தேங்காய் இருந்தால் போதும்.. பேக்கரி இனிப்புகளை ஓரம்கட்டும் இந்த 3 ஸ்வீட்ஸ்களை உடனே செஞ்சு பாருங்க!

குழம்பு சட்னி என அன்றாட உணவுகளில் சேர்க்கப்படும் தேங்காயை வைத்து அட்டகாசமான தித்திக்கும் இனிப்புகளையும் நம்மால் மிக சுலபமாக செய்ய முடியும். இதில் சுவை மட்டுமல்லாமல் நமது உடலுக்கு தேவையான பல ஆரோக்கியமான சத்துக்களும் அதிகமாகவே அடங்கியுள்ளன. 

தீபாவளி பொங்கல் போன்ற பண்டிகை நாட்களாக இருந்தாலும் சரி அல்லது குழந்தைகளுக்கு திடீரென இனிப்பு சாப்பிட தோன்றும் மாலை நேரமாக இருந்தாலும் சரி, உங்கள் குடும்பத்தினருக்கும் நண்பர்களுக்கும் இந்த தேங்காய் ஸ்வீட்ஸ்களை செய்து கொடுத்தால் நிச்சயம் ஆச்சரியப்படுவார்கள். 

அப்படி வீட்டில் இருக்கும் தேங்காயை வைத்து மிக எளிதாக செய்யக்கூடிய சில வாயில் கரையும் ஸ்பெஷல் ஸ்வீட் வகைகளை பற்றி இந்தப் பதிவில் பார்ப்போம்.

1. நாவில் கரையும் தேங்காய் பர்பி!

பேக்கரிகளில் அதிக அளவில் விற்பனையாகும் ஒரு பிரபலமான ஸ்வீட் இந்த தேங்காய் பர்பி. பலரின் வீடுகளில் விசேஷ நாட்களில் இதை செய்வது வழக்கமான ஒரு விஷயம்தான். இதை செய்வதற்கு துருவிய தேங்காயுடன் திக்கான பால் மற்றும் சர்க்கரை சேர்த்து மிதமான தீயில் நன்றாக சுருள வதக்க வேண்டும். 

இந்த கலவை நன்கு கெட்டியான பதத்திற்கு வந்தவுடன், அதில் வாசனைக்காக கொஞ்சமாக ஏலக்காய் தூள் தூவி ஒரு நெய் தடவிய தட்டில் கொட்டி செட் செய்து பர்பி போல வெட்டி எடுக்க வேண்டும். நன்றாக ஆறிய பிறகு இதை ருசித்து பார்த்தால் அதன் சுவை சும்மா அள்ளும். இதை பல நாட்களுக்கு கெட்டுப்போகாமல் ஒரு டப்பாவில் அடைத்து வைத்து சாப்பிடலாம் என்பதால், உறவினர்களுக்கு செய்து கொடுக்க இது ஒரு சிறந்த தேர்வு.

2. மணக்கும் தேங்காய் பாயசம்!

விசேஷ சாப்பாடு என்றாலே பாயசம் இல்லாமல் முற்றுபெறாது. அதிலும் இந்த தேங்காய் பாயசம் என்றால் அதன் ருசியே வேற லெவல் தான். இந்த மிகவும் வித்தியாசமான இனிப்பை செய்வதற்கு பச்சரிசி, திக்கான பால் மற்றும் துருவிய தேங்காய் ஆகியவை தேவைப்படும். முதலில் அரிசியை நன்றாக கழுவி சிறிது நேரம் ஊறவைத்து, திக்கான பாலில் போட்டு பொறுமையாக வேக வைக்க வேண்டும். 

பச்சரிசி பாலில் நன்றாக வெந்த பிறகு, துருவி வைத்துள்ள தேங்காயை அதோடு சேர்த்து மெதுவாக கிளற வேண்டும். பின்னர் இனிப்பிற்கு தேவையான அளவு சர்க்கரை சேர்த்து பாயசம் கொஞ்சம் கெட்டியாகும் வரை அடுப்பை மிதமான தீயில் வைத்து கொதிக்க விடவும். இறுதியாக மணத்திற்கு ஏலக்காய் தூள் தூவி சூடாக பரிமாறினால் வீடே கமகமக்கும்.

3. சத்தான தேங்காய் லட்டு!

சமையலே இதுவரை பெரிதாக தெரியாத பேச்சுலர்ஸ் கூட இந்த தேங்காய் லட்டை எளிதாக நிமிடங்களில் செய்து விட முடியும். காய்ந்த தேங்காய் அல்லது கடைகளில் கிடைக்கும் டெசிகேட்டட் கோக்கனட் பவுடரை எடுத்துக்கொண்டு, அதனுடன் தூய்மையான வெல்லம் அல்லது சர்க்கரையை பாகு காய்ச்சி சேர்த்து அடுப்பில் வைத்து நன்றாக கலந்து கொள்ள வேண்டும். 

இந்த இனிப்பு கலவை கை பொறுக்கும் சூட்டிற்கு ஆறியவுடன், அதனை சின்ன சின்ன உருண்டைகளாக கைகளில் நெய் தடவி பிடித்தால் சூப்பரான லட்டு நிமிடங்களில் தயார். கடைகளில் விற்கும் கலர் பவுடர் போன்ற எந்த ஒரு தேவையற்ற செயற்கை பொருட்களும் இதில் சேர்க்கப்படாததால், இது குழந்தைகள் முதல் பெரியவர்கள் வரை அனைவருக்கும் மிகவும் ஆரோக்கியமான ஒரு ஸ்வீட் ஆகும்.

சமையலறையில் எப்போதுமே இருக்கும் சில அடிப்படையான பொருட்களை மட்டும் வைத்துக்கொண்டு இந்த தித்திக்கும் இனிப்பு வகைகளை சுலபமாக செய்து விடலாம். உடலுக்கு எவ்வித கெடுதலும் இல்லாத இது போன்ற பாரம்பரியமான இயற்கை இனிப்பு வகைகளை வீட்டில் உள்ள குழந்தைகளுக்கு அடிக்கடி செய்து கொடுத்து ஆரோக்கியத்தை மேம்படுத்துங்கள்.