உங்கள் இருக்கை தேர்வு: தலைமைப் பண்பை வெளிப்படுத்தும் உளவியல் ரகசியம்!

உங்கள் அலுவலகத்தில் உள்ள meeting hall-ல் அமர நீங்கள் தேர்ந்தெடுக்கும் இருக்கை தான் உங்களுடைய மனதில் மறைந்திருக்கும் உணர்ச்சிகளை வெளிப்படுத்தும் என்று சொன்னால் நம்புவீர்களா? ஆமாங்க, அது உண்மைதான். அதை பற்றி தான் இந்த பதிவில் பார்ப்போம்.

ஒரு மனிதரின் தன்மை, அவர் பேசும் சொற்களிலும் செய்கைகளிலும் மட்டும் அல்ல; அவர் எடுக்கும் சிறிய முடிவுகளிலும் வெளிப்படுகிறது. குறிப்பாக, ஒரு குழுவுடன் இணைந்து இருக்கும் சூழலில் நாம் எவ்வாறு நடந்து கொள்கிறோம்; எங்கே அமர விரும்புகிறோம்; யாருக்கு அருகில் இருப்பதைத் தேர்வு செய்கிறோம் என்பவை அனைத்தும் நம் உள்ளுணர்வை வெளிக்கொணர்கின்றன. இது சாதாரணமாக தோன்றினாலும், மனித மனத்தின் ஆழத்தை உணரச் செய்யும் ஒரு சுவாரஸ்யமான வழியாகும்.

ஒரு பெரிய ஆலோசனை அறையில், மேலாண்மை பொறுப்பில் உள்ளவர்கள் அனைவரும் நீண்ட செவ்வக மேசையைச் சுற்றி அமர்ந்திருக்கிறார்கள் என்று நினைத்துப் பாருங்கள். அங்கு நிலவும் சூழ்நிலை அமைதியாகவும், சீரியதாகவும், சற்று பதட்டமாகவும் இருக்கிறது.

அந்த மேசையில் ஒன்பது இருக்கைகள் உள்ளன. ஒவ்வொரு இருக்கையும் அதிகார மையத்திலிருந்து இருக்கும் தூரம், கோணம் மற்றும் இடத்தில் மாறுபடுகிறது. இந்நிலையில், நீங்கள் எந்த இருக்கையைத் தேர்வு செய்வீர்கள்? அந்த ஒரு தேர்வே உங்கள் சமூக உணர்வுகளையும் உளவியல் தன்மையையும் வெளிப்படுத்துகிறது.

இருக்கை 1 – தலைவருக்கு அருகிலான ஆதரவாளர்:

இந்த இடத்தைத் தேர்வு செய்பவர்கள் பொறுப்பை ஏற்கத் தயங்காதவர்கள். அவர்கள் தலைவரின் நம்பிக்கைக்குரியவராகவும், தேவையான சமயத்தில் முன் வந்து செயல்படுவோராகவும் இருப்பார்கள். குழுவில் ஒழுங்கையும் கட்டுப்பாட்டையும் மதிக்கும் தன்மை இவர்களிடம் காணப்படும்.

இருக்கை 2 – சமநிலையை விரும்பும் சமரசக்காரர்:

இந்த இடத்தைத் தேர்வு செய்பவர்கள் அமைதியையும் சமநிலையையும் விரும்புபவர்கள். அவர்கள் அவசரப்படாமல், அனைவரின் கருத்துகளையும் கவனமாகக் கேட்டு, பிரச்சனைகளை சமரசமாக தீர்க்க முயல்வார்கள்.

இருக்கை 3 – சிந்தித்து செயல்படும் நிதானம்:

இந்த இருக்கையை விரும்புபவர்கள் சிந்தித்து செயல்படுபவர்கள். அவர்கள் எந்த முடிவையும் உடனே எடுக்காமல், நிதானமாக யோசித்து செயல்படுவார்கள். பேசுவதற்கு முன் பல கோணங்களில் ஆராய்வார்கள்.

இருக்கை 4 – ஆராயும் மற்றும் கேள்வி எழுப்பும் மனம்:

இந்த இடத்தைத் தேர்வு செய்பவர்கள் ஆராய்ந்து சிந்திக்கும் தன்மை உடையவர்கள். அவர்கள் எதையும் எளிதில் ஏற்றுக்கொள்ளாமல், கேள்விகள் எழுப்புவார்கள். உண்மையைத் தேடும் எண்ணம் இவர்களிடம் அதிகம்.

இருக்கை 5 – தைரியமான கருத்து வெளிப்படுத்துபவர்:

இந்த இருக்கையைத் தேர்வு செய்பவர்கள் தைரியமாக பேசுபவர்கள். அவர்கள் உண்மையை நேராகச் சொல்வதில் தயக்கம் காட்டமாட்டார்கள். அதிகாரத்தையே சவாலுக்கு உட்படுத்தும் தைரியம் இவர்களிடம் இருக்கும். தங்களின் கருத்துகளில் உறுதியாக இருப்பார்கள்.

இருக்கை 6 – அமைதியான கவனிப்பாளர்:

இந்த இடத்தை விரும்புபவர்கள் அமைதியான பார்வையாளர்கள். அவர்கள் அதிகமாக பேசாமல் அனைத்தையும் கவனிப்பார்கள். ஆனால் அவர்கள் பேசும் போது அது முக்கியத்துவம் வாய்ந்ததாக இருக்கும். சூழ்நிலையை ஆழமாகப் புரிந்து கொள்ளும் திறன் இவர்களிடம் உண்டு.

இருக்கை 7 – தேர்ந்தெடுத்து ஈடுபடும் நபர்:

இந்த இருக்கையைத் தேர்வு செய்பவர்கள் தேவையான சமயங்களில் மட்டுமே ஈடுபடுவார்கள். அவர்கள் அமைதியானவர்களாகவும் சிந்தனையுடனும் இருப்பார்கள். முக்கியமான விஷயங்களில் மட்டும் தங்கள் பங்களிப்பை வழங்குவார்கள்.

இருக்கை 8 – ஒற்றுமையை உருவாக்கும் இணைப்பாளர்:

இந்த இடத்தை விரும்புபவர்கள் மனித உறவுகளையும் குழு ஒற்றுமையையும் மதிப்பவர்கள். அவர்கள் நல்ல சூழலை உருவாக்கவும், அனைவரும் ஒன்றுபட்ட உணர்வுடன் இருக்கவும் உதவுவார்கள்.

இருக்கை 9 – வழிகாட்டலை நாடும் ஆதரவாளர்:

இந்த இருக்கையைத் தேர்வு செய்பவர்கள் தலைவரின் அருகில் இருந்து வழிகாட்டலைப் பெற விரும்புபவர்கள். அவர்கள் ஆதரவை நாடுபவர்கள் மற்றும் தன்னம்பிக்கையை வளர்த்துக்கொள்ள தலைவரின் துணையை நாடுவார்கள். அதிகார மையத்துடன் இணைந்து இருப்பதில் இவர்களுக்கு நிம்மதி கிடைக்கும்.

நாம் எடுக்கும் ஒவ்வொரு சிறிய முடிவும் நம் உள்ளுணர்வின் பிரதிபலிப்பாகும். அது நம்மை நாமே அறிந்து கொள்ள உதவும் ஒரு சாளரமாக அமைகிறது. வாழ்க்கையில் முன்னேறுவதற்கு, நம் பலங்களையும் பலவீனங்களையும் புரிந்து கொள்வது மிகவும் அவசியம்.

இப்படிப்பட்ட சிந்தனைத் தேர்வுகள் நம்மை நாமே புரிந்து கொள்ள உதவும் எளிய வழியாகின்றன. எனவே, நீங்கள் தேர்வு செய்யும் அந்த இருக்கை ஒரு சாதாரண தேர்வு அல்ல; அது உங்கள் மனத்தின் ஓர் மறைந்த முகத்தை வெளிப்படுத்தும் ஒரு சின்ன சாளரம் ஆகும்.