நாவூர வைக்கும் வேர்க்கடலை குழம்பு - வெண்டைக்காய் துவையல்!

இன்றைக்கு சுவையான வேர்க்கடலை குழம்பு மற்றும் வெண்டைக்காய் துவையல் ரெசிபியை சுலபமாக எப்படி செய்யறதுன்னு பார்ப்போம்.

வேர்க்கடலை குழம்பு செய்ய தேவையான பொருட்கள்.

எண்ணெய்-2 தேக்கரண்டி.

கடுகு-1தேக்கரண்டி.

சீரகம்-1 தேக்கரண்டி.

வெந்தயம்-1 தேக்கரண்டி.

பூண்டு-5.

சின்ன வெங்காயம்-10

தக்காளி-1.

பச்சை மிளகாய்-2

கருவேப்பிலை-சிறிதளவு.

உப்பு-தேவையான அளவு.

மஞ்சள் தூள்-1 தேக்கரண்டி.

மிளகாய் தூள்-1 தேக்கரண்டி.

மல்லித்தூள்-1 தேக்கரண்டி.

வேர்க்கடலை-1/4 கிலோ.

தேங்காய்-1/4 மூடி.

புளி-நெல்லிக்காய் அளவு.

வேர்க்கடலை குழம்பு செய்முறை விளக்கம்.

முதலில் கடாயில் 2 தேக்கரண்டி எண்ணெய் விட்டு கடுகு 1 தேக்கரண்டி, சீரகம் 1 தேக்கரண்டி, வெந்தயம் 1 தேக்கரண்டி, பூண்டு 5, சின்ன வெங்காயம் 10 சேர்த்து நன்றாக வதக்கிக்கொள்ளவும்.

இப்போது இதில் கருவேப்பிலை சிறிதளவு, பச்சை மிளகாய் 2, நறுக்கிய தக்காளி 1, கல் உப்பு தேவையான அளவு சேர்த்து வதக்கிக் கொள்ளவும். இப்போது 1 தேக்கரண்டி மஞ்சள் தூள்,  1 தேக்கரண்டி மிளகாய் தூள், 1 தேக்கரண்டி மல்லித்தூள் சேர்த்து கலந்துவிட்டு ¼ கிலோ வேர்க்கடலையை கழுவி சேர்த்து எண்ணெய்யில் வதக்கவும்.

ஒரு நெல்லிக்காய் அளவு புளியை கரைத்து ஊற்றிக்கொள்ளவும். மிக்ஸியில் ¼ மூடி தேங்காயை அரைத்து சேர்த்துக் கொள்ளவும். இப்போது குழம்பில் எண்ணெய் பிரிந்து வரும்வரை வைத்து இறக்கவும். சுவையான வேர்க்கடலை குழம்பு தயார். நீங்களும் இந்த ரெசிபியை வீட்டிலே ட்ரை பண்ணிப் பார்த்துட்டு சொல்லுங்க.

வெண்டைக்காய் துவையல் செய்ய தேவையான பொருட்கள்.

எண்ணெய்-தேவையான அளவு.

கடுகு-1 தேக்கரண்டி.

சீரகம்-1 தேக்கரண்டி.

மல்லி-1 தேக்கரண்டி.

பூண்டு-5.

வரமிளகாய்-5

கருவேப்பிலை-சிறிதளவு.

கொத்தமல்லி-சிறிதளவு.

வெண்டைக்காய்-1/4 கிலோ.

தக்காளி-2

புளி-சிறு துண்டு.

தாளிக்க,

எண்ணெய்-1 குழிக்கரண்டி.

கடுகு-1 தேக்கரண்டி.

சீரகம்-1 தேக்கரண்டி.

பூண்டு-4.

வெண்டைக்காய் துவையல் செய்முறை விளக்கம்.

முதலில் கடாயில் 1 தேக்கரண்டி எண்ணெய் விட்டு 1 தேக்கரண்டி கடுகு, 1 தேக்கரண்டி சீரகம், 1 தேக்கரண்டி கொத்தமல்லி, 5 பூண்டு, 5 வரமிளகாய், கருவேப்பிலை  சிறிதளவு, கொத்தமல்லி சிறிதளவு சேர்த்து நன்றாக வதக்கி மிக்ஸியில் அரைத்து வைத்துக் கொள்ளவும்.

கடாயில் 1 தேக்கரண்டி எண்ணெய் சேர்த்து ¼ கிலோ வெண்டைக்காயை சேர்த்து வழவழப்பு போகும் வரை வதக்கிக் கொள்ளவும். இதில் நறுக்கிய  தக்காளி 2, சின்ன அளவு புளி ஆகியவற்றை சேர்த்து வதக்கிவிட்டு அரைத்து வைத்திருக்கும் பவுடருடன் வெண்டைக்காயை சேர்த்து தண்ணீர்விடாமல் அரைத்து எடுத்துக்கொள்ளவும்.

இப்போது கடாயில் 1 குழிக்கரண்டி எண்ணெய் விட்டு 1 தேக்கரண்டி கடுகு, 1 தேக்கரண்டி சீரகம், பூண்டு 4 சேர்த்து இந்த எண்ணெய்யை வெண்டைக்காய் துவையல் மீது ஊற்றி கலந்துவிடவும். அவ்வளவுதான் சுவையான வெண்டைக்காய் துவையல் தயார். நீங்களும் இந்த ரெசிபியை வீட்டிலே ட்ரை பண்ணிப் பாருங்கள்.