இந்த 'Simple but Powerful' குழம்பை சாப்பிட்டால் கொலஸ்ட்ரால் கன்ட்ரோல்!

healthy kuzhambu recipes
Onion-garlic gravy
கலைமதி சிவகுரு

கலைமதி சிவகுரு, 1983-ல் நாகர்கோவில் ஹோலி கிராஸ் கல்லூரியில் பட்டம் பெற்றவர். இவரது படைப்புகள் மங்கையர் மலர், தேவதை, தினத்தந்தி குடும்ப மலர் இதழ்களில் வெளியாகிப் பரிசுகள் பெற்றுள்ளன. தற்போது கல்கி குழுமத்தில் எழுதுகிறார். சமையல், ஆன்மிக வாசிப்பு, தையல் கலையில் ஆர்வம் கொண்டவர்.

Updated on: 

பேச்சுலர்களுக்கு தினசரி சமைப்பது ஒரு சவாலாகவே இருக்கும். குறைந்த பொருட்களும், குறைந்த நேரத்திலும், சுவையும் ஆரோக்கியமும் கலந்தொரு எளிய உணவு வேண்டும். அப்படிப்பட்ட சூழலில் வெங்காய–பூண்டு குழம்பு ஒரு சிறந்த தேர்வு. அதிக சிக்கல் இல்லாமல், சாதத்தோடும், இட்லி-தோசையோடும் சூப்பராக சாப்பிடலாம். பூண்டின் உடல்நல நன்மைகளும், வெங்காயத்தின் இனிமையும் சேர்ந்த ஒரு அருமையான “simple but powerful” dish இது. இதை செய்ய...

தேவையான பொருட்கள்:

வெங்காயம் – 2 (நறுக்கியது)

பூண்டு – 10–12 பல்

தக்காளி – 1 (நறுக்கியது)

மஞ்சள் தூள் – ¼ தேக்கரண்டி

மிளகாய்த் தூள் – 1 தேக்கரண்டி

தனியா தூள் – 1 தேக்கரண்டி

மிளகு தூள் – ¼ தேக்கரண்டி

பெருங்காயத்தூள் _1/2 ஸ்பூன்

வெல்லத்தூள் _ 1 ஸ்பூன்

உப்பு – தேவையான அளவு

புளி – சிறிய எலுமிச்சை அளவு (தண்ணீரில் கரைத்தது)

எண்ணெய் – 2 தேக்கரண்டி

கடுகு – ½ தேக்கரண்டி

கறிவேப்பிலை – சில தழைகள்

செய்முறை:

ஒரு கடாயில் எண்ணெயை சூடாக்கவும். கடுகு, கறிவேப்பிலை போடவும். வெங்காயத்தை சேர்த்து லேசாக பொன்னிறம் வரும் வரை வதக்கவும். பிறகு பூண்டை சேர்த்து மணம் வரும் வரை வதக்கவும். பூண்டு பற்கள் பெரியதாக இருந்தால் லேசாக இடி கல்லில் போட்டு இடித்து சதைத்து சேர்த்தால் சுவையுடன் வெந்து வந்து விடும். பின்னர் தக்காளியை சேர்த்து நன்கு மெலிதாகும் வரை வதக்கவும். அத்துடன் மஞ்சள் தூள், மிளகாய்த் தூள், தனியா தூள், மிளகு தூள் சேர்த்து நன்றாக கலக்கவும்.

பின்னர் புளித் தண்ணீரை சேர்த்து உப்பு போட்டு கலக்கவும். மிதமான தீயில் 10–12 நிமிடம் கொதிக்கவிடவும். குழம்பு கொஞ்சம் கெட்டியாக வேண்டும் என்றால் 1 டீஸ்பூன் அரிசி மாவை சிறிது தண்ணீரில் கரைத்து சேர்க்கலாம். இறுதியாக பெருங்காயத்தூள் மற்றும் வெல்லத்தூள் சேர்த்து குழம்பு கெட்டியாகி, நல்ல மணம் வந்ததும் அடுப்பை அணைக்கவும். வெந்த சாதம், இட்லி, தோசை, ரொட்டி கூடவும் சுவையாக இருக்கும்.

இதையும் படியுங்கள்:
சத்தான வெங்காயத்தாள்: நான்கு சுவையான சமையல் குறிப்புகள்!
healthy kuzhambu recipes

வெங்காய–பூண்டு குழம்பு சாப்பிடுவதால் கிடைக்கும் நன்மைகள்.

பூண்டு, வெங்காயம் இரண்டிலும் உள்ள இயற்கை என்சைம்கள் செரிமானத்தை வேகமாக்கும். வயிற்றில் இருக்கும் வீக்கம், குடல் சுளுக்கு போன்றவற்றை குறைக்கிறது.

பூண்டில் உள்ள அலிசின் (Allicin) என்ற பொருள் கிருமிநாசினியாக வேலை செய்கிறது. சளி, இருமல், காய்ச்சல் இருக்கும் நாட்களில் இந்த குழம்பு உடலை சூடாக வைத்து பாதுகாப்பு அளிக்கிறது.

பூண்டு ஒரு powerful immunity booster. உடலின் infection-ஐ எதிர்க்கும் சக்தி அதிகரிக்கும். பூண்டு ரத்தக் குழாய்களை விரிவாக்கி blood circulation-ஐ மேம்படுத்துகிறது. இதனால் இதயநலம் பாதுகாக்கப்படுகிறது. கொலஸ்ட்ரால் கட்டுப்பாட்டில் இருக்க உதவும்.

இதையும் படியுங்கள்:
வித்தியாசமான ருசியில் முட்டைக்கோஸ் துவரைப் பொரியல்!
healthy kuzhambu recipes

பேச்சுலராக இருந்தாலும் சுவையான, ஆரோக்கியமான உணவை சமைப்பது கடினமல்ல. வெங்காய–பூண்டு குழம்பு அதற்கான சிறந்த உதாரணம். வெறும் 15–20 நிமிடங்களில் சுவையும் நறுமணம் நிறைந்த உணவை தயார் செய்யலாம். பிஸியான வாழ்க்கையிலும் ஒரு சிறிய முயற்சி வீட்டுச் சுவையை உங்கள் தட்டில் கொண்டுவரும்.