ஏசி-க்கு நிகரான கூலிங் தரும் ஏர்கூலரை எப்படி வாங்குவது? கடைக்காரர்கள் சொல்லாத ரகசியங்கள் இதோ!

வெயில் காலம் வந்துட்டாலே நம்ம ஊரில் அனல் காற்று கடுமையாக வீச ஆரம்பித்துவிடும். சம்மர் சூட்டை தணிக்க ஏசி வாங்கலாம் என்று நினைத்தால் கரண்ட் பில் நம்மை மிரட்டும். அந்த மாதிரி சமயங்களில் நடுத்தர வர்க்கத்தினரின் ஒரே சிறந்த நண்பன் ஏர்கூலர் தான். 

ஆனால் கடையில் போய் ஏதோ ஒரு கூலரை அவசரமாகத் தூக்கிட்டு வந்தால் அது சரியாகக் கூலிங் தராது. ஒரு நல்ல ஏர்கூலர் வாங்கும்போது என்னென்ன விஷயங்களை கவனமாகப் பார்க்க வேண்டும் என்பதைத் தெரிந்துகொள்ளலாம் வாங்க.

அறையின் அளவு & டேங்க் கெப்பாசிட்டி!

முதலில் நீங்கள் எந்த அறையில் கூலரை வைக்கப் போகிறீர்கள் என்பதை முடிவு செய்ய வேண்டும். பெரிய ஹாலுக்கு சின்ன பர்சனல் கூலர் வாங்கினால் அது சுத்தமாக செட் ஆகாது. அதுவே பெரிய அறையாக இருந்தால் பெரிய கூலர் வாங்குவது தான் ரொம்பவே பெஸ்ட். அதேபோல தண்ணீர் பிடிக்கும் டேங்க் கெப்பாசிட்டி மிக மிக முக்கியம்.

சின்ன டேங்க் உள்ள கூலர் வாங்கினால் நள்ளிரவில் தண்ணீர் தீர்ந்து போய், நாம் தூக்கத்தைக் கெடுத்துக்கொண்டு தண்ணீர் ஊற்ற வேண்டிய நிலைமை வரும். அதனால் நடுத்தரமான அறைக்கு குறைந்தது 40 லிட்டர் அளவுள்ள கூலர் வாங்குவது நல்லது.

கூலிங் பேட் வகைகள்!

ஒரு கூலரின் இதயமே அந்த கூலிங் பேட் தான். கடைகளில் இரண்டு விதமான கூலிங் பேட்கள் விற்பனையில் இருக்கும். ஒன்று மரத்தூள் போல இருக்கும் ஆஸ்பென் பேட், இன்னொன்று தேன்கூடு போல இருக்கும் ஹனிகோம்ப் பேட். மரத்தூள் பேட் விலை கம்மி தான், ஆனால் அது சீக்கிரம் வீணாகிவிடும். 

ஆனால் ஹனிகோம்ப் பேட் கொஞ்சம் விலை அதிகமாக இருந்தாலும் அதிக தண்ணீரை உறிஞ்சி வைத்துக்கொண்டு சூப்பராகக் கூலிங் கொடுக்கும். இதன் ஆயுட்காலமும் பராமரிப்பும் மிகவும் சுலபம் என்பதால் இதையே தேர்வு செய்வது புத்திசாலித்தனம்.

காற்றோட்டம் & இன்வெர்ட்டர் வசதி!

கூலர் வாங்கும்போதே அது எவ்வளவு தூரம் காற்றை வீசும் என்று செக் செய்து கொள்ளுங்கள். ஆட்டோ ஸ்விங் ஆப்ஷன் இருந்தால் தான் அறை முழுக்க காற்று சீராகப் பரவும். வெயில் காலம் வந்தாலே ஆங்காங்கே கரண்ட் கட் ஆவது சாதாரண ஒரு விஷயம். அதனால் நீங்கள் வாங்கும் கூலர் இன்வெர்ட்டரில் வேலை செய்யுமா என்று கட்டாயம் கேட்டு வாங்குங்கள். 

அதுமட்டுமில்லாமல், ஐஸ் கட்டிகளைப் போடுவதற்கு என்று தனியாக ஐஸ் சேம்பர் வசதி இருக்கும் கூலரை வாங்கினால் ஏசி போலவே ஜில்லென்று காற்று வரும். வீடுகளில் இடம் குறைவாக இருந்தால் ஸ்லிம்மாக இருக்கும் டவர் கூலர்களை வாங்குவது ஒரு ஸ்மார்ட்டான முடிவாக இருக்கும்.

 கூலர் வாங்கும் போது அதன் வெளித்தோற்றத்தை மட்டும் பார்த்து நாம் ஏமாந்துவிடக் கூடாது. உங்களின் பட்ஜெட்டுக்குள் மேலே சொன்ன இந்த அத்தியாவசிய வசதிகள் எல்லாம் இருக்கிறதா என்று ஒரு முறைக்கு இரண்டு முறை செக் செய்து வாங்குவது முக்கியம். 

இந்த சிம்பிளான விஷயங்களை மனதில் வைத்துக்கொண்டு உங்களுக்கான ஒரு நல்ல ஏர்கூலரை செலக்ட் செய்து, இந்த சம்மரை எந்த ஒரு டென்ஷனும் இல்லாமல் கூலாகவும் ஜாலியாகவும் என்ஜாய் பண்ணுங்கள்.