சப்பாத்தி மிச்சமா இருக்கா? தூக்கிப் போடாதீங்க! இந்த 7 அசத்தலான ரெசிப்பீஸ் போதும்!

சில சமயம் சப்பாத்தி செய்யும்போதோ, இல்ல சாப்பிடும்போதோ, ஒரு சில சப்பாத்திகள் மிச்சமாகிடும். அந்த சப்பாத்திகளை என்ன பண்றதுன்னு தெரியாம, சிலர் தூக்கிப் போட்டுடுவாங்க. ஆனா, அப்படி தூக்கிப் போடுறதுக்கு பதிலா, அந்த சப்பாத்திகளை வச்சு சுவையான, புதுமையான பல ரெசிப்பீஸை செய்யலாம். இது உணவு வீணாவதை தடுக்குறது மட்டும் இல்லாம, சமைக்க நேரம் இல்லாதப்போ ஒரு நல்ல ஷார்ட்கட்டாகவும் இருக்கும். 

1. சப்பாத்தி உப்புமா: இது ஒரு ரொம்பவே சுலபமான, சுவையான காலை உணவு. மிச்சமான சப்பாத்திகளை சின்ன சின்ன துண்டுகளா பிச்சு வச்சுக்கங்க. ஒரு கடாயில எண்ணெய் விட்டு, கடுகு, உளுத்தம்பருப்பு, கடலைப்பருப்பு, வெங்காயம், பச்சை மிளகாய், கொஞ்சம் இஞ்சி, பூண்டு இதையெல்லாம் சேர்த்து நல்லா தாளிச்சு, பிச்சு வச்ச சப்பாத்தி துண்டுகளை சேர்த்து நல்லா கிளறுங்க. தேவையான அளவு உப்பு, மஞ்சள் தூள் சேர்த்து, கடைசியா கொஞ்சம் கொத்தமல்லி தழையை தூவி இறக்கினா, சுவையான சப்பாத்தி உப்புமா ரெடி.

2. சப்பாத்தி ரோல்: குழந்தைகளுக்கு ரொம்ப பிடிச்ச ஒரு ரெசிப்பி இது. சப்பாத்தியை ஒரு நிமிஷம் சூடு செஞ்சுட்டு, அதுல ஃபில்லிங் வைக்கலாம். ஃபில்லிங் செய்ய, கொஞ்சம் வெங்காயம், குடைமிளகாய், கேரட் இதையெல்லாம் சின்னதா நறுக்கி, அதுகூட பன்னீர், கொஞ்சம் சில்லி சாஸ், டொமாட்டோ கெட்சப் இதையெல்லாம் சேர்த்து நல்லா கலந்துக்கங்க. அதை சப்பாத்தில வச்சு சுருட்டி கொடுத்தா போதும், குழந்தைகளுக்கு ஒரு சுவையான ஸ்நாக்ஸா இருக்கும்.

3. சப்பாத்தி நூடுல்ஸ்: சப்பாத்திகளை நூடுல்ஸ் மாதிரி நீளமா வெட்டி வச்சுக்கங்க. ஒரு கடாயில எண்ணெய் விட்டு, வெங்காயம், கேரட், கோஸ், குடைமிளகாய் இதையெல்லாம் சேர்த்து வதக்கிட்டு, அதுல சில்லி சாஸ், சோயா சாஸ், அப்புறம் சப்பாத்தி துண்டுகளை சேர்த்து நல்லா கிளறுங்க. இது நூடுல்ஸ் மாதிரி இருக்கும்.

4. சப்பாத்தி பீட்ஸா: பீட்ஸா செய்யறதுக்கு பேஸ் இல்லன்னு கவலைப்பட வேண்டாம். மிச்சமான சப்பாத்தியை ஒரு நிமிஷம் சூடு செஞ்சு, அதுல பிட்ஸா சாஸ், சீஸ், வெங்காயம், குடைமிளகாய், அப்புறம் ஆலிவ் இதையெல்லாம் சேர்த்து, மூடி வச்சு சூடு செஞ்சா போதும். சீஸ் உருகினதும், சப்பாத்தி பிட்ஸா ரெடி.

5. காரசாரமான சப்பாத்தி சில்லா: சப்பாத்தியை சின்ன சின்ன துண்டுகளா வெட்டிட்டு, அதுல கொஞ்சம் கடலை மாவு, அரிசி மாவு, வெங்காயம், பச்சை மிளகாய், உப்பு, மிளகாய்த்தூள் இதையெல்லாம் சேர்த்து, தோசை மாவு மாதிரி கரைச்சு, தோசை மாதிரி ஊத்தி எடுத்தா போதும். இது ஒரு சுவையான, ஆரோக்கியமான சிற்றுண்டியா இருக்கும்.

6. சப்பாத்தி கார போண்டா: சப்பாத்தியை மிக்ஸில போட்டு பொடி செஞ்சுக்கங்க. அதுல கொஞ்சம் வெங்காயம், கடலை மாவு, அரிசி மாவு, உப்பு, மிளகாய்த்தூள், அப்புறம் சீரகம் இதையெல்லாம் சேர்த்து, போண்டா மாவு மாதிரி பிசைஞ்சு, எண்ணெய்ல போட்டு பொரிச்சு எடுத்தா, காரசாரமான சப்பாத்தி போண்டா தயார்.

7. சப்பாத்தி சாலட்: சப்பாத்திகளை பொரிச்சு சின்ன துண்டுகளா எடுத்து, அதுல வெங்காயம், தக்காளி, வெள்ளரிக்காய், அப்புறம் கொஞ்சம் மசாலா பொடி, எலுமிச்சை சாறு இதையெல்லாம் சேர்த்து கலந்து கொடுத்தா, சப்பாத்தி சாலட் ரெடி.

இந்த ஐடியாக்கள் எல்லாம் உங்க மிச்சமான சப்பாத்திகளை வச்சு செய்யறதுக்கு ரொம்பவே பயனுள்ளதா இருக்கும். இனி சப்பாத்தி மிச்சமானா, தூக்கிப் போடாம இந்த மாதிரி புதுசா ஏதாவது செஞ்சு பாருங்க.