இன்ஸ்டன்ட் சேமியா இட்லி - ராஜஸ்தான் பூண்டு சட்னி ரெசிபிஸ்!

இன்றைக்கு சுவையான சூப்பர் ஈஸி சேமியா இட்லி மற்றும் ராஜஸ்தான் பூண்டு சட்னி ரெசிபிஸை சிம்பிளாக வீட்டிலேயே எப்படி செய்யறதுன்னு பார்ப்போம்.

சேமியா இட்லி செய்ய தேவையான பொருட்கள்

எண்ணெய்-தேவையானா அளவு

சேமியா-1/2 கப்

ரவை-1/4 கப்

கடுகு-1 தேக்கரண்டி

உளுந்து-1 தேக்கரண்டி

கடலைப்பருப்பு-1 தேக்கரண்டி

முந்திரி-5

உப்பு-தேவையான அளவு

தயிர்-1 ½ கப்

துருவிய கேரட்-1/2 கப்

துருவிய தேங்காய்-2 தேக்கரண்டி

மஞ்சள் தூள்-சிறிதளவு

கொத்தமல்லி-சிறிதளவு

சேமியா இட்லி செய்முறை விளக்கம்.

முதலில் ஃபேனில் சிறிது எண்ணெய் விட்டு அதில் ½ கப் சேமியா, ¼ கப்ரவை சேர்த்து சற்று வறுத்து எடுத்து ஆற வைத்துக் கொள்ளவும். இப்போது கடாயில் சிறிது எண்ணெய் விட்டு 1 தேக்கரண்டி கடுகு, 1 தேக்கரண்டி உளுந்து, 1 தேக்கரண்டி கடலைப்பருப்பு, முந்திரி 5 சேர்த்து சிவக்க வறுத்துக் கொள்ளவும்.

இப்போது வறுத்து வைத்த சேமியாவில் தேவையான அளவு உப்பு, 1 ½ கப் தயிர் சேர்த்து கலந்துவிட்டுக் கொள்ளவும். இதில் துருவிய கேரட் ½ கப், கொத்தமல்லி சிறிதளவு, மஞ்சள் தூள் சிறிதளவு, துருவிய தேங்காய் 2 தேக்கரண்டி, தாளித்து வைத்ததையும் சேர்த்து நன்றாக கலந்துவிட்டு இதை இட்லி தட்டில் ஊற்றி 10 நிமிடம் வேகவைத்து எடுத்தால் சுவையான சேமியா இட்லி தயார். நீங்களும் இந்த சிம்பிள் ரெசிபியை வீட்டிலே ட்ரை பண்ணிப் பார்த்துட்டு சொல்லுங்க.

ராஜஸ்தான் பூண்டு சட்னி செய்ய தேவையான பொருட்கள்

பூண்டு-30

மிளகாய் தூள்- 1 ½ தேக்கரண்டி

மல்லித்தூள்-1 தேக்கரண்டி

மஞ்சள் தூள்-1 தேக்கரண்டி

உப்பு-1 தேக்கரண்டி

நறுக்கிய பூண்டு-5

எண்ணெய்-3 தேக்கரண்டி

சீரகம்-1 தேக்கரண்டி

எழுமிச்சைப் பழ சாறு-1/2 மூடி

ராஜஸ்தான் பூண்டு சட்னி செய்முறை விளக்கம்.

முதலில் 30 பூண்டை கொரகொரப்பாக தட்டி எடுத்துக் கொள்ளவும்.  இப்போது இதை பவுலில் சேர்த்து விட்டு 1 ½ தேக்கரண்டி மிளகாய் தூள், 1 தேக்கரண்டி மல்லித்தூள், 1 தேக்கரண்டி மஞ்சள் தூள், 1 தேக்கரண்டி உப்பு, மெல்லிதாக 5 பூண்டை நறுக்கி இத்துடன் சேர்த்துவிட்டு தண்ணீர் சிறிது விட்டு கலந்துவைத்துக் கொள்ளவும்.

இப்போது கடாயில் 3 தேக்கரண்டி எண்ணெய் விட்டு சீரகம் 1 தேக்கரண்டி சேர்த்துவிட்டு செய்து வைத்திருக்கும் பூண்டை இத்துடன் சேர்த்து நன்றாக வதக்கவும். சிறிது தண்ணீர் விட்டு எண்ணெய் பிரிந்துவரும் வரை வதக்கி கடைசியாக1/2 மூடி எழுமிச்சை சாற்றை சேர்த்து கலந்துவிட்டு இறக்கினால், சுவையான ராஜஸ்தான் பூண்டு சட்னி தயார். நீங்களும் இந்த ரெசிபியை வீட்டிலே ட்ரை பண்ணிப் பார்த்துட்டு சொல்லுங்க.