கர்நாடகா ஸ்பெஷல் சித்திரான்னா வித் பாலக் கார்ன் கிரேவி செய்யலாமா?

இன்றைக்கு சுவையான சித்திரான்னா மற்றும் பாலக் கார்ன் கிரேவி ரெசிபிஸை சிம்பிளாக வீட்டிலேயே எப்படி செய்யறதுன்னு பார்ப்போம்.

சித்திரான்னா செய்ய தேவையான பொருட்கள்.

எழுமிச்சை-4

எண்ணெய்-1 குழிக்கரண்டி.

கடுகு-1 தேக்கரண்டி.

உளுந்து-1 தேக்கரண்டி.

கடலைப்பருப்பு-1 தேக்கரண்டி.

காய்ந்த மிளகாய்-4

முந்திரி-10.

இஞ்சி-1 துண்டு.

பச்சை மிளகாய்-4

கருவேப்பிலை-சிறிதளவு.

மஞ்சள் தூள்-1/4 தேக்கரண்டி.

பெருங்காயத்தூள்-1 தேக்கரண்டி.

சர்க்கரை-1தேக்கரண்டி.

உப்பு-தேவையான அளவு.

துருவிய தேங்காய்-1கப்.

சாதம்-2 கப்.

சித்திரான்னா செய்முறை விளக்கம்.

முதலில் 4 எலுமிச்சை பழத்தை பிழிந்து சாறு எடுத்துக்கொள்ளவும். இப்போது கடாயில் எண்ணெய் 1 குழிக்கரண்டி ஊற்றி கடுகு 1 தேக்கரண்டி, உளுந்து 1 தேக்கரண்டி, கடலைப்பருப்பு 1 தேக்கரண்டி, காய்ந்த மிளகாய் 4, முந்திரி10, பொடியாக நறுக்கிய இஞ்சி 1 துண்டு, பொடியாக நறுக்கிய பச்சை மிளகாய் 4, கருவேப்பிலை சிறிதளவு சேர்த்து நன்றாக வதக்கவும்.

இப்போது மஞ்சள் தூள் ¼ தேக்கரண்டி, பெருங்காயத்தூள் 1 தேக்கரண்டி, சர்க்கரை 1 தேக்கரண்டி, உப்பு தேவையான அளவு, துருவிய தேங்காய் 1 கப் சேர்த்துக்கொள்ளவும். கடைசியாக பிழிந்து வைத்திருக்கும் எழுமிச்சை சாறை சேர்த்து கலந்துவிட்டு வடித்து ஆறவைத்த சாதம் 2 கப்பை இத்துடன் சேர்த்து நன்றாக கலந்துவிடவும். அவ்வளவு தான் டேஸ்டியான சித்திரான்னா தயார். நீங்களும் இந்த ரெசிபியை வீட்டிலே ட்ரை பண்ணிப் பார்த்துட்டு சொல்லுங்க.

பாலக் கார்ன் கிரேவி செய்ய தேவையான பொருட்கள்.

எண்ணெய்-2 தேக்கரண்டி.

பூண்டு-2.

வெங்காயம்-1

தக்காளி-1

உப்பு-தேவையான அளவு.

மஞ்சள் தூள்-1/4 தேக்கரண்டி.

மிளகாய் தூள்-1 தேக்கரண்டி.

மல்லித்தூள்-1 தேக்கரண்டி.

கரம் மசாலா-1 தேக்கரண்டி.

கார்ன்-1/4 கப்.

பாலக் கீரை-2 கைப்பிடி.

பனீர்-50 கிராம்.

முந்திரி-6

பாலக் கார்ன் கிரேவி செய்முறை விளக்கம்.

முதலில் ஃபேனில் 2 தேக்கரண்டி எண்ணெய் விட்டு பொடியாக நறுக்கிய பூண்டு 2, சிறிதாக நறுக்கிய வெங்காயம் 1, சிறிதாக நறுக்கிய தக்காளி 1, உப்பு தேவையான அளவு, மஞ்சள் தூள் ¼ தேக்கரண்டி, மிளகாய் தூள் 1 தேக்கரண்டி, மல்லித்தூள் 1 தேக்கரண்டி, கரம் மசாலா 1 தேக்கரண்டி சேர்த்து கலந்துக்கொள்ளவும். இதில் சிறிது தண்ணீர் விட்டு 5 நிமிடம் மூடி வேகவிடவும்.

இப்போது இதில் கார்ன் ¼ கப், சிறிதாக நறுக்கி வைத்திருக்கும் பாலக்கீரை 2 கைப்பிடி சேர்த்து நன்றாக வதக்கவும். இப்போது மிக்ஸியில் 50 கிராம் பனீர், 6 ஊற வைத்த முந்திரியை சேர்த்து அரைத்துக் கொள்ளவும். கீரை நன்றாக வெந்ததும் அரைத்த பேஸ்ட்டை இத்துடன் சேர்த்து 5 நிமிடம் சுண்ட விட்டு  இறக்கவும். அவ்வளவுதான் சுவையான பாலக் கார்ன் கிரேவி தயார். நீங்களும் இந்த ரெசிபியை வீட்டிலே ட்ரை பண்ணிப் பார்த்துட்டு சொல்லுங்க.