ஆரோக்கிய சுவையில் இடியாப்பம் - கேரட் முருங்கைக்கீரை சட்னி!

வெஜ் இடியாப்பம்

தேவையான பொருட்கள்:

இடியாப்பம் – 2 கப் (வேக வைத்தது)

கேரட் – 1 (துருவியது)

பீன்ஸ் – 5 (நறுக்கியது)

குடமிளகாய் (காப்ஸிகம்) – 1 (நறுக்கியது)

வெங்காயம் – 1 (சிறியதாக நறுக்கியது)

பச்சைமிளகாய் – 2 (நறுக்கியது)

கடுகு – ½ டீஸ்பூன்

உளுத்தம்பருப்பு – 1 டீஸ்பூன்

கறிவேப்பிலை – சில

கொத்தமல்லி இலை – சிறிதளவு (நறுக்கியது)

எண்ணெய் – 2 டீஸ்பூன்

உப்பு – தேவையான அளவு

மிளகுத்தூள் – ½ டீஸ்பூன்

செய்முறை: ஒரு கடாயில் எண்ணெயை சூடாக்கி, கடுகு, உளுத்தம் பருப்பு சேர்த்து தாளிக்கவும். அதில் வெங்காயம், பச்சைமிளகாய், கறிவேப்பிலை சேர்த்து வறுக்கவும். கேரட், பீன்ஸ், குடமிளகாய் போன்ற காய்கறிகளை சேர்த்து, கொஞ்சம் உப்பு சேர்த்து வதக்கவும். காய்கறிகள் வெந்த பிறகு மிளகுதூள் சேர்க்கவும். பின்னர் காய்கறிகளுடன் வேகவைத்த இடியாப்பத்தை சேர்த்து நன்கு கலக்கவும். உப்பு சரிபார்த்து தேவையான அளவு சேர்க்கவும். கொத்தமல்லி இலை தூவி, அடுப்பிலிருந்து இறக்கவும். இதனுடன் தேங்காய் சட்னி சேர்த்து சாப்பிடலாம்.

கேரட் முருங்கையிலை சட்னி

தேவையான பொருட்கள்:

கேரட் _2 (நறுக்கியது)

முருங்கை இலைகள் _ஒரு கைப்பிடி

பச்சைமிளகாய் _ 2

பூண்டு _ 3 பற்கள்

இஞ்சி_ சிறுதுண்டு (நறுக்கியது)

தக்காளி (நறுக்கியது)

உப்பு (சுவைக்கேற்ப)

எண்ணெய் _ சிறிது

கடுகு _ 1 ஸ்பூன்

கறிவேப்பிலை _ சிறிது

செய்முறை: ஒரு பாத்திரத்தில் சிறிது எண்ணெய் சேர்த்து அதில் கடுகு, கறிவேப்பிலை சேர்த்து தாளிக்கவும். பிறகு, பூண்டு, இஞ்சி, பச்சை மிளகாய் சேர்த்து வதக்கவும். இப்போது, நறுக்கப்பட்ட கேரட்டும், முருங்கை இலையும் சேர்த்து வதக்கவும். கேரட் மென்மையாக வந்ததும், தக்காளியை சேர்த்து வதக்கவும். அனைத்தும் நன்றாக வதங்கிய பிறகு, உப்பைப் போட்டு வேக விடவும். வெந்ததும் நன்கு ஆறவிடவும். ஆறியதும் மிக்ஸியில் போட்டு நன்றாக அரைக்கவும். சட்னி தயார். இந்த சட்னியை சப்பாத்தி, இட்லி, தோசை போன்றவற்றுடன் பரிமாறலாம்.

சுவையான கடலை சாலட்

தேவையான பொருட்கள்:

கடலை (சுண்டல்) – 1 கப்

வெங்காயம் – 1 (சிறியதாக நறுக்கியது)

தக்காளி – 1 (நறுக்கியது)

பச்சைமிளகாய் – 1 (சிறியதாக நறுக்கியது)

கொத்தமல்லி இலை – சிறிதளவு (நறுக்கியது)

எலுமிச்சைசாறு – 1 டீஸ்பூன்

உப்பு – தேவையான அளவு

மிளகுத்தூள் – ½ டீஸ்பூன்

தேங்காய் துருவல் – 2 டீஸ்பூன்

செய்முறை: இரவில் கடலையை தண்ணீரில் ஊறவைக்கவும். பின் அதை 3 விசில் வரும்படி குக்கரில் வேகவைக்கவும். வெங்காயம், தக்காளி, பச்சை மிளகாய் மற்றும் கொத்தமல்லி இலைகளை நறுக்கவும்.

ஒரு பெரிய பாத்திரத்தில் வெந்த கடலையை இடவும். அதில் நறுக்கிய வெங்காயம், தக்காளி, பச்சைமிளகாய், கொத்தமல்லி இலை, உப்பு, மிளகுத்தூள் சேர்க்கவும். சுவைமிகு சாலட் தயார்: கடைசியில் தேங்காய் துருவல் மற்றும் எலுமிச்சை சாறு சேர்த்து நன்கு கலந்து பரிமாறவும். இந்த சாலட் சத்தானது மற்றும் ஆரோக்கியமானது. சுடசுட பரிமாறுவது சிறந்தது.