சூப்பர் சுவையில் மீல்மேக்கர் வறுவல் - வாழைப்பூ பொரியல் செய்யலாமா?

இன்றைக்கு சுவையான மீல்மேக்கர் வறுவல் மற்றும் வாழைப்பூ பொரியல் ரெசிபியை வீட்டிலேயே சிம்பிளாக எப்படி செய்யறதுன்னு பார்ப்போம்.

மீல்மேக்கர் வறுவல் செய்ய தேவையான பொருட்கள்.

மீல்மேக்கர்-100 கிராம்.

மிளகு-2 தேக்கரண்டி.

சோம்பு-2 தேக்கரண்டி.

வரமிளகாய்-4

எண்ணெய்-2 தேக்கரண்டி.

சீரகம்-1/4 தேக்கரண்டி.

கிராம்பு-3.

வெங்காயம்-2.

தக்காளி-1.

கருவேப்பிலை-சிறிதளவு.

இஞ்சிபூண்டு பேஸ்ட்-1 தேக்கரண்டி.

மஞ்சள் தூள்-1/4 தேக்கரண்டி.

உப்பு-சிறிதளவு.

கரம் மசாலா-1 தேக்கரண்டி.

மீல்மேக்கர் வறுவல் செய்முறை விளக்கம்.

முதலில் ஒரு பாத்திரத்தில் தண்ணீர் எடுத்து நன்றாக கொதிக்கவிடவும். அதில்100 கிராம் மீல்மேக்கரை போட்டு 1 நிமிடம் கிண்டிவிட்டு வடிக்கட்டி எடுத்துக்கொள்ளவும். இப்போது அதை நன்றாக பிழிந்துவிட்டு எடுத்து வைத்துக் கொள்ளவும்.

இப்போது ஃபேனில் 2 தேக்கரண்டி மிளகு, 2 தேக்கரண்டி சோம்பு, 4 வரமிளகாய் சேர்த்து வறுத்து எடுத்து மிக்ஸியில் சேர்த்து அரைத்துக்கொள்ளவும். கடாயில் 2 தேக்கரண்டி எண்ணெய் விட்டு ¼ தேக்கரண்டி சீரகம், 3 கிராம்பு, 2 பொடியாக நறுக்கிய பெரிய வெங்காயம், கருவேப்பிலை சிறிதளவு, பொடியாக நறுக்கிய தக்காளி 1 , இஞ்சி பூண்டு பேஸ்ட் 1 தேக்கரண்டி சேர்த்து நன்றாக வதங்கியதும் எடுத்து வைத்திருக்கும் மீல் மேக்கரை சேர்த்துக் கொள்ளலாம்.

இதில் வறுத்து பொடி செய்து வைத்த மசாலா அத்துடன் மஞ்சள் தூள் ¼ தேக்கரண்டி, உப்பு சிறிதளவு சேர்த்து நன்றாக கலந்துவிடவும். இதில் தண்ணீர் சிறிது விட்டு கிளறிவிட்டு 5 நிமிடம் மூடிப்போட்டு வேகவிடவும். கடைசியாக கரம் மசாலா 1 தேக்கரண்டி, கருவேப்பிலை சிறிதளவு சேர்த்து கலந்துவிட்டு இறக்கவும். அவ்வளவு தான் சுவையான மீல்மேக்கர் வறுவல் தயார். நீங்களும் இந்த ரெசிபியை  வீட்டிலே ட்ரை பண்ணிப் பார்த்துட்டு சொல்லுங்க.

வாழைப்பூ பொரியல் செய்ய தேவையான பொருட்கள்.

வாழைப்பூ-1

மஞ்சள்-தூள்-1/4 தேக்கரண்டி.

உப்பு-சிறிதளவு.

பொரியல் செய்ய,

எண்ணெய்-2 தேக்கரண்டி.

கடுகு-1 தேக்கரண்டி.

கடலைப்பருப்பு-1 தேக்கரண்டி.

கருவேப்பிலை-சிறிதளவு.

வெங்காயம்-1

பூண்டு-2

பச்சை மிளகாய்-2.

மஞ்சள் தூள்-1/4 தேக்கரண்டி.

உப்பு-தேவையான அளவு.

தேங்காய் துருவல்-சிறிதளவு.

வாழைப்பூ பொரியல் செய்முறை விளக்கம்.

முதலில் வாழைப்பூ ஒன்று எடுத்து அதில் உள்ள பூவை சுத்தம் செய்து பொடிப்பொடியாக நறுக்கி மஞ்சள் தூள் ¼ தேக்கரண்டி, உப்பு சிறிதளவு சேர்த்து கலந்து வைத்துக் கொள்ளவும்.

இப்போது ஃபேனில் எண்ணெய் 2 தேக்கரண்டி சேர்த்து கடுகு 1 தேக்கரண்டி, கடலைப்பருப்பு 1 தேக்கரண்டி, கருவேப்பிலை சிறிதளவு, பொடியாக நறுக்கிய பெரிய வெங்காயம் 1, நறுக்கிய பூண்டு 2, பச்சை மிளகாய் 2 , சேர்த்து வதக்கிவிட்டு இத்துடன் சீரகத்தூள் 1 தேக்கரண்டி, மஞ்சள் தூள் ¼ தேக்கரண்டி, தேவையான அளவு உப்பு சேர்த்து நன்றாக வதக்கிய பிறகு வெட்டி வைத்திருக்கும் வாழைப்பூவை இத்துடன் சேர்த்து சிறிது தண்ணீர் விட்டு 5 நிமிடம் மூடி வேகவிடவும்.

கடைசியாக, துருவிய தேங்காய் சிறிதளவு சேர்த்து கிளறிவிட்டு இறக்கினால், சுவையான வாழைப்பூ பொரியல் தயார். நீங்களும் இந்த ரெசிபியை வீட்டிலே ட்ரை பண்ணிப் பார்த்துட்டு சொல்லுங்க.