இனிப்பு ராகி அடை!

தேவையான பொருட்கள் :

• ராகி 2 கப்

• வெல்லப் பொடி - முக்கால் கப்

• ஏலக்காய் பொடி - அரை ஸ்பூன்

• தேங்காய் துருவல் - 4 ஸ்பூன்

• எண்ணெய் - தேவைக்கேற்ப.

செய்முறை :

ராகியை வாணலியில் வறுத்து, மாவாக பிடிக்கவும். அடி கனமான பாத்திரத்தில் வெல்லப் பொடியை போட்டு, சிறிதளவு நீர் விட்டு, கரைந்ததும் வடிகட்டி, இளம் பாகு காய்ச்சி இறக்கி, அதில் தேங்காய்த் துருவல், ஏலப்பொடி, ராகி மாவு கலந்து பிசையவும். வாழை இலையில் எண்ணெய் தடவி, மாவை உருட்டி, தட்டி எடுத்து தோசைக் கல்லில் போட்டு, எண்ணெய் விட்டு இருபுறமும் வெந்ததும் எடுக்கவும். சுவையான இனிப்பு ராகி அடை ரெடி.