குடிகாரன் பூட்டு முதல் காதல் பூட்டு வரை: பூட்டுகளின் பல முகங்கள்!

பூட்டுக்கள் என்பது வெறும் பாதுகாப்பிற்கான கருவி மட்டுமல்ல, அவை ஆயிரக்கணக்கான ஆண்டு கால மனித அறிவியலின் அடையாளமாகும். பூட்டுக்கள் பற்றிய 10 சுவாரசியமான செய்திகள் இதோ:

பூட்டுகள் 6 ஆயிரம் ஆண்டுகால வரலாறு:

பூட்டுகள் முதன் முதலில் பண்டைய மெசபடோமியா மற்றும் எகிப்தில் தோன்றியதாகக் கருதப்படுகிறது. ஆரம்பகால பூட்டுகள் முழுவதும் மரத்தில் செய்யப்பட்டவை. இவை சுமார் 4,000 ஆண்டுகளுக்கு முன்பே பயன்பாட்டில் இருந்தன.

தமிழ்நாட்டின் பெருமை திண்டுக்கல் பூட்டு:

இந்தியாவில் பூட்டு என்றாலே திண்டுக்கல்தான் நினைவுக்கு வரும். இங்கு தயாரிக்கப்படும் பூட்டுகள் அவற்றின் தரம் மற்றும் பாதுகாப்பிற்காக 2019-ல் புவிசார் குறியீடு (GI Tag)  பெற்றன. இங்கு தயாரிக்கப்படும் திண்டுக்கல் பூட்டுகள் இன்றும் கைவினைஞர் களால் பாரம்பரிய முறையில் தயாரிக்கப்படுகின்றன.

பழங்கால எகிப்திய "பல்துலக்கி" சாவிகள்:

பண்டைய எகிப்தில் பயன்படுத்தப்பட்ட  மரச்சாவிகள் பார்ப்பதற்கு பெரிய அளவுள்ள பல் துலக்கும் தூரிகை (Tooth brush) டூத் பிரஷ் போன்ற வடிவில் இருக்கும். இவற்றை பூட்டின் உள்ளே நுழைத்து மரத்தால் ஆன ஊசிகளை (Pins) உயர்த்தி பூட்டைத் திறப்பார்கள். 

ரோமானியர்களின் "மோதிரச்" சாவிகள்:

ரோமானியர்கள் பூட்டுகளை உலோகத்தால் (வெண்கலம் மற்றும் இரும்பு) செய்யத் தொடங்கினர். அவர்கள் தங்கள் வீட்டுச் சாவிகளை தொலைக்காமல் இருக்கவும், தங்கள் செல்வச் செழிப்பைக் காட்டவும் அவற்றை மோதிரமாக விரல்களில் அணிந்துகொள்ளும் வழக்கத்தைக் கொண்டிருந்தனர். 

குடிகாரன் பூட்டு (Drunk man's lock):

ஐரோப்பாவில் 17 -18 -ஆம் நூற்றாண்டுகளில் சில பூட்டுகள் "குடிகாரன் பூட்டு" என்று அழைக்கப்பட்டன. இதன் சாவி துவாரத்தைச் சுற்றி விரிவான வேலைபாடுகள் இருக்கும். இருட்டில்  அல்லது போதையில் இருப்பவர்கள் கூட தடவிப் பார்த்து சாவியைச் சரியாக நுழைக்கும் வகையில் இது வடிவமைக்கப் பட்டிருந்தது. 

காதல் பூட்டுகள் (Love Locks): உலகெங்கிலும் உள்ள பல பாகங்களில்  (உதாரணமாக பாரிஸில் உள்ள Pont Ded Arts)  காதலர்கள் தங்கள் பெயர்களை ஒரு பூட்டில் எழுதி அதை பாலத்தில் போட்டு விட்டுச் சாவியை ஆற்றில் ஏறிவார்கள். இது அவர்களின் காதல் பிரிக்க முடியாது என்பதைக் குறிக்கும் ஒரு குறியீடாக பார்க்கப்படுகிறது. 

நவீன ஸ்மார்ட் பூட்டுகள்: 

2026- ஆம் ஆண்டில் பூட்டுகள் வெறும் சாவிகளை மட்டும் நம்பி இருக்கவில்லை. இன்று முக அங்கீகாரம், கைரேகை மற்றும் மொபைல் ஆப் மூலம் இயங்கும் ஸ்மார்ட் பூட்டுகள் பிரபலம் அடைந்துள்ளன. சில பூட்டுகள் சூரிய ஒளி அல்லது வயர்லெஸ் முறையில் சார்ஜ் செய்து கொள்ளும் வசதியுடனும் வருகின்றன. 

மாங்காய் மற்றும் பெல் பூட்டு: திண்டுக்கல்லில் புகழ்பெற்ற மாங்காய் போன்ற அதன் வடிவத்திற்காக அப்படி அழைக்கப்படுகிறது. அதைபோல் "பெல் பூட்டு" என்பது பூட்டை திறக்கும்போது அல்லது யாராவது தவறான சாவியைப் போட்டால் மணி அடிக்கும் வகையில் வடிவமைக்கப்பட்டிருக்கும் .இது ஒரு பழங்கால அலங்காரம் சிஸ்டமாகும். 

மாஸ்டர் கீ Master key:

ஒரு கட்டிடத்தில் உள்ள பல பூட்டுகளை ஒரே ஒரு சாவியால் திறக்க முடியும் என்றால் அது மாஸ்டர் கீ. இது பெரிய ஹோட்டல்கள் மற்றும் அலுவலகங்களில் அவசர காலத் தேவைகளுக்காக பயன்படுத்தப்படுகிறது.

உலகின் கடினமான  பூட்டு- ஹாரி ஹூடினி Harry Houdini :

புகழ்பெற்ற மாயாஜால கலைஞர் ஹாரி ஹூடினி எந்த ஒரு பூட்டையும் நொடியில் திறந்துவிடும் வல்லமை படைத்தவர். ஆனால் அவரே திறக்க முடியாமல் திணறிய சில பூட்டுகளும் வரலாற்றில் உண்டு. இது பூட்டு தயாரிப்பாளர்களுக்கும், சிறப்பவர்களுக்கும் இடையே நீண்ட காலமாக நிலவி வரும் ஒரு சவாலாகும். 

பூட்டுகள் பற்றிய இந்தத் தகவல்கள் மிகவும் வியப்பை அளிக்கக் கூடியதாக உள்ளது இல்லையா? பயணம் மேற்கொள்பவர்கள் அவரவர் வீட்டிற்கு தகுந்தாற்போல் பூட்டுகளை வாங்கி பயன்படுத்தி விட்டுச் சென்றால், வந்து திறக்கும் பொழுது அது மிகுந்த பாதுகாப்பை அளிக்கக் கூடியதாக இருக்கும். ஆதலால் நல்ல பூட்டை தேர்ந்தெடுப்பீர்;  பயணத்தை வெற்றிகரமாக முடிப்பீராக!