உலகிலேயே மிகவும் ஆபத்தான சில உயிரினங்கள்!

விலங்கு உலகத்துல சில ஜீவராசிகள் தங்களோட கூர்மையான பற்களாலோ அல்லது நகங்களாலோ மட்டும் ஆபத்தானவை கிடையாது. அதுக்கும் மேல, அவங்க உடம்புக்குள்ள பயங்கரமான நச்சுப் பொருட்களை வெச்சிருக்காங்க. சயனைடுங்கற விஷத்தைப் பத்தி நாம கேள்விப்பட்டிருப்போம். ஆனா, அதை விடப் பல மடங்கு சக்தி வாய்ந்த விஷத்தால சில உயிரினங்கள் ரொம்பவே ஆபத்தானவையா இருக்கு.

இந்த நச்சுக்கள் பெரும்பாலும் மத்த விலங்குகள் கிட்ட இருந்து தங்களைப் பாதுகாத்துக்கறதுக்கோ, இல்லன்னா தங்களோட இரையைப் பிடிச்சு சாப்பிடறதுக்கோ தான் பயன்படுது. இந்த இயற்கையோட கொடிய விஷம் கொண்ட சில உயிரினங்களைப் பத்தி பார்க்கலாம் வாங்க.

கொலம்பியால இருக்கற தங்க விஷத் தவளை பாக்க பளபளன்னு அழகா இருந்தாலும், ரொம்பவே ஆபத்தானது. இதோட தோல்ல 'பட்ராக்கோடாக்சின்'னு ஒரு விஷம் இருக்கும். இது மனுஷங்களைத் தொட்டா நரம்புகளைச் செயலிழக்க வச்சு, பக்கவாதமோ இல்லன்னா மரணமோ கூட ஏற்படலாம். சின்னதா இருந்தாலும் நீல வளைய ஆக்டோபஸ் ரொம்ப ஆபத்தானது. இதோட விஷம் 'டெட்ரோடோடாக்சின்'. இது தசைகளை முடக்கி, சுவாசிக்கறதையே நிறுத்திடும். இதுக்கு மாற்று மருந்தே கிடையாது.

முள் எலி மீன்னு சொல்லப்படுற Puffer Fish, உடம்பை ஊதிப் பெருசாக்கும். ஆனா இதோட விஷம் உள்ள இருக்குற உறுப்புகள்லதான் இருக்கு. 'டெட்ரோடோடாக்சின்'ங்கற இந்த விஷம் சயனைடை விட பல மடங்கு வலிமையானது. ஜப்பான்ல இது ஒரு ஃபேமஸ் டிஷ்ஷா இருந்தாலும், சமைக்கறவங்க ரொம்ப பயிற்சி எடுத்திருக்கணும். கூம்பு நத்தைகள் பாக்க சாதுவா தெரிஞ்சாலும், விஷக் கூம்பால இரையை வேட்டையாடும். இதோட விஷமும் ஆபத்தானது. பாக்ஸ் ஜெல்லிமீனோட விஷம் இதயத் துடிப்பையே நிமிஷங்கள்ல நிறுத்திடும் அளவுக்குப் பயங்கரமானது.

பிரேசிலியன் வாண்டரிங் சிலந்தி, டெத்ஸ்டால்கர் தேள், ஸ்டோன்ஃபிஷ், அப்புறம் இன்லேண்ட் டைபன் பாம்பு எல்லாமே கொடிய விஷம் கொண்டவை. இன்லேண்ட் டைபன் பாம்பு ஒரு கடிக்கு நூறு பேரை கொல்லும் சக்தி கொண்டது. கொமோடோ டிராகன் கடியிலும் விஷம் இருக்கு. இந்த உயிரினங்கள் பயமுறுத்துறதா இருந்தாலும், இவற்றோட நச்சுக்கள் வலி நிவாரணிகள் கண்டுபிடிக்கிறதுக்கும், மருத்துவ ஆராய்ச்சிக்கும் பயன்பட்டு வருதுங்கறது ஒரு ஆச்சரியமான விஷயம்.