உங்கள் குணாதிசயங்களை மற்றவர்க்குக் காட்டும் சின்னச் சின்ன நடவடிக்கைகள்!

கைகுலுக்கல்
கைகுலுக்கல்

ருவர் செய்யும் சின்னச் சின்ன விஷயங்களே அவரது முழுமையான குணாதிசயங்களையும், அவர் எப்படிப்பட்ட தன்மையுள்ளவர் என்பதையும் அறிவித்து விடும்.

தோரணை: நேராக நிற்பது அல்லது உட்காருவது ஒருவரின் நம்பிக்கையையும் கவனத்தையும் பிரதிபலிக்கிறது. ஒருவர் தலையை நிமிர்த்தி நேர்ப்பார்வை பார்த்தபடி நடப்பது தன்னம்பிக்கை மிக்கவர்கள் என்று உணர வைக்கும். தோள்களைக் குறுக்கிக் கொண்டு அமர்வதும் நடப்பதும் தீவிரத்தன்மையற்றவர்கள் எனவும் அனுமானிக்கப்படுகிறது.

நடை: ஒருவர் நடக்கும் விதம் அவர்களின் மனநிலை மற்றும் ஆற்றல் நிலைகளைக் குறிக்கும். விறுவிறுப்பான, நோக்கத்துடன் நடப்பது பெரும்பாலும் உறுதியையும் நம்பிக்கையையும் காட்டுகிறது. அதேசமயம் கால்களை இழுத்தவாறு நடப்பது சோர்வு அல்லது உற்சாகமின்மையைக் குறிக்கலாம்.

முகபாவங்கள்: அடிக்கடி புன்னகைப்பது நட்பு மற்றும் அணுகக்கூடிய தன்மையைக் குறிக்கலாம். அதேசமயம் முகம் சுளித்தல் அல்லது சீண்டுவது போல பேசுவது எதிர்மறையான அல்லது விரோதப் போக்கைக் குறிக்கலாம்.

கைகுலுக்கல்கள்: உறுதியான கைகுலுக்கல் நம்பிக்கையையும் உறுதியையும் பிரதிபலிக்கும். அதேசமயம், தளர்வான கைகுலுக்கல் பாதுகாப்பின்மை அல்லது நம்பிக்கையின்மையைக் குறிக்கலாம்.

பணத்தை கையாளுதல்: பணத்தைப் பார்த்துப் பார்த்து சிக்கனமாக செலவழிக்கும் ஆட்கள் மிகவும் எச்சரிக்கை தன்மை வாய்ந்தவர்கள். எதிலும் நிலையான மனம் உள்ளவர்கள். தாராளமாக செலவழிப்பவர்கள் சமூகத்தில் நிறைய அனுபவங்களை சந்திப்பார்கள். பிறர் தன்னை மதிக்க வேண்டும் என்பதற்காக அதிகமாக செலவழிப்பார்கள். ஆனால், அளவுக்கு அதிகமாக ஊதாரித்தனமாக செலவு செய்பவர்கள் பொறுப்பற்றவர்களாக கருதப்படுவார்கள்.

உண்ணும் முறை: பொறுமையாக, நிதானமாக ரசித்து சாப்பிடுபவர்கள் எல்லா விஷயத்திலும் நிதானமான, பக்குவமான தன்மை வாய்ந்தவர்கள் எனவும், அவசர அவசரமாக அள்ளிச் சாப்பிடுபவர்கள் எதையும் அரைகுறையாக செய்பவர்கள், முழுமையாக எதையும் யோசிக்க மாட்டார்கள் மற்றும் ஆராயாமல் காரியத்தில் இறங்குபவர்கள் என்றும் கருதப்படுகிறது.

கண்களைப் பார்த்து பேசுவது: சிலர் பிறரிடம் பேசும்போது கண்களைப் பார்க்காமல் வேறெங்கோ பார்ப்பார்கள். இது எதையோ மறைக்கிறார்கள் என்ற உணர்வை ஏற்படுத்தும். கண்களைப் பார்த்து பேசுபவருக்கு நல்ல கேட்கும் தன்மை உள்ளது.

இதையும் படியுங்கள்:
தமிழர்களின் அடையாளமாக விளங்கிய மரம் எது தெரியுமா?
கைகுலுக்கல்

தலையசைத்தல்: உரையாடல்களின்போது தொடர்ந்து தலையசைப்பது ஒரு நபர் ஈடுபாட்டுடன் இருப்பதையும் சுறுசுறுப்பாகக் கேட்பதையும் காட்டுகிறது.

முகம் அல்லது முடியைத் தொடுதல்: அடிக்கடி முகம் அல்லது முடியைத் தொடுவது அமைதியின்மை, பொறுமையின்மை மற்றும் பதற்றத்தைக் குறிக்கும்.

குரலின் தொனி: அமைதியான, நிலையான தொனி தன்னம்பிக்கை மற்றும் கட்டுப்பாட்டைக் குறிக்கும். அதேசமயம் உயர்ந்த அல்லது நடுங்கும் குரல் பதற்றம் அல்லது நம்பிக்கையின்மை ஆகியவற்றைக் குறிக்கலாம்.

கார் ஓட்டும் முறை: கோபமாக, வேகமாக கார் ஓட்டுபவர்கள் பிறரைப் பற்றி கவலைப்படாதவர்கள். கோபக்காரர்கள். நிதானமான வேகத்தில் கார் ஓட்டுபவர்கள் பிறரை மதிப்பவர்கள்.

இந்த சிறிய சிறிய நடத்தைகள் ஒரு நபரின் குணாதிசயங்களைப் பற்றிய மதிப்புமிக்க நுண்ணறிவுகளை வழங்குகின்றன. அவர்களின் உணர்ச்சிகள், அணுகுமுறைகள் மற்றும் சமூக திறன்களை பிரதிபலிக்கின்றன.

Other Articles

No stories found.
logo
Kalki Online
kalkionline.com