இண்டக்ஷன் அடுப்புக்கு வாஸ்து பார்க்கணுமா.. எந்த திசையில் வைப்பது நல்லதுன்னு தெரிஞ்சுக்கோங்க!

முன்பெல்லாம் ஒவ்வொரு வீட்டிலும் சிலிண்டர் வைத்து சமைக்கும் கேஸ் அடுப்பு தான் பிரபலமாக இருந்தது. ஆனால் இப்போதெல்லாம் கேஸ் தீர்ந்துபோகும் பிரச்சனையைக் குறைக்கப் பலரும் இண்டக்ஷன் எனப்படும் கரண்ட் அடுப்புகளைப் பயன்படுத்தத் தொடங்கிவிட்டார்கள். இது பார்ப்பதற்கு மாடர்னாகவும், வேலையை ரொம்பவே சுலபமாக்கவும் உதவுகிறது. 

இந்த நிலையில் பலருக்கும் ஒரு பெரிய சந்தேகம் வரலாம். அதாவது, நெருப்பு எரியும் கேஸ் அடுப்புகளுக்குத் தான் வாஸ்து பார்க்க வேண்டும், இதில் நெருப்பே வரவில்லையே இதற்கு எதற்கு வாஸ்து என்று நினைப்பார்கள். ஆனால் உண்மையிலேயே இண்டக்ஷன் அடுப்புக்கும் வாஸ்து விதிகள் கட்டாயம் பொருந்தும். 

எந்த திசை சிறந்தது!

வாஸ்து சாஸ்திரத்தைப் பொறுத்தவரை எந்த அடுப்பாக இருந்தாலும் அது வெப்பத்தை வெளிப்படுத்தும் ஒரு பொருள் தான். அதனால் இண்டக்ஷன் அடுப்பையும் வீட்டின் தென்கிழக்கு மூலையில் அதாவது அக்னி மூலையில் வைப்பது தான் சிறந்தது. ஒருவேளை உங்களின் கிச்சன் அமைப்பு அப்படி இல்லை என்றால் வடமேற்குத் திசையிலும் வைத்துக்கொள்ளலாம். 

ஆனால் எக்காரணத்தைக் கொண்டும் வடகிழக்கு மூலை மற்றும் கிச்சனின் மையப் பகுதியில் அடுப்பை வைக்கவே கூடாது. அதேபோல நீங்கள் நின்று சமைக்கும்போது உங்களின் முகம் கிழக்குத் திசையைப் பார்த்தவாறு இருப்பது தான் மிகச் சரியான வாஸ்து முறையாகும்.

வைக்கும் போது கவனிக்க வேண்டியவை!

இண்டக்ஷன் அடுப்பை எப்போதுமே கீழே தரையில் வைத்து சமைக்கக் கூடாது. அதை கிச்சன் மேடையின் மீது சரியான உயரத்தில் வசதியாக வைத்துக்கொள்ள வேண்டும். அடுப்பிற்கும் சுவற்றிற்கும் நடுவே கொஞ்சம் இடைவெளி கட்டாயம் இருக்க வேண்டும், அப்போதுதான் அதனுள் இருக்கும் ஃபேன் மூலம் வெளிவரும் சூடான காற்று ஈஸியாக வெளியேற முடியும். 

மேலும் இந்த அடுப்பை சிங்க் அல்லது தண்ணீர் இருக்கும் இடத்திற்கு மிக அருகில் வைக்கக் கூடாது. தண்ணீர் தெறித்து ஷார்ட் சர்கியூட் போன்ற விபத்துக்கள் நடக்க இது ஒரு பெரிய காரணமாக அமைந்துவிடும்.

செய்ய வேண்டியதும் செய்யக்கூடாததும்!

அடுப்பைச் சுற்றி எப்போதும் எக்கச்சக்கமான பொருட்களை குவித்து வைத்து இடத்தை அடைக்கக் கூடாது. தேவையான பொருட்களை மட்டும் கைகளுக்கு எட்டும் தூரத்தில் வைத்துக்கொண்டு கிச்சனை ஃப்ரீயாக வைத்துக்கொள்ளுங்கள். அடுப்பின் வயர் மற்றும் பிளக்குகள் எந்த ஒரு டேமேஜும் இல்லாமல் பாதுகாப்பாக இருக்கிறதா என்பதை அடிக்கடி செக் பண்ண வேண்டும். 

அதேபோல சமைத்து முடித்தவுடன் அடுப்பைச் சுத்தமாகத் துடைத்து வைப்பது வீட்டிற்கு ஒரு நல்ல பாசிட்டிவ் எனர்ஜியைக் கொடுக்கும். ஜன்னலுக்கு நேராகக் காற்று அடிக்கும் இடத்தில் அடுப்பை வைப்பதையும் கட்டாயம் தவிர்க்க வேண்டும்.

என்னதான் மாடர்ன் டெக்னாலஜி வந்தாலும், கிச்சனில் வெப்பமும் தண்ணீரும் சேரக்கூடாது என்ற அடிப்படை விதி என்றுமே மாறப்போவதில்லை. அதனால் குழப்பிக் கொள்ளாமல், மேற்சொன்ன இந்தச் சின்னச் சின்ன டிப்ஸ்களை மட்டும் உங்களின் சமையலறையில் கொஞ்சம் மாற்றி அமைத்துப் பாருங்கள். 

இது உங்களின் சமையல் வேலைகளை இன்னும் சுலபமாக்குவதோடு, வீட்டிற்கு ஒரு நல்ல நேர்மறையான ஆற்றலையும் அமைதியையும் கட்டாயம் கொண்டு வரும்.