டிஷ்வாஷரில் பாத்திரங்களை இப்படித்தான் அடுக்கணுமா? இத்தனை நாள் இது தெரியாம போச்சே!

பாத்திரம் கழுவும் இயந்திரம் எனப்படும் டிஷ்வாஷரில் பாத்திரங்களை அடுக்கும்போது பலருக்கும் ஒரு மிகப்பெரிய சந்தேகம் வருவதுண்டு. "ஸ்பூன் மற்றும் முள் கரண்டிகளை வாய் வைக்கும் பகுதி மேலே பார்ப்பது போல் வைக்க வேண்டுமா? அல்லது கீழே பார்ப்பது போல் வைக்க வேண்டுமா?" என்பதுதான் அந்த மில்லியன் டாலர் கேள்வி. ஒவ்வொருவரும் ஒவ்வொரு விதமாகச் செய்கிறார்கள். ஆனால், நிபுணர்கள் சொல்கிறார்கள், இது சுத்தம் சார்ந்தது மட்டுமல்ல, உங்கள் பாதுகாப்போடும் தொடர்புடையது.

ஒன்றோடு ஒன்று ஒட்டக்கூடாது!

பெரும்பாலானோர் செய்யும் தவறு என்னவென்றால், ஸ்பூன்களை எல்லாம் ஒரு பக்கமாகவும், முள் கரண்டிகளை எல்லாம் இன்னொரு பக்கமாகவும் வரிசையாக அடுக்கி வைப்பதுதான். இப்படிச் செய்வதால், ஒரே வடிவத்தில் உள்ள கரண்டிகள் ஒன்றோடு ஒன்று ஒட்டிக்கொள்ளும். இதனால் இரண்டு கரண்டிகளுக்கு இடையே தண்ணீர் மற்றும் சோப்பு நுழைய முடியாமல், கழுவிய பிறகும் அழுக்கு அப்படியே இருக்கும்.

எனவே, பாத்திரங்களை அடுக்கும்போது வகைகளைத் தரம் பிரிக்காமல், கலந்து வைப்பதே சிறந்தது. ஒரு ஸ்பூன், ஒரு ஃபோர்க் என மாற்றி மாற்றி வைக்கும்போது, அவற்றுக்கு இடையே இடைவெளி கிடைத்து தண்ணீர் சுழன்று அடிக்க வசதியாக இருக்கும். பாத்திரங்கள் பளபளப்பாக இருக்க இதுதான் முதல் விதி.

பாதுகாப்பு!

அடுத்ததாக, கரண்டிகள் மேலே பார்க்க வேண்டுமா அல்லது கீழேவா என்ற கேள்விக்கு வருவோம். கத்திகள் மற்றும் கூர்மையான முள் கரண்டிகள் என்று வரும்போது, அவற்றை எப்போதுமே கைப்பிடி மேலே இருக்கும்படி வைப்பதுதான் பாதுகாப்பானது. அவசரமாக டிஷ்வாஷரைத் திறக்கும்போதோ அல்லது குழந்தைகளை வைத்து பாத்திரங்களை எடுக்கும்போதோ, கூர்மையான பகுதிகள் கைகளைக் கிழித்துவிட வாய்ப்புள்ளது. எனவே, கத்திகளை மட்டும் தலைகீழாக வைப்பது மிக முக்கியம்.

சாதாரண ஸ்பூன்களைப் பொறுத்தவரை, இடவசதி இருந்தால் கைப்பிடிகள் கீழே இருக்குமாறு வைக்கலாம். ஆனால், சுகாதாரம் என்று பார்த்தால், கைப்பிடிகள் மேலே இருக்குமாறு வைப்பதே சிறந்தது. ஏன் தெரியுமா? பாத்திரங்கள் காய்ந்த பிறகு நாம் அவற்றை வெளியே எடுக்கும்போது, நம் கைகள் கைப்பிடியைத் தான் தொடுமே தவிர, நாம் சாப்பிடும் பகுதியைத் தொடாது. இதனால் கிருமிகள் பரவுவது தடுக்கப்படும்.

நவீன இயந்திரங்கள்!

இப்போது வரும் புதிய டிஷ்வாஷர்களில் கரண்டிகளை வைப்பதற்கென்றே தனித்தனி அறைகள் கொண்ட மூடிகள் வருகின்றன. இதில் ஒவ்வொரு கரண்டியையும் தனித்தனியாகச் சொருகி வைப்பதால், அவை ஒன்றோடு ஒன்று உரசாமலும், ஒட்டாமலும் சுத்தமாகின்றன. அதேபோல், கரண்டியின் கைப்பிடிகள் மிக மெல்லியதாக இருந்தால், அவை கூடையின் அடியில் வெளியே வந்து, தண்ணீர் பீய்ச்சி அடிக்கும் விசிறியை சுற்ற விடாமல் தடுத்துவிடும். எனவே, சிறிய கரண்டிகள் மற்றும் மூடிகளை மேல் தட்டில் வைப்பது புத்திசாலித்தனம்.

நம் வேலையை எளிதாக்க வந்த ஒரு கருவி தான் டிஷ்வாஷர். அதில் பொருட்களை எப்படி அடுக்குகிறோம் என்பதில்தான் அதன் முழு பயனையும் நாம் பெற முடியும். கத்திகளைக் கவிழ்த்து வைப்பது பாதுகாப்பிற்கும், மற்ற கரண்டிகளைக் கலந்து வைப்பது சுத்தத்திற்கும் வழிவகுக்கும்.