சொர்க்கமே தோற்றுப்போகும்! உலகின் மிக அழகிய 8 மலர் தோட்டங்கள் எங்குள்ளன தெரியுமா?

சீனாவின் கூசு மாவட்டத்தில் அமைந்துள்ள வாங் ஷி யுவான் தோட்டம் அதன் கண்கவர் அழகுக்காக புகழ் பெற்றது. இது மற்ற சூசோ தோட்டங்களுடன் சேர்ந்து யுனேஸ்கோவால் உலக பாரம்பரிய தளமாக அங்கீகரிக்கப் பட்டுள்ளது. இத்தோட்டம், குடியிருப்புப் பகுதி, மேற்கு தோட்டப் பகுதி, உள் தோட்டப் பகுதி என மூன்று பகுதிகளாகப் பிரிக்கப்பட்டுள்ளது.

இந்த கடற்கரைத் தோட்டங்கள் பிரெஞ்சு ரிவியேரா நெடுகிலும் காணக்கூடிய பல அற்புதமான காட்சிகளில் ஒன்றாகும். இந்த வில்லாவைச் சுற்றி ஒன்பது தனித்துவமான தோட்டங்கள் உள்ளன. ஒவ்வொன்றும் தனித்துவமான கருப்பொருளைக் கொண்டுள்ளது. இங்கு அயல்நாட்டு தோட்டம், ஒரு ஃபிளாரன்டைன் தோட்டம், பிரெஞ்சு முறை சார் தோட்டம், ஜப்பானிய தோட்டம், ஒரு ரோஜா தோட்டம், ஒரு ஸ்பானிய பாணித் தோட்டம் மற்றும் ஒரு கல் தோட்டம் ஆகியவை அடங்கும். இதில் அனைத்து வகையான நீர்வாழ் தாவரங்களும் பிரான்சின் அடையாளமான சமச்சீர் பாணியில் அமைக்கப்பட்ட சிலைகளும் நிறைந்துள்ளன.

இத்தாலியின் டிவோலியில் உள்ள வில்லா டி'எஸ்டேவியின் தோட்டங்கள் கட்டடக்கலை மற்றும் வடிவமைப்பில் ஒரு தலை சிறந்த படைப்பாக கருதப்படுகிறது. இவை யுனெஸ்கோவால் உலக பாரம்பரிய தளமாக அங்கீகரிக்கப் பட்டுள்ளது. இந்த வளாகத்தின் படிக்கட்டு தோட்டங்களில் ரோஜாக்கள், மல்லிகைகள், கேமிலியாக்கள், பனைகள் மற்றும் பிற தாவரங்கள் உட்பட பல தரப்பட்ட தாவர வகைகள் உள்ளன. இது அந்நாட்டில் ஒரு பிரபலமான சுற்றுலா தலமாக மாறியுள்ளது.

இங்கிலாந்தில் ஹெல்த் பெயரில் உள்ள 2,650 ஏக்கர் பரபரப்பு கொண்ட 'ஸ்டவர்ஹெட்' எஸ்டேட் உலகின் மிக அழகான தோட்டங்களில் ஒன்றை கொண்டுள்ளது. இந்த எஸ்டேட்டில், வண்ணமயமான தாவரங்கள், நீர்நிலைகள், நினைவுச் சின்னங்கள், 18-ம் நூற்றாண்டின் கட்டடக்கலை அற்புதங்களின் ஒரு கண்கவர் காட்சியை வழங்குகின்றன. பதினெட்டாம் நூற்றாண்டின் பாரம்பரிய பாணியில் இந்த தோட்டங்கள் அமைக்கப்பட்டுள்ளன.

பவர்ஸ் கோர்ட் எஸ்டேட் என்பது அயர்லாந்தின் விக்லோ கவுண்டியில் உள்ள பரந்த எஸ்டேட் ஆகும். இந்த தோட்டங்கள் உலகின் மிக அழகான தோட்டங்களில் ஒன்றாக அறியப்படுகின்றன. 20 ஆண்டுகளில் கட்டி முடிக்கப்பட்டு 1880-ல் இல் திறக்கப்பட்டது. இந்த எஸ்டேட்டின் முக்கிய அம்சங்களில் ஜப்பானிய பாணி தோட்டம், கிரேக்க புராண கடவுளான டிரைப்ட்டனின் பெயரிடப்பட்ட ஏரி, சுற்றுச்சுவர் கொண்ட தோட்டங்கள், இத்தாலிய பாணித் தோட்டம், ஒரு டால்பின் குளம் ஆகியவை அடங்கும்.

பெர்லினுக்கு அருகில் உள்ள போட்ஸ்டாமில் அமைந்துள்ள ஜெர்மனியின் பதினெட்டாம் நூற்றாண்டு சான்சூசி தோட்டங்கள் இன்று வரை பெரும் மக்கள் கூட்டத்தை ஈர்க்கும் இடமாக திகழ்கின்றன. இங்கு திராட்சை கொடி தோட்டங்கள், யூ மரங்கள், அத்தி மரங்கள், தாங்கு சுவர்களில் செதுக்கப்பட்ட மாடங்களில் நடப்பட்ட படிக்கட்டு திராட்சை தோட்டங்கள், மலையின் அடிவாரத்தில் முடிவடைகின்றன. இங்கு அலங்கார தோட்டமும் நீரூற்றுடன் கூடிய நீர் நிலையும் ஒரு கம்பீரமான காட்சியை உருவாக்கியுள்ளன.

ஐக்கிய ராஜ்ஜியத்தில் உள்ள தேம்ஸ் நதிக்கைரையில் இருக்கும் ரிச் மண்ட் லண்டன் பரோவில் 121 ஹெக்டேர் நிலப்பரப்பின் இந்த ராயல் தாவரவியல் பூங்கா அமைந்துள்ளது. இங்கு பல அரிய தாவர இனங்கள் உட்பட உயிருள்ள தாவர மாதிரிகளின் பிரம்மாண்டமான தொகுப்பு தொடங்கப்பட்டது. இங்குள்ள பிரம்மாண்டமான நூலகம் ஏறக்குறைய 30,000 வகையான தாவரங்கள், 7 மில்லியன் பதப்படுத்தப்பட்ட தாவர மாதிரிகள் தாவரங்கள் தொடர்பான விரிவான அறிவியல் இலக்கியத் தொகுப்பு ஆகியவற்றை கொண்டுள்ளது.

அமெரிக்காவின் வாஷிங்டன் டி.சியில் உள்ள ஜார்ஜ் டவுன் பகுதியில் அமைந்துள்ளது. பசுமையான புல்வெளிகள் மற்றும் அழகிய நீரோடைகள் அடங்கியது. இயற்கையின் பொழுது போக்குகளுடன் டென்னிஸ் மைதானங்கள், நீர் குளங்கள், பழத்தோட்டங்கள், காய்கறித் தோட்டங்கள் என முழுப்பரப்பும் திறமையான நிலத்தோட கலைஞர்களால் செதுக்கப்பட்டது.