வீட்டிலேயே சுவையான மாம்பழ ஜாம் செய்யலாம் வாங்க!

 கோடை காலம் வந்தாலே எல்லாருக்கும் மாம்பழம்தான் ஞாபகத்துக்கு வரும். மாம்பழத்தை அப்படியே சாப்பிடுறது ஒரு தனி சுகம். ஆனா அந்த இனிப்பான, மணமான மாம்பழத்தை வருஷம் முழுக்க சாப்பிட ஒரு வழி இருக்கு. அதுதான் மாம்பழ ஜாம். வீட்டிலேயே ஃபிரெஷ்ஷா, சுவையா, ரொம்ப ஈஸியா இந்த மாம்பழ ஜாம் எப்படி செய்யுறதுன்னு பார்க்கலாம். இதை சப்பாத்தி, பிரட், தோசைன்னு எது கூட வேணா வச்சு சாப்பிடலாம். வாங்க, இந்த டேஸ்ட்டியான மாம்பழ ஜாம் எப்படி செய்யறதுன்னு பார்க்கலாம்.

தேவையான பொருட்கள்:

• பழுத்த மாம்பழம் - 2 கப்

• சர்க்கரை - 1 கப் 

• எலுமிச்சை சாறு - 1 டேபிள் ஸ்பூன்

• தண்ணீர் - கால் கப்

செய்முறை:

ஜாம் செய்ய நீங்க தேர்ந்தெடுத்த மாம்பழம் நல்லா பழுத்து இனிப்பா இருக்கணும். மாம்பழத்தின் தோலை நீக்கி, சதைப்பகுதியை மட்டும் பொடியாக நறுக்கி ஒரு மிக்ஸி ஜார்ல போட்டு கூழா அரைச்சுக்கோங்க. ரொம்ப நைசா அரைக்க வேண்டாம், லேசா திப்பி திப்பியா இருக்கலாம்.

இப்போ ஒரு அகலமான, அடிகனமான கடாயை அடுப்புல வச்சு, அரைச்சு வச்ச மாம்பழ கூழ ஊத்துங்க. அடுப்பை மிதமான தீயில வச்சு, மாம்பழக் கூழை ஒரு ரெண்டு நிமிஷம் கிளறி விடுங்க.

அடுத்ததா, இது கூட சர்க்கரைய சேருங்க. சர்க்கரை கரைஞ்சு, மாம்பழக் கூழ் கூட நல்லா கலந்து, ஒரு பளபளப்பான பதம் வர்ற வரைக்கும் கை விடாம கிளறிட்டே இருங்க. இந்த சமயத்துல அடுப்பை சிம்ல வச்சுக்கிறது நல்லது, இல்லனா அடி பிடிச்சுடும்.

மாம்பழக் கூழ் நல்லா கெட்டியாகி, கடாயோட ஓரங்கள்ல ஒட்டாம சுருண்டு வர்ற பதம் வரும்போது, ஒரு டேபிள் ஸ்பூன் எலுமிச்சை சாறை சேருங்க. எலுமிச்சை சாறு ஜாமுக்கு புளிப்பு சுவைய கொடுக்கும், கூடவே ஜாம் கெட்டியாகறதுக்கும், நிறம் மாறாம இருக்கவும் உதவும்.

ஜாம் பதம் வந்துருச்சான்னு பார்க்க, ஒரு சின்ன தட்டுல ஒரு சொட்டு ஜாமை விட்டு, விரலால தொட்டு பார்த்தா, அது ஓடாம அப்படியே இருக்கணும். அப்படி இருந்தா பதம் கரெக்ட்.

அடுப்பை அணைச்சிட்டு ஜாம் நல்லா ஆற விடுங்க. சூடா இருக்கும்போது கொஞ்சம் இளக்கமா இருந்தாலும், ஆற ஆற கெட்டியாகும்.

அவ்வளவுதான், இனிப்பும், மணமும் நிறைந்த சுவையான மாம்பழ ஜாம் வீட்டிலேயே ரெடி‌. இத கஷ்டப்பட்டு செய்யவே தேவையில்லை, ரொம்ப சுலபமா செஞ்சுடலாம். நீங்களும் இந்த மாம்பழ சீசன்ல இந்த டேஸ்ட்டியான ஜாம் செஞ்சு, வருஷம் முழுக்க மாம்பழ சுவைய என்ஜாய் பண்ணுங்க.