நீங்கள் நினைப்பதை விட அதிக ஈர்ப்பு மிக்கவர் என்பதற்கான அறிகுறிகள்! 

ஒவ்வொருவரும் தங்களது சொந்த அழகை பற்றிய ஒரு குறிப்பிட்ட கண்ணோட்டத்தை கொண்டிருப்பார்கள். சிலர் தங்களை மிகவும் ஈர்ப்பாகக் கருதுகின்றனர். மற்றவர்கள் தங்களை குறைத்து மதிப்பிடுகிறார்கள். ஆனால், உண்மை என்னவென்றால், நாம் நினைப்பதை விட நாம் அதிக ஈர்ப்பு மிக்கவர்களாக இருப்பதற்கான வாய்ப்புகள் அதிகம். இதற்கான பல அறிகுறிகள் உள்ளன. இந்தப் பதிவில் அத்தகைய அறிகுறிகள் என்னென்ன என்பதைப் பற்றி விரிவாகப் பார்க்கலாம். 

பிறர் உங்களுடன் நேரத்தை செலவிட விரும்புவார்கள்: நீங்கள் எந்த நிகழ்ச்சிக்கு சென்றாலும் மக்கள் உங்களுடன் பேசவும், நேரத்தை செலவிடவும் விரும்புகிறார்கள் என்பது நீங்கள் மிகவும் ஈர்ப்பு மிக்கவர் என்பதற்கான தெளிவான அறிகுறி. உங்களுடன் இருக்கும்போது மக்கள் சிரிக்கிறார்கள், உற்சாகமாக இருக்கிறார்கள் என்றால், நீங்கள் அவர்களுக்கு நேர்மறையான ஆற்றலை கொடுக்கிறீர்கள் என அர்த்தம். 

மக்கள் உங்கள் கருத்துக்களை மதிப்பார்கள்: நீங்கள் எந்த விஷயம் பற்றி பேசினாலும் மக்கள் உங்கள் கருத்துக்களை கவனமாக கேட்டு அதை மதிக்கிறார்கள் என்றால், நீங்கள் ஒரு திறமையான நபர் என்பதற்கான அறிகுறி. உங்களுடைய கருத்துக்கள் மற்றவர்களின் சிந்தையனைக்கு உத்வேகம் அளிக்கிறது என்றால் நீங்கள் ஒரு தலைவராக இருக்கக்கூடிய அளவுக்கு திறன் கொண்டவர். 

மக்கள் உங்கள் தோற்றத்தைப் பற்றி நேர்மையான கருத்துக்கள் தெரிவிப்பார்கள்: 

நீங்கள் எங்கே சென்றாலும் மக்கள் உங்கள் தோற்றத்தை பற்றி நேர்மையான கருத்துக்களை தெரிவித்தால், நீங்கள் உண்மையிலேயே ஈர்ப்பானவர் என அர்த்தம். உங்களது தோற்றத்தைப் பற்றி மற்றவர்கள் பாராட்டுகிறார்கள் என்பது நீங்கள் உங்கள் உடலையும், மனதையும் நன்றாகப் பராமரிக்கிறீர்கள் என்பதற்கான அறிகுறி. 

மக்கள் உங்களுடன் நெருங்கிப் பழக விரும்புவார்கள்: நீங்கள் புதிய மக்களை சந்திக்கும்போது அவர்கள் உங்களுடன் நெருங்கி பழக விரும்புகிறார்கள் என்பது நீங்கள் ஒரு நல்ல பண்பு மிக்கவர் என்பதற்கான அறிகுறி. உங்களுடன் இருக்கும்போது மக்கள் பாதுகாப்பாகவும், மகிழ்ச்சியாகவும் உணர்கிறார்கள் என்றால், நீங்கள் ஒரு நம்பகமான நபராக அவர்களுக்குத் தோன்றலாம். 

பிறர் உங்களுடன் நல்ல நினைவுகளை பகிர்வது: பிறருடன் நீங்கள் பேசும்போது உங்களுடன் சேர்ந்து அவர்கள் அனுபவித்த நல்ல நினைவுகளைப் பகிரார்கள் என்றால், நீங்கள் அவர்களின் வாழ்க்கையில் ஒரு சிறப்பான இடத்தைப் பிடித்துள்ளீர்கள் என அர்த்தம். 

மக்கள் உங்களது தன்னம்பிக்கையை கவனிப்பார்கள்: நீங்கள் எந்த வேலையை செய்தாலும் அதை முழு நம்பிக்கையுடன் செய்கிறீர்கள் என்றால், அதைப் பிறர் தானாகவே கவனித்து உங்களை பாராட்டுவார்கள். உங்களது தன்னம்பிக்கை மற்றவர்களுக்கு உத்வேகமாக இருக்கும். இது உங்களை பிறருக்கு ஈர்ப்பு மிக்கவராகக் காண்பிக்கும். 

மேலே குறிப்பிட்ட விஷயங்கள் நீங்கள் நினைப்பதை விட அதிக ஈர்ப்பு மிக்கவர் என்பதற்கான அறிகுறிகள் ஆகும். நீங்கள் பிறருடன் எவ்வாறு தொடர்பு கொள்கிறீர்கள், அவர்கள் உங்களைப் பற்றி எப்படி உணர்கிறார்கள் என்பதை கவனிப்பதன் மூலம், நீங்கள் உங்கள் ஈர்ப்பைப் பற்றி மேலும் அறிந்து கொள்ளலாம். எனவே, உங்களது தன்னம்பிக்கையை அதிகரித்துக் கொண்டு உங்களது திறமைகளை வளர்த்துக் கொண்டால், மற்றவர்களுடன் நல்ல உறவை நீங்கள் உருவாக்க முடியும். இதன் மூலமாக மேலும் ஈர்ப்பு மிக்க நபராக நீங்கள் மாற முடியும்.