நாவூரவைக்கும் வாழைத்தண்டு சட்னி - பீட்ரூட் சட்னி செய்யலாமா?

Banana stem chutney - beetroot chutney

வணக்கம். என் பெயர் நான்சி மலர். என்னைப் பற்றி தெரிந்து கொள்ள ஆர்வம் காட்டியதற்கு நன்றி. நான் B.E. Computer science Engineering முடித்துள்ளேன். எனக்கு சிறுவயது முதலே எழுதுவதில் அதிக ஆர்வம் உண்டு. ‘எழுத்துக்கள் மூலம் நம் எண்ணங்களை எளிதில் வெளிப்படுத்த முடியும்’ என்று நம்புகிறேன். கட்டுரைகள், கவிதைகள் எழுதுவதில் அனுபவம் உண்டு. Content writing துறையில் சாதிக்க வேண்டும் என்ற ஆர்வம் உள்ளது. மோட்டிவேஷன், பயணம், ஆரோக்கியம், ஃபேஷன், ஆன்மீகம் போன்ற கட்டுரை எழுதுவதில் ஆர்வம் அதிகம். என்னுடைய எழுத்து வாசகர்களாகிய உங்களை கவர்ந்தால், அது எனக்கு மகிழ்ச்சியே! ‘ இன்னும் எதிர்காலத்தில் உங்கள் மனதில் என் எழுத்துக்கள் மூலம் இடம் பிடிப்பேன்’ என்று முழுமையாக நம்புகிறேன்.

Updated on:

27 Dec 2024, 7:56 am

இன்றைக்கு சுவையான வாழைத்தண்டு சட்னி மற்றும் பீட்ரூட் சட்னி ரெசிபிஸை வீட்டிலேயே சிம்பிளாக எப்படி செய்யறதுன்னு பார்ப்போம்.

வாழைத்தண்டு சட்னி செய்ய தேவையான பொருட்கள்.

கடலெண்ணெய்- 2 தேக்கரண்டி.

வேர்க்கடலை-1 தேக்கரண்டி.

தனியா-1 தேக்கரண்டி.

பொட்டுக்கடலை-1 தேக்கரண்டி.

சின்ன வெங்காயம்-10

பச்சை மிளகாய்-4

வாழைத்தண்டு-1 கப்.

கொத்தமல்லி-சிறிதளவு.

துருவிய தேங்காய்-1/2 கப்.

உப்பு-தேவையான அளவு.

புளி-எழுமிச்சை பழ அளவு.

தாளிக்க,

காய்ந்த மிளகாய்-4

கடுகு-1 தேக்கரண்டி.

உளுத்தம் பருப்பு-1 தேக்கரண்டி.

கருவேப்பிலை-சிறிதளவு.

பெருங்காயத்தூள்-1 தேக்கரண்டி.

வாழைத்தண்டு சட்னி செய்முறை விளக்கம்.

முதலில் 1 வாழைத்தண்டை சிறிதாக நறுக்கி தண்ணீரில் கழுவி எடுத்துக்கொள்ளவும். கடாயில் 1 தேக்கரண்டி வேர்க்கடலை, தனியா 1 தேக்கரண்டி, பொட்டுக்கடலை 1 தேக்கரண்டி நன்றாக வறுத்து மிக்ஸியில் அரைத்து எடுத்து வைத்துக் கொள்ளவும்.

இப்போது கடாயில் கடலெண்ணெய் 1 தேக்கரண்டி, சின்ன வெங்காயம் 10, பச்சை மிளகாய் 4, நறுக்கி வைத்திருக்கும் வாழைத்தண்டு 1 கப், கொத்தமல்லி சிறிதளவு, துருவிய தேங்காய் ½ கப், தேவையான அளவு உப்பு, எழுமிச்சை பழ அளவு புளி சேர்த்து நன்றாக வதக்கவும். இதை மிக்ஸியில் அரைத்து வைத்திருக்கும் பவுடருடன் சேர்த்து நன்றாக அரைக்கவும்.

இப்போது தாளிக்க கடாயில் 1 தேக்கரண்டி கடலெண்ணெய், காய்ந்த மிளகாய் 4, கடுகு 1 தேக்கரண்டி, உளுத்தம் பருப்பு 1 தேக்கரண்டி, கருவேப்பிலை சிறிதளவு, பெருங்காயத்தூள் 1 தேக்கரண்டி சேர்த்து வதக்கி சட்னி மீது ஊற்றி கலந்துவிடவும். அவ்வளவுதான் சுவையான வாழைத்தண்டு சட்னி தயார். நீங்களும் இந்த ரெசிபியை வீட்டிலே ட்ரை பண்ணிப் பார்த்துட்டு சொல்லுங்க.

பீட்ரூட் சட்னி செய்ய தேவையான பொருட்கள்.

பீட்ரூட்-1

பச்சை மிளகாய்-4

புதினா இலை-சிறிதளவு.

சீரகம்-1 தேக்கரண்டி.

உப்பு-தேவையான அளவு.

எழுமிச்சை சாறு-சிறிதளவு.

தேங்காய்-1/4 கப்.

தாளிக்க,

எண்ணெய்-1 தேக்கரண்டி.

கடுகு-1 தேக்கரண்டி.

உளுந்து-1 தேக்கரண்டி.

வரமிளகாய்-4

கருவேப்பிலை-சிறிதளவு.

இதையும் படியுங்கள்:

சூப்பர் சுவையில் கோவா பாயாசம் - ரம்பை அல்வா ரெசிபிஸ்!

பீட்ரூட் சட்னி செய்முறை விளக்கம்.

முதலில் பீட்ரூட் 1 சிறிய துண்டுகளாக நறுக்கிக்கொள்ளவும். இதை மிக்ஸியில் சேர்த்து அத்துடன் பச்சை மிளகாய் 4, புதினா இலை சிறிதளவு, சீரகம் 1 தேக்கரண்டி, உப்பு தேவையான அளவு, எழுமிச்சை சாறு சிறிதளவு, தேங்காய் ¼ கப் சேர்த்து நன்றாக அரைத்துக்கொள்ளவும்.

இப்போது தாளிக்க, எண்ணெய் 1 தேக்கரண்டி, கடுகு 1 தேக்கரண்டி, உளுந்து 1 தேக்கரண்டி, வரமிளகாய் 4, கருவேப்பிலை சிறிதளவு சேர்த்து வதக்கி இதில் சேர்த்துக் கலந்து விடவும். அவ்வளவுதான் சுவையான பீட்ரூட் சட்னி தயார். நீங்களும் இந்த ரெசிபியை வீட்டிலே ட்ரை பண்ணிப் பார்த்துட்டு சொல்லுங்க.

chutney