14.2 கிலோ LPG சிலிண்டர் 60 நாட்கள் வரை வரணுமா? கேஸ் மிச்சமாக்க இந்த 7 வழி போதும்!

ஒரு காலத்தில் ஒரே ஒரு சிலிண்டர் தான் இருக்கும். அது தீர்ந்து விட்டால் மண்ணெண்ணெய் ஸ்டவ் மற்றும் தூள் அடுப்பை பற்றவைத்து சமைப்பதற்குள் போதும் போதும் என்றாகி விடும். அந்த பிரச்சனை எல்லாம் இன்று இல்லை. எரி வாய்வை நீண்ட நாள் பயன்படுத்துவதற்கான விபரங்களை ஆளாளுக்கும் ஒன்று சொல்வதை கேட்கலாம்.

சாதாரண குடும்பப் பயன்பாட்டில் (3 அல்லது 4 நபர்கள் கொண்ட குடும்பம்), ஒரு 14.2 கிலோ எடையுள்ள வீட்டு உபயோக எல்.பி.ஜி (LPG) கேஸ் சிலிண்டர் சராசரியாக 45 முதல் 60 நாட்கள் (ஒன்றரை முதல் இரண்டு மாதங்கள்) வரை வரும். சமையல் செய்யும் அளவு மற்றும் நபர்களின் எண்ணிக்கையைப் பொறுத்து இது மாறுபடலாம். ஒரே நபருக்கு என்றால் 100 நாட்கள் கூட வரும்.​கேஸ் சிலிண்டரை வீணாக்காமல் நீண்ட நாட்கள் பயன்படுத்துவதற்கான 7 எளிய வழிகள் மற்றும் சில பாதுகாப்பான வழிகளில் நீடிக்க வைக்கும் வழிமுறைகள் பற்றி இப்பதிவில் காண்போம்:​

1. சமையலுக்கு முன் அனைத்துப் பொருட்களையும் தயார் செய்தல்:​

அடுப்பைப் பற்ற வைத்த பிறகு காய்கறிகளை நறுக்குவது, பொருட்களைத் தேடுவது போன்றவற்றைத் தவிர்க்க வேண்டும். சமையலுக்குத் தேவையான காய்கறிகள், மசாலாக்கள் மற்றும் தண்ணீரைக் கூட்டி வைத்த பிறகே அடுப்பைப் பற்ற வைக்க வேண்டும்.​

2. மூடி வைத்து சமைத்தல்:​

பாத்திரங்களை மூடி வைத்துச் சமைக்கும் போது, வெப்பம் வெளியேறாமல் உணவு விரைவாக வேகும். இது கேஸ் நுகர்வைக் கணிசமாகக் குறைக்கும்.

​3. பிரஷர் குக்கரைப் பயன்படுத்துதல்:

​பருப்பு, அரிசி, காய்கறிகள் மற்றும் இறைச்சி போன்றவற்றைச் சாதாரணப் பாத்திரங்களில் வேக வைப்பதற்குப் பதிலாக பிரஷர் குக்கரைப் பயன்படுத்தினால் சமையல் நேரம் 50% வரை மிச்சமாகும்.

​4. தானியங்களை ஊற வைத்துச் சமைத்தல்:

​பருப்பு வகைகள், அரிசி மற்றும் கொண்டைக்கடலை போன்ற கடினமான பொருட்களைச் சமைப்பதற்கு அரை மணி நேரத்திற்கு முன்பே தண்ணீரில் ஊற வைத்தால், அவை சமைக்க எடுத்துக் கொள்ளும் நேரம் மற்றும் கேஸ் அளவு குறையும்.

​

5. ஈரமான பாத்திரங்களை நேரடியாக அடுப்பில் வைக்காதது:​

கழுவிய ஈரமான பாத்திரங்களை அப்படியே அடுப்பில் வைத்தால், அதில் உள்ள நீர் ஆவியாகவே அதிக கேஸ் வீணாகும். பாத்திரத்தை ஒரு சுத்தமான துணியால் துடைத்த பிறகே அடுப்பில் வைக்க வேண்டும்.

​6. மிதமான தீயில் சமைத்தல்:​

பாத்திரத்தின் அடியை விட வெளிப்புறத்தில் சுடர்கள் (Flame) பரவுமாறு பெரிய தீயில் வைத்தால் கேஸ் வீணாகும். பாத்திரத்தின் அளவுக்கு ஏற்ப தீயை மிதமாக வைத்தாலே சீரான வெப்பத்தில் உணவு விரைவாக வேகும்.

​

7. பர்னரைச் சீராகப் பராமரித்தல்:

கேஸ் அடுப்பின் பர்னர் துளைகளில் அடைப்பு இருந்தால் நீல நிறத்திற்குப் பதிலாக மஞ்சள் அல்லது ஆரஞ்சு நிறத்தில் தீ எரியும். இது கேஸ் வீணாவதன் அடையாளம். பர்னரைத் தவறாமல் சுத்தம் செய்து நீல நிறச் சுடருடன் எரிய வைப்பது கேஸை மிச்சப்படுத்தும்.கேஸ் சிலிண்டரைப் பாதுகாப்பாகவும், திறம்படவும் பயன்படுத்துவதற்கான மேலும் சில முக்கியமான குறிப்புகள்:

​

பாதுகாப்புக் குறிப்புகள் வாங்கும் போது சரிபார்த்தல்:

புதிய சிலிண்டர் வாங்கும் போது அதன் சீல் (Seal) சரியாக இருக்கிறதா என்றும், எடையில் சந்தேகம் இருந்தால் டெலிவரி செய்பவரிடம் எடைக் கருவி (Weight Scale) மூலம் எடையைச் சரிபார்த்தும் வாங்க வேண்டும்.

இரவு நேரப் பாதுகாப்பு: தினமும் இரவு தூங்கச் செல்வதற்கு முன்பும், ஊருக்குச் செல்லும்போது தவறாமல் ரகுலேட்டரை (Regulator) ஆஃப் செய்து வைக்க வேண்டும்.

காற்றோட்டம்: சிலிண்டரை எப்போதும் நேராக (Upright) மற்றும் காற்றோட்டமுள்ள இடத்தில் வைக்க வேண்டும். மூடிய அலமாரிகளுக்குள் வைப்பதைத் தவிர்க்க வேண்டும்.​

காலாவதி தேதியை அறியும் முறை :​சிலிண்டரின் மேல் பகுதியில் உள்ள மூன்று இரும்புப் பட்டைகளில் ஒன்றில் A-25, B-26, C-27, D-28 என எழுதப்பட்டிருக்கும்.​A – ஜனவரி முதல் மார்ச் வரை​B – ஏப்ரல் முதல் ஜூன் வரை​C – ஜூலை முதல் செப்டம்பர் வரை​D – அக்டோபர் முதல் டிசம்பர் வரை​உதாரணத்திற்கு C-26 என இருந்தால், 2026-ஆம் ஆண்டு செப்டம்பர் மாதத்துடன் அந்த சிலிண்டரின் சோதனைக்காலம் (Testing Date) முடிகிறது என்று அர்த்தம்.​

கேஸ் அளவைக் கண்டறிய எளிய வழி: ​சிலிண்டரில் எவ்வளவு கேஸ் மீதம் உள்ளது என்பதை அறிய ஒரு துணியை நனைத்து, சிலிண்டரின் வெளிப்புறத்தில் மேலிருந்து கீழ் வரை நன்றாகத் துடைக்கவும்.சில நிமிடங்களில் சிலிண்டர் காயத் தொடங்கும். இதை ஒரே ஒரு சிலிண்டர் தான் என்று இருந்த பொழுது வீட்டில் கடைப்பிடித்ததுண்டு. கேஸ் இல்லாத மேல் பகுதி விரைவில் காய்ந்துவிடும்; கேஸ் இருக்கும் கீழ் பகுதி திரவம் இருப்பதால் நீண்ட நேரம் ஈரமாகவே இருக்கும். இதன் மூலம் கேஸ் எந்த அளவில் உள்ளது என்பதைத் துல்லியமாக அறியலாம்.​

பராமரிப்பு & மாற்றுதல்:

ரப்பர் டியூப் மாற்றுதல்: கேஸ் டியூப்பை (Suraksha Hose) 3 ஆண்டுகளுக்கு ஒருமுறை கட்டாயம் மாற்ற வேண்டும்.

​பர்னர் கசிவு: பாத்திரங்களின் அடியில் கருப்புப் புகை படிந்தால், பர்னரில் கேஸ் முழுமையாக எரியவில்லை என்று அர்த்தம். உடனடியாக பர்னரைச் சுத்தம் செய்ய வேண்டும். இதுபோல் தினசரி சிலிண்டரை கவனித்து வந்தால் அவற்றை பாதுகாப்பாகவும், நீண்ட நாட்களும் எரிய வைக்கலாம்.

இந்த வழிமுறைகளைப் பின்பற்றுவதன் மூலம் மாதந்தோறும் கேஸ் வீணாவதைத் தடுத்து, சமையல் செலவைக் கணிசமாகக் குறைத்து, சிலிண்டரை கூடுதல் நாட்களுக்குப் பாதுகாப்பாகப் பயன்படுத்த முடியும்.