வெயில் காலங்களில் வயிற்றுக்கு குளிர்ச்சியான சூப் வகைகள்!

தக்காளி சூப்

தேவையான பொருட்கள்:

பழுத்த தக்காளி – 4

வெள்ளை வெங்காயம் – 1

வெள்ளரிக்காய் – 1

பச்சை மிளகாய் – 1

பூண்டு பற்கள் – 2

எலுமிச்சை சாறு – 2 தேக்கரண்டி

ஆலிவ் எண்ணெய் – ¼ கப்

உப்பு மற்றும் மிளகு – சுவைக்கு ஏற்ப

கொத்தமல்லி இலைகள் – அலங்கரிக்க

செய்முறை:

தக்காளி, வெள்ளரிக்காய், வெங்காயம், பச்சை மிளகாய் ஆகியவற்றை சிறு துண்டுகளாக நறுக்கவும். பூண்டு பற்களை தோலுரித்து , மேலே குறிப்பிட்ட காய்கறி களுடன் சேர்த்து மிக்ஸியில் போடவும். அரைத்த கலவையில் எலுமிச்சைசாறு, ஆலிவ் எண்ணெய், உப்பு, மிளகு சேர்த்து நன்றாக கலக்கவும்.

இந்த கலவையை ஒரு பாத்திரத்தில் ஊற்றி, குளிர்சாதனப்பெட்டியில் குறைந்தது 2 மணி நேரம் வைத்திருக்கவும். பரிமாறும் முன்பு, புதினா அல்லது கொத்தமல்லி இலைகளால் அலங்கரித்து, குளிர்ந்ததாக பரிமாறவும். இந்த குளிர்ந்த தக்காளி சூப், வெயில் காலங்களில் சுவையாகவும் சத்தாகவும் இருக்கும்.

வெள்ளரிக்காய் சூப்

தேவையான பொருட்கள்:

வெள்ளரிக்காய் – 2 (தோலை அகற்றி நறுக்கியது)

வெங்காயம் – 1 (நறுக்கியது)

பூண்டு – 2 பற்கள் (நறுக்கியது)

தண்ணீர் – 2 கப்

ஆலிவ் எண்ணெய் – 1 டீஸ்பூன்

உப்பு – சுவைக்கு ஏற்ப

மிளகு தூள் – ½ டீஸ்பூன்

புதினா இலைகள்

செய்முறை:

வெள்ளரிக்காயை நன்கு கழுவி, தோலை நீக்கி, விதைகளை அகற்றி நறுக்கவும். வெங்காயம் மற்றும் பூண்டையும் நறுக்கி வைக்கவும் ஒரு பாத்திரத்தில் ஆலிவ் எண்ணெய் ஊற்றி, வெங்காயம் மற்றும் பூண்டுகளை மெதுவாக பொன் நிறம் வரும் வரை வதக்கவும். வதக்கிய வெங்காயம், பூண்டு மற்றும் நறுக்கிய வெள்ளரிக்காய்களை ஒரு பெரிய பாத்திரத்தில் சேர்க்கவும். தண்ணீர் ஊற்றி, உப்பு மற்றும் மிளகுத்தூள் சேர்க்கவும். இந்த கலவையை 15-20 நிமிடங்கள் மிதமான தீயில் கொதிக்கவிடவும்.

வெள்ளரிக்காயின் சுவையும், வெங்காயம் மற்றும் பூண்டின் மெல்லிய மணமும் கலங்கி, சூப்பிற்கு ஒரு நல்ல நறுமணத்தை தரும். சூப்பை கொதித்த பிறகு, ஒரு பிளெண்டரில் ஊற்றி நன்கு மென்மையாக பிசைந்து, ஒரு ஒரு சமமான மிதமான கலவையாக மாற்றவும். சூப்பை குளிர்ந்த நிலையில் மேல் புதினா இலைகள் தூவி பரிமாறவும் இந்த வெள்ளரிக்காய் சூப், வெயிலின் வெப்பத்தில் சிறந்த குளிர்ச்சி மற்றும் ஆரோக்கியம் தரும்.