பண்டிகைக்கு ஏற்ற தமிழ்நாட்டு இனிப்புகள்: செய்முறை குறிப்புகள்!

மினி பாதுஷா, ஆற்காடு மக்கன் பேடா மற்றும் பர்ஃபி மூன்றும் தமிழ்நாட்டின் புகழ்பெற்ற இனிப்புகள். இவை வீட்டிலேயே எளிதாக செய்யலாம்.

மினி பாதுஷா

தேவையானவை;

மைதாமாவு – 1 கப்

தயிர் – 2 டேபிள்ஸ்பூன்

எண்ணெய் – பொரிக்க

சர்க்கரை – ½ கப்

தண்ணீர் – ¼ கப்

எலுமிச்சைச்சாறு – சில துளிகள்

செய்முறை: ஒரு பாத்திரத்தில் மைதா, பேக்கிங்பவுடர், சோடா, நெய் சேர்த்து நன்கு பிசைந்து, அதில் தயிர் சேர்த்து மென்மையான மாவாக பிசையவும். சிறிது தண்ணீர் தேவையானால் சேர்க்கலாம். மூடி வைத்து 15–20 நிமிடங்கள் ஓயவிடவும்.

பின்னர் மாவை சிறு உருண்டைகளாக பிரித்து நடுவில் விரலால் சிறிது அழுத்தி வட்ட வடிவம் செய்யவும் (மினி அளவில்). குறைந்த தீயில் பொன்னிறமாக வரும் வரை மெதுவாக பொரிக்கவும். அவை உள்ளே வெந்து வெளியே crisp ஆகவேண்டும்.

சர்க்கரை மற்றும் தண்ணீர் சேர்த்து கெட்டியாகும் வரை பாகு தயாரிக்கவும். பாகு கெட்டியாகி வரும்போது எலுமிச்சைச்சாறு சில துளிகள் சேர்க்கவும். பொரித்த பாதுஷாவை சூடான பாகில் 3–4 நிமிடங்கள் நனைத்து எடுக்கவும். மேலே நெய் அல்லது நட்டுகள் தூவி பரிமாறலாம். சுவையான, மெல்லிய மினி பாதுஷா தயார்!

ஆற்காடு மக்கன்பேடா

தேவையானவை:

கண்டென்ஸ்டு மில்க் – 1 டின் (சுமார் 400 கிராம்)

பால்பொடி – ½ கப்

நெய் – 3 டேபிள்ஸ்பூன்

ஏலக்காய்பொடி – ¼ டீஸ்பூன்

பிஸ்தா / பாதாம் துண்டுகள் – அலங்காரத்திற்கு

செய்முறை: ஒரு கனமான வாணலியில் நெய் சேர்த்து சூடாக்கவும். அதில் கண்டென்ஸ்டு மில்க் சேர்த்து கிளறி, பால் பொடியை சிறிது சிறிதாக சேர்த்து கலக்கவும். மிதமான தீயில் தொடர்ந்து கிளறி, கலவை தட்டில் ஒட்டாமல் வரும் வரை சமைக்கவும். ஏலக்காய்பொடி சேர்த்து நன்றாக கலக்கி, சற்று குளிர்ந்ததும் சிறு உருண்டைகளாக எடுத்து சற்று தட்டையாக மிதமான வட்ட வடிவத்தில் அமைக்கவும் மேலே பிஸ்தா துண்டுகளை அழுத்தி வைக்கவும். 10–15 நிமிடங்கள் குளிர வைத்து பரிமாறலாம்.

மிருதுவாகவும் வெண்ணை போல உருகும் “ஆற்காடு மக்கன் பேடா” தயார்.

பாதாம் ஃபர்பி

தேவையானவை;

பாதாம் – 1 கப்

பால் – ½ கப்

சர்க்கரை – ¾ கப்

நெய் – 2 டீஸ்பூன்

ஏலக்காய்தூள் – ¼ டீஸ்பூன்

சில பாதாம் துண்டுகள் – அலங்கரிக்க

செய்முறை: பாதாம்களை சூடான நீரில் 30 நிமிடங்கள் ஊற வைக்கவும். பின்னர் தோலை நீக்கி, மென்மையான பேஸ்டாக அரைக்கவும். (பால் சிறிதளவு சேர்த்தால் அரைப்பது எளிதாகும்.)

கடாயில் சர்க்கரை மற்றும் ¼ கப் தண்ணீர் சேர்த்து பாகு காய்ச்சவும். ஒற்றை கம்பி நிலை (one string consistency) வந்ததும் அடுப்பை குறைக்கவும். அரைத்த பாதாம் பேஸ்டை பாகத்தில் சேர்த்து நன்றாக கலக்கவும். தட்டுப்படாமல் தொடர்ந்து கிளற வேண்டும். கலவை கெட்டியாகி கடாயின் விளிம்புகளில் இருந்து பிரிவதற்கு முன், நெய் மற்றும் ஏலக்காய் தூளை சேர்க்கவும். ஒரு தட்டில் சிறிது நெய் தடவி, கலவையை ஊற்றி சீராக பரப்பவும். மேலே பாதாம் துண்டுகள் அல்லது தங்க வர்க் வைத்து அலங்கரிக்கவும். சிறிது குளிர்ந்ததும், கத்தி கொண்டு சதுரம் அல்லது வைரம் வடிவத்தில் வெட்டவும். சுவையான பாதாம் ஃபர்பி தயார்.

குறிப்பு: பாதுஷா மாவை மிகுந்த நேரம் பிசைய வேண்டாம்; அது மென்மை குறைக்கும்.

மக்கன் பேடா கலவையை அடுப்பிலிருந்து எடுத்த பிறகு உடனே வடிவம் கொடுக்கவேண்டும்; இல்லையெனில் அது கெட்டியாகிவிடும்.

ஃபர்பி அதிக நேரம் கிளறினால் கடினமாகிவிடும்; சரியான அளவு கெட்டியானதும் அடுப்பிலிருந்து எடுக்கவும்.