உலகின் மிக அழகான இறக்கைகள் கொண்ட பறவைகள்!

அழகான இறக்கைகள் கொண்ட பறவைகள் உலகம் முழுவதும் பல உள்ளன. அதுபோன்று வண்ணமயமான இறக்கைகள் கொண்ட பறவைகள் சில வகை குறித்து இந்தப் பதிவில் காண்போம்.

மயில் (Peacock): இது இந்தியாவின் தேசியப் பறவை. நீலம், பச்சை கலந்த வண்ணமயமான இறக்கைகள், பெரிய ‘வால் விசிறி’ போல விரியும் இறக்கைகள். மழைக்காலத்தில் ஆடும்போது அதன் அழகு அதிகரிக்கும்.

ஸ்கார்லெட் மக்கா (Scarlet Macaw): இவை தென் அமெரிக்கக் காடுகளில் வாழ்கின்றன. சிவப்பு, மஞ்சள், நீலம் கலந்த வண்ணப் பொலிவான கிளி வகை. இதன் பெரிய வண்ணத்தூய்மையான இறக்கைகள் காரணமாகப் பிரபலமானது.

ரெஸ்பிளண்ட் குவெட்சல் (Resplendent Quetzal): மத்திய அமெரிக்கா (குவாதமாலா) நாட்டின் தேசியப் பறவை. பச்சை, நீலம், சிவப்பு கலந்த பிரகாசமான இறக்கைகள். ஆண் பறவைகளுக்கு நீண்ட வால் இறகுகள் இருக்கும்.

கிங்பிஷர் (Kingfisher): இது இந்தியா உட்பட உலகம் முழுவதும் காணப்படும். நீலம், ஆரஞ்சு நிறங்களில் இது மின்னும். தண்ணீரில் பாய்ந்து மீனைப் பிடிக்கும்போது அதன் இறக்கைகள் மின்னும்.

பேரடைஸ் பறவைகள் (Birds of Paradise): நியூ கினியா போன்ற இடங்களில் இப்பறவைகள் காணப்படும். வித்தியாசமான வடிவங்களில் வண்ணமயமான இறக்கைகள் கொண்டு காணப்படும் இவை இணைவதற்கான ஆட்டத்தின்போது, இறக்கைகள் விசிறி போல விரிகின்றன.

மண்டரின் வாத்து (Mandarin Duck): சீனாவில் இருந்து வந்த அழகிய வாத்து வகை பறவை இது. ஆரஞ்சு, பச்சை, வெள்ளை, நீலம் கலந்த அழகிய இறக்கைகள் கொண்டவை. குறிப்பாக, ஆண் மண்டரின் வாத்தின் நிறங்கள் மிக அழகாக இருக்கும்.

ப்ளூ ஜே (Blue Jay): இது வட அமெரிக்காவில் வாழ்கிறது. நீல நிறத்தில் ஒளிரும் இறக்கைகள் கொண்டவை இவை. இவற்றின் சிறகுகள் மற்றும் வாலில் கருப்பு, வெள்ளை வர்ணங்கள் இருக்கும்.

லோரிகீட் (Rainbow Lorikeet): ஆஸ்திரேலியாவில் காணப்படும் இப்பறவை, சிவப்பு, நீலம், பச்சை, மஞ்சள் என வானவில் நிறங்கள் கலந்த இறக்கைகளைக் கொண்டிருக்கும். மிகவும் சமூகத்தன்மை கொண்ட, சத்தமாக குரல் கொடுக்கும் பறவை இது.

தூக்கான் (Toucan): தென் அமெரிக்க மழைக்காடுகளில் இது வாழ்கிறது. வண்ணமயமான பெரிய அலகு, கருப்பு உடல், வெள்ளை, மஞ்சள் மார்பு கொண்டிருக்கும். சில இனங்களுக்கு ஆரஞ்சு மற்றும் பச்சை நிற இறக்கைகளும் இவற்றுக்கு உண்டு.

கோல்டன் பீசண்ட் (Golden Pheasant): சீனாவில் காணப்படும் அரிய வகை பறவை இது. தங்கம் போன்று ஒளிரும் மஞ்சள், சிவப்பு, பச்சை, நீல நிற இறக்கைகள் கொண்டிருக்கும். ஆண் பறவையின் நீண்ட வால் மிகவும் அழகானது.

ஹயசின்த் மக்கா (Hyacinth Macaw): உலகின் மிகப்பெரிய கிளி வகை இது. முழுவதும் ஆழ்ந்த நீல நிற இறக்கைகள் கொண்டவை. பிரேசில், பாராகுவே போன்ற நாடுகளில் இது வாழ்கிறது.

சன்கான் பறவை (Sun Conure): சிறிய வகை கிளி இனம் இது. மஞ்சள், ஆரஞ்சு, பச்சை நிறங்கள் கலந்த பிரகாசமான உடல் கொண்டது. மிகவும் அழகான செல்லப்பிராணி பறவையாகவும் இது பிரபலமானது.

மகெலானிக் பென்குயின் (Magellanic Penguin): பென்குயின்களில் சில அரிய வகை இனங்கள் (அல்பினோ இனங்கள்) வித்தியாசமான வண்ண வடிவங்களைக் கொண்டு விளங்குகின்றன. கருப்பு, வெள்ளை புள்ளிகள் மற்றும் சிலவற்றுக்கு வண்ணமயமான குத்துகள் கொண்டு வாழ்கின்றன.

விக்டோரியா கிரவுண்ட் பிஜன் (Victoria Crowned Pigeon): பப்புவா, நியூ கினியாவில் காணப்படும் மிகப் பெரிய புறா வகை இது. நீல நிற இறக்கைகள், தலை மேல் விசிறி போல பளபளக்கும் இறகுக் கிரீடம் கொண்டு இவை விளங்குகின்றன.

இவ்வனைத்துப் பறவைகளும் இயற்கையின் வண்ணக்கலவை போல் நம்மை கவரும் பறவைகள் ஆகும்.