அகரமுதலித் திட்ட இயக்ககம் 2022 ஆம் ஆண்டுக்கான ‘தூயதமிழ்ப் பற்றாளர் விருது’ வழங்கிச் சிறப்பித்திருக்கிறது. தமிழ்நாடு அரசின் தமிழ் வளர்ச்சித் துறையினால் நடத்தப்பெற்று வரும் இளந்தமிழர் இலக்கியப் பட்டறை, ஆட்சி மொழிப் பயிலரங்கம், கருத்தரங்கம் உள்ளிட்ட நிகழ்வுகளிலும், தமிழ்நாட்டிலுள்ள பல்வேறு கல்லூரிகளில் நடத்தப்பெறும் பயிலரங்கம் மற்றும் கருத்தரங்கம் உள்ளிட்ட நிகழ்வுகளிலும் கலந்து கொண்டு ‘இணையத்தமிழ்’ தொடர்பாகப் பல்வேறு பயிற்சி வகுப்புகளை நடத்தி வருகிறார். தேனித் தமிழ்ச் சங்கத்தின் தலைவராக ஆறு ஆண்டுகளாகச் செயல்பட்டு வந்த இவர், தற்போது தேனித் தமிழ்ச் சங்கத்தின் செயலாளராகவும், சென்னை, சங்கம் தமிழ் அறக்கட்டளையின் செயலாளராகவும் செயல்பட்டு வருகிறார். முத்துக்கமலம் (www.muthukamalam.com) எனும் பெயரில் பன்னாட்டுத் தமிழ் மின்னிதழ் (ISSN: 2454 - 1990) ஒன்றினை 2006 ஆம் ஆண்டில் தொடங்கி, அதன் ஆசிரியராகத் தொடர்ந்து செயல்பட்டு வருகிறார். மாதமிருமுறை புதுப்பிக்கப்பட்டு வரும் முத்துக்கமலம் இணைய இதழ் குறித்து ஆய்வு செய்து இருவர் எம்.பில் பட்டங்களைப் பெற்றிருக்கின்றனர். ‘முத்துக்கமலம் இணைய இதழின் இலக்கியப் பணிகள்’ எனும் தலைப்பில் ஒருவர் மதுரை காமராசர் பல்கலைக்கழகத்தில் முனைவர் பட்டத்திற்கான (Ph.D) ஆய்வு மேற்கொண்டு வருகிறார் என்பதும் இங்கு குறிப்பிடத்தக்கது. பல்கலைக்கழக மானியக் குழுவின் தமிழ் மொழிக்கான ஆய்விதழ்களின் பட்டியலில் முத்துக்கமலம் இதழ் ஒரு ஆண்டு காலம் இடம் பெற்றிருந்தது என்பதும் இங்கு கவனிக்கத்தக்கது.

Updated on: 

தமிழ்நாட்டில் கன்னியாகுமரி மாவட்டத்தில் அகத்தீஸ்வரம், தோவாளை, திருவட்டார் வட்டங்களில் பொதுவானதாகவும் பரவலாகவும் பயிரிடப்படும் கன்னியாகுமரி மட்டி வாழைப்பழம் (Kanyakumari Matti Banana) ஓர் பாரம்பரிய உணவுப் பொருளாகும். கன்னியாகுமரி மட்டி வாழைப்பழம் 2.5 செ.மீ முதல் 3 செ.மீ. நீளமுடையது.

இதன் உச்சி முதலையின் வாயைப் போன்றது. எனவே இதற்கு 'முதலை விரல் வாழைப்பழம்' என்ற புனைப்பெயரும் உண்டு. இந்த வாழை மரத்தில் நீளமாகவும், நேராகவும், சமமாகவும் வளரும். வழக்கமான வாழைப்பழக் குலைகளைப் போலல்லாமல், மட்டி வாழை சீப்பு ஒரு தனித்தன்மை வாய்ந்த தோற்றத்தைக் கொண்டிருக்கும். இந்த வாழைப்பூ கிட்டத்தட்ட தரைக்கு இணையாக, 95° கோணத்தில் மரத்தில் தொங்கும் தன்மையுடையது.

மட்டி வாழை மரங்கள் 8 முதல் 10 அடி உயரம் வரை வளரக்கூடியவை. மட்டி வாழையை நட்ட ஒரு ஆண்டிற்குள்ளாகவே வாழைத்தார்களை அறுவடை செய்ய முடியும். செப்டம்பர் மாதத்தில் தொடங்கி ஏப்ரல் வரை மட்டி வாழைப்பழத்தின் அறுவடை காலமாகும். ஒவ்வொரு தாரிலும் 10 முதல் 12 சீப்புகள் இருக்கும். தாரில் 120 முதல் 150 பழங்கள் வரை இருக்கும். ஒரு வாழைப்பழம் மட்டும் 50 முதல் 60 கிராம் வரை எடையில் காணப்படும்.

குமரி மாவட்டத்தில் ஆறு மாதமான குழந்தைகளுக்கு தாய் பாலுக்கு அடுத்தப்படியாக திட உணவு வழங்கத் தொடங்கும்போது, மட்டி பழம் கொடுப்பது வழக்கம். எளிதில் ஜீரணமாகும், ஜலதோஷம் பிடிக்காது, எந்தவித வயிறு சம்பந்தமான உபாதைகளும் வராது என்பதால் தாய்ப்பாலை போல மட்டி பழமும் குழந்தைகளுக்குக் கொடுக்கப்படுகிறது.

தென் திருவிதாங்கூர் (பிரிக்கப்படாத தமிழ்நாடு, கேரளா) மலைகளில் மட்டுமே வளரும் ஒரு அரிய வகை வாழையாகும். இது செம்மட்டி (சிவப்பு நிறம்), தேன் மட்டி (தேன்), மலை மட்டி (மலை) என மூன்று வகைகளைக் கொண்டுள்ளது. இது மருத்துவக் குணம் கொண்டது. இதன் மணம், இனிப்பு, அமிலச் சுவை, தூள் தன்மை ஆகியவற்றால் தனித்தன்மை வாய்ந்ததாக வகைப்படுத்தப்படுகிறது.

மட்டி வாழைப்பழத்தில் குறைந்த அளவேச் சர்க்கரைச் சத்து உள்ளது. இது மற்ற வாழைப்பழங்களைப் போல், சளிப் பிரச்சனைகளை ஏற்படுத்தாது. எனவே இது குழந்தைகளுக்கு ஏற்றதாகவும் இருக்கிறது. மட்டி வாழை சிகடோகா நோய்க்கு வலுவான எதிர்ப்பைக் கொண்டுள்ளன.

மட்டி வாழைப்பழத்தில் பொட்டாசியம் இருப்பதால் இதயத்தை ஆரோக்கியமாக வைக்கவும், இரத்த அழுத்தத்தினைச் சீராகப் பராமாரிக்கவும் பெரிதும் உதவுகிறது. அது மட்டுமின்றி, உணவு செரிமானத்திற்கு அதிகம் உதவும் இந்த பழங்கள், இரப்பை மற்றும் குடல் பிரச்சினைகளை சரி செய்கிறது.

கன்னியாகுமரி மட்டி வாழைக்கு 2023 ஆம் ஆண்டு, ஜூலை 31 அன்று இந்திய அரசினால் இந்தியப் புவிசார் குறியீடு வழங்கப்பட்டது. இது வருகிற 2030 ஆண்டு, ஏப்ரல் 28 வரை செல்லுபடியாகும். வீயனூரைச் சேர்ந்த கன்னியாகுமரி வாழை, தோட்டப்பயிர் விவசாயிகள் உற்பத்தியாளர் நிறுவனம், கன்னியாகுமரி மட்டி வாழையின் புவிசார் குறியீடுக்கான பதிவினை முன் மொழிந்தது.

2021 ஆம் ஆண்டு, ஏப்ரல் மாதத்தில் விண்ணப்பத்தைத் தாக்கல் செய்த பிறகு, இந்த வாழைப்பழத்திற்கு 2023 ஆம் ஆண்டில் சென்னை புவிசார் குறியீடு பதிவேட்டில் பதிவு செய்யப்பட்டது. இந்தப் புவிசார் குறியீட்டின் மூலம், "கன்னியாகுமரி மட்டி வாழை"க்குச் சிறப்பு கிடைத்திருக்கிறது.

கன்னியாகுமரிக்குச் சுற்றுலா செல்பவர்கள், அப்பகுதியில் கிடைக்கும் கன்னியாகுமரி மட்டி வாழைப்பழத்தை வாங்கிச் சாப்பிட்டுப் பார்க்காமல் திரும்பிவிடாதீர்கள்...!

kanyakumari
banana