சாவு பயத்தை காட்டும் கொடூரமான விஷ ஜந்துக்கள், இதில் ஒன்று கடித்தால் கூட நரக வேதனை உறுதி!

பொதுவாக நம்ம ஊரில் கொசு கடித்தாலோ, எறும்பு கடித்தாலோ நாம் பெரிதாக அலட்டிக் கொள்ள மாட்டோம். கொஞ்சம் வலிக்கும், பிறகு சரியாகிவிடும் என்று அப்படியே விட்டுவிடுவோம். ஆனால் இந்த உலகத்தில் உள்ள சில உயிரினங்கள் கடித்தால் ஏற்படும் வலி, நாம் கற்பனை கூட செய்து பார்க்க முடியாத அளவுக்கு மிகவும் பயங்கரமாக இருக்கும். 

அந்த அளவுக்கு கொடூரமான வலியை தரக்கூடிய விலங்குகள் மற்றும் பூச்சிகள் நம் பூமியில் வாழ்ந்து கொண்டுதான் இருக்கின்றன. அப்படிப்பட்ட சில ஆபத்தான உயிரினங்கள் எவை எவை என்பதையும், அவற்றின் கடி எந்த அளவுக்கு வலியை கொடுக்கும் என்பதையும் இந்த பதிவில் கொஞ்சம் அலசி ஆராய்வோம்.

புல்லட் எறும்பு (Bullet Ant)!

முதலில் நாம் பார்க்கப் போவது அமேசான் காடுகளில் வசிக்கும் புல்லட் எறும்பு (Bullet Ant) எனப்படும் ஒரு சிறிய பூச்சியை பற்றித்தான். பெயரிலேயே புல்லட் இருப்பதற்கு ஒரு முக்கிய காரணம் இருக்கிறது. இந்த எறும்பு கடித்தால், ஒரு துப்பாக்கி தோட்டா நம் உடம்பை துளைத்துச் சென்றால் எவ்வளவு வலிக்குமோ, அந்த அளவுக்கு மிகக் கொடூரமான வலி ஏற்படுமாம். 

இதை நான் சும்மா சொல்லவில்லை, பூச்சியியல் நிபுணர்கள் இதற்கான ஒரு பெயின் ஸ்கேல் அல்லது வலியை அளவிடும் முறையை வைத்து டெஸ்ட் செய்து சொல்லியிருக்கிறார்கள். இந்த எறும்பு கடித்தால் குறைந்தது இருபத்தி நான்கு மணி நேரத்திற்கு அந்த தாங்க முடியாத வலி கொஞ்சமும் குறையாமல் அப்படியே இருக்குமாம். இதை நினைத்து பார்த்தாலே தலை சுற்றுகிறது அல்லவா.

பாக்ஸ் ஜெல்லிஃபிஷ் (Box Jellyfish)!

அடுத்து நாம் கடலுக்குள் செல்வோம். பீச் பக்கம் ட்ரிப் செல்பவர்கள் மிகவும் ஜாக்கிரதையாக இருக்க வேண்டிய ஒரு உயிரினம் என்றால் அது பாக்ஸ் ஜெல்லிஃபிஷ் (Box Jellyfish) தான். பார்க்க மிகவும் அழகாக, கண்ணாடியால் செய்தது போல கியூட்டாக இருக்கும். ஆனால் இதன் டென்டக்கிள்ஸ் எனப்படும் நீளமான நாண்கள் நமது உடலில் பட்டுவிட்டால் அவ்வளவுதான். 

இதன் விஷம் நமது நரம்பு மண்டலத்தை நேரடியாக தாக்கி, சில நிமிடங்களிலேயே மூச்சுத் திணறலை ஏற்படுத்திவிடும். அந்த வலி எப்படி இருக்கும் என்றால், உடம்பில் யாரோ ஆசிட் ஊற்றி எரிப்பது போல இருக்குமாம். பல நேரங்களில் இந்த வலியை தாங்க முடியாமலேயே நீச்சல் அடிப்பவர்கள் கடலில் மூழ்கி இறந்து விடுகிறார்கள் என்பது மிகவும் சோகமான ஒரு உண்மை.

ஸ்டோன்ஃபிஷ் (Stonefish)!

கடலுக்குள் இருக்கும் இன்னொரு மிக மோசமான உயிரினம் ஸ்டோன்ஃபிஷ் (Stonefish). இது பார்ப்பதற்கு அச்சு அசலாக ஒரு சாதாரண பாறை கல்லு மாதிரியே கடலின் அடியில் அமைதியாக கிடக்கும். யாராவது தெரியாமல் இதன் மேல் காலை வைத்துவிட்டால், இதன் முதுகில் இருக்கும் முட்கள் நேரடியாக நமது பாதத்திற்குள் விஷத்தை பீய்ச்சி அடித்துவிடும். 

இந்த வலி எந்த அளவுக்கு மோசமாக இருக்கும் என்றால், கடித்த இடத்தையே வெட்டி எடுத்து விடுங்கள் என்று மருத்துவர்களிடம் நோயாளிகள் கெஞ்சும் அளவுக்கு கொடூரமான வலியாக இருக்குமாம். அந்த வெனம் அல்லது விஷம் நமது திசுக்களை அப்படியே கொஞ்சம் கொஞ்சமாக அழித்துவிடும் சக்தி கொண்டது.

டரான்டுலா ஹாக் வாஸ்ப் (Tarantula Hawk Wasp)! இது ஒரு வகையான பெரிய குளவி. இது பெரிய பெரிய சிலந்திகளை கூட அசால்ட்டாக வேட்டையாடும் அளவுக்கு சக்தி வாய்ந்தது. இந்த குளவி மனிதர்களை கொட்டினால், முதல் ஐந்து நிமிடங்களுக்கு உங்களால் மூச்சு கூட விட முடியாத அளவுக்கு கடுமையான வலி ஏற்படும். யாரோ எலெக்ட்ரிக் ஷாக் கொடுத்தது போல உடம்பு அப்படியே முடங்கிப் போய் கீழே விழுந்து கதற வேண்டியதுதான். நல்ல வேளையாக இந்த வலி வெறும் ஐந்து அல்லது பத்து நிமிடங்களில் கொஞ்சம் கொஞ்சமாக சரியாகிவிடும்.

இந்த உலகத்தில் அழகிய உயிரினங்கள் எவ்வளவு இருக்கிறதோ, அதே அளவுக்கு இப்படி ஆபத்தான உயிரினங்களும் இருக்கத்தான் செய்கின்றன. காடுகளுக்கோ அல்லது புதிய பீச் பகுதிகளுக்கோ செல்லும் போது நாம் மிகவும் கவனமாக இருக்க வேண்டும். 

முகம் தெரியாத, வித்தியாசமான எந்த ஒரு விலங்கையோ, பூச்சியையோ பார்த்தால், அதன் பக்கத்தில் கூட செல்லாமல் தள்ளி இருப்பதே நமக்கு எப்போதுமே நல்லது.