குழந்தைகள் விரும்பிப் பருகும் சத்தான சம்மர் ஸ்பெஷல் மில்க் ஷேக்ஸ்!

முலாம் பழம் மில்க் ஷேக்

கோடைக்காலம் என்பதால் முலாம் பழமும் தர்பூசணியும் எல்லா கடைகளிலும் பரவலாக கிடைக்கும். அதை வெறுமனே சர்க்கரை சேர்த்து ஜூஸாக குடிப்பதற்குப் பதிலாக இப்படி வித்தியாசமான சுவையில் மில்க் ஷேக் செய்து குடித்து பாருங்கள். முலாம் பழம் &தர்பூசணி மில்க் ஷேக்… இப்படி செய்து பாருங்கள்… குட்டீஸ் விரும்பி சாப்பிடுவாங்க..!

இத்தனை நாள் இந்த டேஸ்டை மிஸ் பண்ணியதைக் நினைத்து வருத்தப்படுவீர்கள். சரி, எப்படி செய்வது என்று பார்க்கலாம்.

முலாம் பழம் மில்க் ஷேக் தேவையான பொருட்கள்:

முலாம் பழம் – 1

முந்திரி, வால்நட் – சிறிதளவு

காய்ச்சிய பால் – 1 டம்ளர்

வனிலா ஐஸ்க்ரீம் – தேவைக்கேற்ப

துருவிய பாதாம் – 2 ஸ்பூன்

சர்க்கரை – தேவைக்கேற்ப

செய்முறை:

முலாம் பழத்தின் சதைப்பகுதியை வெட்டி எடுத்துக் கொள்ளுங்கள். பின் அதை மிக்ஸி ஜாரில் சேர்த்து, அதோடு முந்திரி, வால்நட், பால், ஐஸ்க்ரீம் மற்றும் தேவையான அளவு சர்க்கரை சேர்த்து மைய அரைத்துக்கொள்ளுங்கள்.

அவ்வளவுதான், ஷேக் தயார். தயாரான முலாம் பழ மில்க் ஷேக்கை ஜூஸ் கிளாஸில் ஊற்றி, அதன் மேல் துருவிய பாதாமை தூவி பரிமாறுங்கள்.

தர்பூசணி மில்க் ஷேக்

தேவையான பொருட்கள்:

தர்பூசணி பழம் (கொட்டை நீக்கியது) – 2 கப்

முந்திரி, உலர் திராட்சை – சிறிதளவு

காய்ச்சிய பால் – 1 டம்ளர்

ஸ்ட்ராபெர்ரி ஐஸ்க்ரீம் – தேவைக்கேற்ப

துருவிய பாதாம் – 2 ஸ்பூன்

சர்க்கரை – விருப்பப்பட்டால் மட்டும்

செய்முறை:

தர்பூசணி பழத்தில் உள்ள கொட்டைகளை நீக்கி வைக்கவும். பழத்தை பொடியாக வெட்டி எடுத்துக்கொள்ளுங்கள்.

பின் அதை மிக்ஸி ஜாரில் சேர்த்து, முந்திரி, வால்நட், பால், ஐஸ்க்ரீம் மற்றும் (தேவையெனில்) சர்க்கரை சேர்த்து மைய அரைத்துக்கொள்ளுங்கள். அவ்வளவுதான் ஷேக் தயார்.

தயாரான தர்பூசணி மில்க் ஷேக்கை ஜூஸ் கிளாஸில் ஊற்றி, அதன் மேல் துருவிய பாதாமை தூவி பரிமாறுங்கள். ஜில்லென்று சுவையாக இருக்கும்!