தீஞ்சுபோன குக்கரை ஈஸியா சுத்தம் செய்யணுமா? இதோ சில டிப்ஸ்!

சமையல் செய்யும்போது கவனக் குறைவால, இல்ல திடீர்னு அடுப்ப அணைக்க மறந்ததால பிரஷர் குக்கர் தீஞ்சு போறது நம்ம எல்லாருக்கும் நடக்கும் ஒரு சாதாரண விஷயம்தான். அய்யோ, குக்கர் தீஞ்சு போச்சேன்னு தூக்கி எறியவும் மனசு வராது. ஆனா, அந்த கருகின கறையை சுத்தம் பண்றதுதான் பெரிய வேலையா இருக்கும். கஷ்டப்பட்டு தேய்ச்சாலும், சில சமயம் கறைகள் போகவே போகாது. இனிமே கவலைப்படாதீங்க, கெமிக்கல் எதுவும் பயன்படுத்தாம, வீட்ல இருக்கிற பொருட்களை வச்சே தீஞ்சுபோன குக்கரை எப்படி ஈஸியா சுத்தம் செய்யலாம்னு இங்க பார்ப்போம்.

குக்கர் ரொம்ப சூடா இருக்கும்போது சுத்தம் செய்ய முயற்சிக்காதீங்க. ஆறினதுக்கு அப்புறம், கருகின பகுதியை அப்படியே சுரண்டி எடுக்க முடியுதான்னு பாருங்க. ரொம்ப அழுத்தி சுரண்ட வேண்டாம், ஏன்னா அது குக்கரை சேதப்படுத்திரும்.

1. எலுமிச்சை + உப்பு: இது ஒரு சூப்பரான காம்பினேஷன். தீஞ்சுபோன குக்கர்ல, கருகின பகுதி மூழ்கற அளவுக்கு தண்ணி ஊத்துங்க. அதுல ரெண்டு எலுமிச்சை பழத்தை பாதியா வெட்டி போட்டு, கூடவே ரெண்டு ஸ்பூன் உப்பு சேர்த்து நல்லா கொதிக்க விடுங்க. ஒரு பத்து நிமிஷம் கொதிக்க விட்டா போதும். அப்புறம் அடுப்பை அணைச்சுட்டு, தண்ணியை ஊத்திட்டு, ஒரு ஸ்க்ரப்பர் வச்சு லேசா தேயுங்க. கருகின கறைகள் ஈஸியா வந்துடும். எலுமிச்சையோட அமிலத்தன்மையும், உப்போட உராய்வுத் தன்மையும் சேர்ந்து நல்லா வேலை செய்யும்.

2. வினிகர் + சமையல் சோடா: தீஞ்சுபோன குக்கர்ல ஒரு கப் வினிகர் ஊத்துங்க. அப்புறம் ரெண்டு ஸ்பூன் சமையல் சோடா (Baking Soda) சேர்த்து, குக்கரை அடுப்புல வச்சு சூடுபடுத்துங்க. இது நல்லா பொங்கி வரும். ஒரு அஞ்சு நிமிஷம் சூடானதும், அடுப்பை அணைச்சுட்டு, இந்த தண்ணியை குக்கர்லயே ஒரு 15-20 நிமிஷம் அப்படியே விட்டுடுங்க. அப்புறம் ஒரு ஸ்க்ரப்பர் வச்சு தேய்ச்சா, கறைகள் ரொம்ப ஈஸியா நீங்கிடும். இது பழைய கறைகளுக்கும் ரொம்ப நல்லது.

3. டிட்டர்ஜென்ட் பவுடர்: இது கொஞ்சம் புதுமையான வழி. தீஞ்சுபோன குக்கர்ல கொஞ்சமா தண்ணி ஊத்தி, ஒரு ஸ்பூன் டிட்டர்ஜென்ட் பவுடர் சேர்த்து, அதை அடுப்புல வச்சு கொதிக்க விடுங்க. நல்லா பொங்கி வரும்போது, அடுப்பை அணைச்சுட்டு, இந்த தண்ணியை குக்கர்லயே ஒரு அரை மணி நேரம் அப்படியே விட்டுடுங்க. அப்புறம் கழுவுனா, கறைகள் போயிடும். ஆனா, இந்த முறையை பயன்படுத்தறப்போ, குக்கரை நல்லா கழுவி, சோப்பு வாசனை இல்லாம பார்த்துக்கங்க.

4. தக்காளி: தக்காளி கூட கருகின கறைகளை நீக்க உதவும். தீஞ்சுபோன குக்கர்ல ரெண்டு தக்காளியை நறுக்கிப் போட்டு, கொஞ்சம் தண்ணி சேர்த்து கொதிக்க விடுங்க. தக்காளியில இருக்கிற அமிலம் கறைகளை தளர்த்தும். ஒரு அஞ்சு நிமிஷம் கொதிச்சதும், அடுப்பை அணைச்சுட்டு, தேய்ச்சு கழுவுங்க. இது சின்ன கறைகளுக்கு நல்லா வேலை செய்யும்.

இந்த டிப்ஸ் எல்லாம் வீட்ல இருக்கிற பொருட்களை வச்சே தீஞ்சுபோன குக்கரை ஈஸியா சுத்தம் செய்ய உதவும். இனிமே குக்கர் தீஞ்சு போச்சேன்னு கவலைப்படாம, இந்த வழிகளை ட்ரை பண்ணி பாருங்க. குக்கர் புதுசு மாதிரி பளபளக்கும்.