பெல்லாரி வெங்காயத்தின் சிறப்புகள் மற்றும் சிறந்த சமையல் வகைகள்!

பெல்லாரி வெங்காயம் என்பது கர்நாடக மாநிலத்தில் உள்ள பெல்லாரி மாவட்டத்தில் பிரபலமான வெங்காய வகையாகும். இதன் சில முக்கிய சிறப்புகள்.

பெல்லாரி வெங்காயம் பெரிதாகவும் வளமான சுற்றளவில் (bulb) காணப்படும். இதன் மேற்பரப்பில் இளஞ்சிவப்பு அல்லது ஊதா நிறம் இருக்கும். இது ஒரு இனிப்பான மற்றும் சிறிது தீவிரமான மணம் கொண்டது. குழம்புகள், கிரேவி மற்றும் வறுவல்கள் போன்ற உணவுகளில் சிறந்த சுவையை வழங்கும். இவ்வெங்காயங்கள் கொஞ்சம் தடிமனான தோலுடன் வருவதால் நீண்ட நாட்கள் சீராக சேமிக்க முடியும். பேக்கிங் மற்றும் ட்ரான்ஸ்போர்ட்சுக்கு மிகவும் உகந்தவை. பெல்லாரி மாவட்டத்தின் மண்ணும், வானிலை சூழல்களும் இதற்கேற்ப அசாதாரணமான தரத்தை அளிக்கின்றன. இந்தியாவின் வெங்காய ஏற்றுமதியில் பெல்லாரி வெங்காயம் முக்கிய பங்கு வகிக்கிறது.

சிறந்த சமையல் வகைகள்

1.வெங்காய சாம்பார் (Onion Sambar):

தேவையானவை:

பெல்லாரி வெங்காயம் – 10-12

துவரம்பருப்பு – ½ கப்

சாம்பார்பொடி – 2 மேசைக்கரண்டி

புளி – சிறிய எலுமிச்சை அளவு

கடுகு, கறிவேப்பிலை, எண்ணெய் – தாளிக்க

உப்பு, மஞ்சள் தூள் – தேவையான அளவு

செய்முறை: முதலில் பருப்பை நன்கு வேகவைக்கவும். வெங்காயங்களை வெட்டி எண்ணெயில் வதக்கவும். புளிக்கரைசல், சாம்பார் பொடி, உப்பு, மஞ்சள்தூள் சேர்த்து கொதிக்கவிடவும். இறுதியில் வெந்த பருப்பு சேர்த்து கலந்து கொதிக்கவிடவும். கடுகு, கறிவேப்பிலை தாளித்து சேர்க்கவும்.

வெங்காய வதக்கல் (Onion Fry):

தேவையானவை:

பெல்லாரி வெங்காயம் – 2 (பெரியது, வட்டமாக நறுக்கவும்)

உளுத்தம்பருப்பு, கடுகு – தாளிக்க

சிவப்பு மிளகாய் _2

மஞ்சள்தூள் _1/4 ஸ்பூன்

மிளகாய்தூள்_1/2 ஸ்பூன்

தேங்காய்துருவல் – ¼ கப்

எண்ணெய் – தேவையான அளவு

செய்முறை: எண்ணெயில் கடுகு, பருப்பு, மிளகாய் வதக்கவும். வெங்காயம் சேர்த்து நன்கு வதக்கவும். மஞ்சள்தூள், மிளகாய்தூள், உப்பு சேர்க்கவும். தேங்காய் சேர்த்து வதக்கி இறக்கவும். சாதத்துடன் சூப்பர்.

வெங்காய ரைசு (Onion Rice): இது சிறந்த ஒரு Lunch Box recipe

தேவையானவை:

பெல்லாரி வெங்காயம் – 2 (நறுக்கவும்)

பச்சை மிளகாய் – 2

சோம்பு – ½ மேசைக்கரண்டி

பச்சரிசி – 1 கப் (வேகவைத்தது)

உப்பு, மஞ்சள்தூள்

எண்ணெய்

செய்முறை: எண்ணெயில் சோம்பு, மிளகாய், வெங்காயம் வதக்கவும். மஞ்சள் தூள், உப்பு சேர்க்கவும். இறுதியில் சாதம் சேர்த்து நன்கு கிளறவும். கொத்தமல்லி தூவினால் சுவை இரட்டிப்பு.

வெங்காய பரோட்டா

தேவையானவை:

கோதுமைமாவு – 2 கப்

உப்பு – தேவையான அளவு

எண்ணெய் – 1 மேசைக்கரண்டி

தண்ணீர் – தேவைக்கு

பெல்லாரி வெங்காயம் – 2 (நறுக்கியது)

பச்சைமிளகாய் – 1 (நறுக்கவும்)

கொத்தமல்லி – சிறிது (நறுக்கியது)

மிளகாய்தூள் – ½ மேசைக்கரண்டி

மஞ்சள்தூள் – சிறிது

சோம்பு – ¼ மேசைக்கரண்டி

உப்பு – தேவைக்கு

செய்முறை: கோதுமை மாவில் உப்பும், எண்ணெயும் சேர்த்து நன்கு கலக்கவும். மென்மையான மாவாக தண்ணீரை சேர்த்து பிசையவும். ஈரமான துணியால் மூடி 15-20 நிமிடங்கள் ஊறவிடவும்.

நறுக்கிய வெங்காயம், பச்சை மிளகாய், கொத்தமல்லி, மிளகாய்தூள், மஞ்சள்தூள், சோம்பு, உப்பு அனைத்தையும் சேர்த்து நன்றாக கலக்கவும். இதை பரோட்டா உதிராமல் இருக்க சற்று உலர்ந்ததாக வைத்துக்கொள்ளவும். மாவை சிறிய உருண்டைகளாக உருட்டிக் கொள்ளவும்.

ஒரு உருண்டையை சிறிது மாவுத்தூளில் நன்றாக தேய்த்து சிறிய சப்பாத்தியாக ஓரளவிற்கு உருட்டவும். நடுவில் 1 மேசைக்கரண்டி வெங்காய கலவையை வைக்கவும். ஓரங்களை மடக்கி மூடி, மெதுவாக சப்பாத்தியாக பரப்பவும். இது சற்று மெல்லிய பரோட்டாவாக இருக்கவேண்டும். தாவாவில் பரோட்டாவை இடவும். இரண்டு பக்கமும் தங்க நிறத்திற்கு வேகவிடவும். எண்ணெய் தடவினால் இன்னும் சுவையாகும். தயிர், தொக்கு, தொட்டுக்கொள்ள சேர்த்துக்கொள்ளலாம்.