நாவூர வைக்கும் சுவையில் முட்டை பொடிமாஸ் - பேபி பொட்டெட்டோ மஞ்சூரியன் செய்யலாமா?

இன்றைக்கு சுவையான முட்டை பொடிமாஸ் மற்றும் பேபி பொட்டெட்டோ மஞ்சூரியன் ரெசிபியை சிம்பிளாக வீட்டிலேயே எப்படி செய்யறதுன்னு பார்ப்போம்.

முட்டை பொடிமாஸ் செய்ய தேவையான பொருட்கள்:

சின்ன வெங்காயம்-10

பூண்டு-10

புளி-1 துண்டு

மிளகாய்த்தூள்-1 தேக்கரண்டி

சீரகத்தூள்-1/2 தேக்கரண்டி

சோம்பு தூள்-1/2 தேக்கரண்டி

கரம் மசாலா-1/2 தேக்கரண்டி

முட்டை-6

எண்ணெய்-தேவையான அளவு

உப்பு-தேவையான அளவு

கடுகு-1 தேக்கரண்டி

வரமிளகாய்-4

கருவேப்பிலை-சிறிதளவு

முட்டை பொடிமாஸ் செய்முறை விளக்கம்.

முதலில் மிக்ஸியில் 10 சின்ன வெங்காயம், 10 பூண்டு, சின்ன துண்டு புளி, மிளகாய்த்தூள் 1 தேக்கரண்டி, சீரகத்தூள் ½ தேக்கரண்டி, சோம்பு தூள் ½ தேக்கரண்டி, கரம் மசாலா ½ தேக்கரண்டி சேர்த்து பேஸ்டாக அரைத்துக் கொள்ளவும்.

இப்போது கடாயில் 2 தேக்கரண்டி எண்ணெய் விட்டு 6 முட்டை சேர்த்து தேவையான அளவு உப்பு சேர்த்து கலந்து விட்டு எடுத்துக் கொள்ளவும். இப்போது கடாயில் 1 தேக்கரண்டி எண்ணெய் விட்டு கடுகு 1 தேக்கரண்டி, வரமிளகாய் 4, கருவேப்பிலை சிறிதளவு சேர்த்து அரைத்த பேஸ்ட்டை இத்துடன் சேர்த்து சிறிது தண்ணீர்விட்டு  இரண்டு நிமிடம் எண்ணெய் பிரிந்து வரும் வரை வதக்கிக்கொள்ளவும். இப்போது இதில் 1 தேக்கரண்டி தூள் உப்பை சேர்த்துவிட்டு செய்து வைத்திருக்கும் முட்டையை சேர்த்து நன்றாக கலந்துவிட்டால் சுவையான முட்டை பொடிமாஸ் தயார். நீங்களும் இந்த ரெசிபியை ட்ரை பண்ணிப் பார்த்துட்டு சொல்லுங்க.

பேபி பொட்டெட்டோ மஞ்சூரியன் செய்ய தேவையான பொருட்கள்.

பேபி பொட்டெட்டோ-20

உப்பு-தேவையான அளவு

மிளகுத்தூள்-1 தேக்கரண்டி

மைதா மாவு-1 தேக்கரண்டி

சோளமாவு-1 தேக்கரண்டி

எண்ணெய்-தேவையான அளவு

இஞ்சி-1 துண்டு

பூண்டு-4

வெங்காயம்-1

பச்சை மிளகாய்-2

சர்க்கரை-1 தேக்கரண்டி

சில்லி பேஸ்ட்-1 தேக்கரண்டி

சோயா சாஸ்-1 தேக்கரண்டி

தக்காளி சாஸ்-1 தேக்கரண்டி

கொத்தமல்லி-சிறிதளவு

பேபி பொட்டெட்டோ மஞ்சூரியன் செய்முறை விளக்கம்.

முதலில் பேபி பொட்டெட்டோ 20 வேக வைத்து நறுக்கி எடுத்துக் கொள்ளவும். இதில் தேவையான அளவு உப்பு, மிளகுத்தூள் 1 தேக்கரண்டி, மைதா 1 தேக்கரண்டி, சோளமாவு 1 தேக்கரண்டி சேர்த்து கலந்துவிட்டுக் கொள்ளவும். இப்போது இதை எண்ணெய்யில் போட்டு பொரித்து எடுத்துக் கொள்ளவும்.

இப்போது பேனில் எண்ணெய் 1 தேக்கரண்டி விட்டு சிறிதாக நறுக்கிய பூண்டு 4, இஞ்சி 1 துண்டு, பச்சை மிளகாய் 2, வெங்காயம் 1 ஆகியவற்றை சேர்த்து வதக்கவும். இதில் உப்பு 1 தேக்கரண்டி, மிளகுத்தூள் 1 தேக்கரண்டி, சர்க்கரை 1 தேக்கரண்டி, சில்லி பேஸ்ட் 1 தேக்கரண்டி, சோயா சாஸ் 1 தேக்கரண்டி, தக்காளி சாஸ் 1 தேக்கரண்டி சேர்த்து கொஞ்சம் தண்ணீர் விட்டு கலந்துவிடவும்.

இப்போது சோளமாவு 1 தேக்கரண்டியை கரைத்து அதையும் இத்துடன் சேர்த்துக் கொள்ளவும். கடைசியாக வறுத்து வைத்திருக்கும் பேபி பொட்டேட்டோவை சேர்த்து கொத்தல்லி தூவி இறக்கினால் சுவையான பேபி பொட்டெட்டோ மஞ்சூரியன் தயார். நீங்களும் இந்த ரெசிபியை வீட்டிலே ட்ரை பண்ணிப் பார்த்துட்டு சொல்லுங்க.