பூசணிக்காய்னா அவ்ளோ இளக்காரமா போச்சா.. இந்த 5 ரெசிபி செஞ்சி பாருங்க!

பரங்கிக்காய் அல்லது பூசணிக்காய் என்றாலே சாம்பார் அல்லது கூட்டு செய்யலாம் என்று மட்டும் தான் நீங்கள் நினைப்பீர்கள். ஆனால், இதை வைத்து நாம் கற்பனை கூட செய்ய முடியாத அளவுக்கு பல விதமான அட்டகாசமான உணவுகளைச் சமைக்க முடியும். இனிப்பு மற்றும் காரம் என இரண்டு சுவைகளுக்கும் இது மிகச் சிறப்பாக பொருந்தும். ஆரோக்கியம் மற்றும் சுவை இரண்டையும் அள்ளித்தரும் இந்த அருமையான காய்கறியை வைத்து செய்யப்படும் ஐந்து அற்புதமான ரெசிபிகளை பற்றி இந்தப் பதிவில் பார்க்கலாம்.

1. பூசணிக்காய் சூப்!

மழை மற்றும் குளிர்கால மாலை நேரங்களில் தொண்டைக்கு இதமாக சூடாக ஏதாவது குடிக்க வேண்டும் என தோன்றும். அந்த நேரத்திற்கு இது ஒரு பெஸ்ட் சாய்ஸ். ஒரு பாத்திரத்தில் வெங்காயம் மற்றும் பூண்டு சேர்த்து லேசாக வதக்கிக்கொள்ளுங்கள். அதனுடன் நறுக்கிய பூசணிக்காய் துண்டுகள், வெஜிடபிள் பிராத் மற்றும் சிறிதளவு ஜாதிக்காய், பட்டை தூள் தூவி நன்றாக கொதிக்க வையுங்கள். காய் நன்கு வெந்ததும் அதை ஒரு மிக்ஸியில் போட்டு மையாக அரைத்து எடுத்தால் சுடச்சுட சூப் ரெடி. மேலே சில பூசணிக்காய் விதைகளை தூவி பரிமாறினால் செம க்ரஞ்சியாக இருக்கும்.

2. பூசணிக்காய் மஃபின்ஸ்!

மாலை நேர ஸ்நாக்ஸ் அல்லது காலை நேர உணவாக சாப்பிட இது ஒரு அசத்தலான தேர்வு. ஒரு பெரிய கிண்ணத்தில் மைதா மாவு, சர்க்கரை, பேக்கிங் பவுடர் மற்றும் பட்டை, இஞ்சி பொடியை ஒன்றாக கலந்து கொள்ளுங்கள். வேறு ஒரு பாத்திரத்தில் நன்றாக மசித்த பூசணிக்காயுடன் பால், எண்ணெய் சேர்த்து கலந்து, பின்னர் அதை உலர்ந்த மாவு கலவையோடு மெதுவாக கலக்கவும். இதை ஓவனில் 350°F வெப்பநிலையில் வைத்து பொன்னிறமாக வரும் வரை பேக் செய்து எடுத்தால் பஞ்சு போன்ற மஃபின்ஸ் தயார்.

3. சுவையான பூசணிக்காய் ரிசோட்டோ!

இது ஒரு பிரீமியம் இத்தாலிய உணவாகும். ஆர்போரியோ அரிசியை காய்கறி வேகவைத்த தண்ணீரில் மிதமான சூட்டில் வேகவைக்க வேண்டும். இதை அடிக்கடி கிளறி கொண்டே இருப்பது மிக முக்கியம். அப்போதுதான் அதிலிருந்து ஸ்டார்ச் வெளியாகி நல்ல ஒரு க்ரீமியான பதம் கிடைக்கும். அரிசி பாதி வெந்த நிலையில், அவனில் வறுத்த பூசணிக்காய் துண்டுகளை இதனுடன் சேர்க்க வேண்டும். கடைசியாக, அடுப்பை அணைக்கும் முன் பார்மேசன் சீஸ் துருவிப் போட்டால் இதன் ருசி வேற லெவலில் இருக்கும்.

4. இனிப்பான பூசணிக்காய் பை!

இனிப்பு பிரியர்களுக்கு மிகவும் பிடித்த ஒரு கிளாசிக் டெசர்ட் (Dessert) இதுவாகும். மசித்த பூசணிக்காயுடன் சர்க்கரை, பட்டை, இஞ்சி மற்றும் கிராம்பு பொடி ஆகியவற்றை சேர்த்து ஒரு அருமையான மசாலா கலவையை தயார் செய்து கொள்ளுங்கள். இதை ஏற்கனவே செய்து வைத்துள்ள பை க்ரஸ்ட்டில் (Pie Crust) ஊற்றி, நன்றாக செட் ஆகும் வரை பேக் செய்ய வேண்டும். இது முழுமையாக ஆறிய பின்பு துண்டுகளாக்கி, மேலே கொஞ்சம் விப்டு கிரீம் வைத்து சாப்பிட்டால் சுவை சும்மா அள்ளும்.

5. வறுத்த பூசணிக்காய் சாலட்!

டயட்டில் இருப்பவர்களுக்கு இது ஒரு சூப்பரான புத்துணர்ச்சி தரும் உணவு. நறுக்கிய பூசணிக்காய் துண்டுகளின் மீது ஆலிவ் ஆயில், உப்பு மற்றும் மிளகு தூள் தூவி ஓவனில் வைத்து நன்றாக வறுத்து எடுக்கவும். ஒரு பெரிய பவுலில் உங்களுக்கு பிடித்தமான கீரைகள், நட்ஸ் மற்றும் ஃபெட்டா சீஸ் ஆகியவற்றுடன் இந்த வறுத்த காய்களை சேர்க்கவும். இறுதியாக இதன் மீது சிறிது  வினிகர் ஊற்றி நன்றாக கலந்து பரிமாறினால் அட்டகாசமான சாலட் ரெடி.

ஒரே காய்கறியில் இவ்வளவு வித்தியாசமான மற்றும் சுவையான உணவுகளை செய்ய முடியும் என்பது பலருக்கும் ஆச்சரியமாக இருக்கலாம். அடுத்த முறை நீங்கள் மார்க்கெட்டிற்கு செல்லும் போது மறக்காமல் இதை வாங்கி வந்து, மேலே சொன்ன இந்த ஐந்து ரெசிபிகளையும் உங்கள் வீட்டில் உள்ளவர்களுக்கு செய்து கொடுங்கள். அவர்கள் அனைவரும் நிச்சயம் உங்களை பாராட்டுவார்கள். சத்தான உணவுகளை சாப்பிட்டு ஆரோக்கியமாக வாழுங்கள்.