எதையும் Personal-அ எடுத்துக்காம சந்தோஷமா இருக்க சில சிம்பிள் வழிகள்! 

நம்மில் பல பேருக்கு இருக்கிற பெரிய பிரச்சனை என்ன தெரியுமா? மத்தவங்க சொல்ற சின்னச் சின்ன விஷயத்தைக் கூட பெருசா யோசிச்சு, அதை நம்மளையே தாக்குற மாதிரி நினைச்சு கஷ்டப்படுறதுதான். யாராவது ஒரு வார்த்தை சொல்லிட்டாலோ, இல்ல நம்ம எதிர்பார்க்குற மாதிரி நடக்கலைனாலோ போதும், உடனே மனசு உடைஞ்சு போயிடும்.

 "ஐயோ என்னை இப்படி சொல்லிட்டாங்களே", "நான் என்ன தப்பு பண்ணேன்?" ன்னு ஒரே யோசனையா இருக்கும். ஆனா உண்மையில, நிறைய நேரம் அவங்க சொல்றது நம்மளப் பத்தி இருக்காது. அவங்களுடைய மனநிலையையோ, இல்ல அவங்களுடைய கஷ்டத்தையோ வெளிப்படுத்துற விதமா கூட இருக்கலாம். இதை புரிஞ்சுக்கிட்டா பாதி பிரச்சனை முடிஞ்சிரும்.

சரி, எப்படித்தான் மத்தவங்க சொல்றதையோ, செய்றதையோ நம்ம பர்சனலா எடுத்துக்காம இருக்கறது? இதோ உங்களுக்காக சில எளிய வழிகள்:

1. யாராவது ஏதாவது சொன்னாங்கன்னா, உடனே அவசரப்பட்டு ஒரு முடிவுக்கு வந்துடாதீங்க. அவங்க ஏன் அப்படி சொன்னாங்கன்னு கொஞ்சம் யோசிச்சுப் பாருங்க. அவங்களுடைய சூழ்நிலை என்னவா இருக்கும்னு நினைச்சுப் பாருங்க. ஒருவேளை அவங்க கோபத்துல இருந்திருக்கலாம், இல்ல ஏதாவது கவலையில இருந்திருக்கலாம். எப்பவுமே அவங்க சொல்றது உங்களை மட்டும் குறிப்பா சொல்றாங்கன்னு நினைக்காதீங்க.

2. எல்லாரையும் எப்பவும் சந்தோஷப்படுத்தணும்னு நினைக்காதீங்க. அது நடக்கவே நடக்காது. ஒவ்வொருத்தருக்கும் ஒவ்வொரு விதமான எதிர்பார்ப்புகள் இருக்கும். நீங்க என்னதான் நல்லா பண்ணாலும், யாராவது ஒருத்தருக்காவது அது பிடிக்காம போகலாம். அதனால, மத்தவங்களுக்காக உங்களை மாத்திக்கிட்டே இருக்காதீங்க. உங்களுக்கு எது சரியோ, எது சந்தோஷத்தை கொடுக்குதோ, அதை செய்யுங்க.

3. உங்களை நீங்களே நம்புங்க. உங்களுடைய திறமை மேலயும், உங்களுடைய நல்ல குணங்கள் மேலயும் நம்பிக்கை வைங்க. மத்தவங்க உங்களை பத்தி என்ன சொன்னாலும், அதை வச்சு உங்களை நீங்களே குறைச்சு மதிப்பிடாதீங்க. உங்களுக்கு உங்களை பத்தி நல்லா தெரியும். அந்த நம்பிக்கையை மட்டும் விட்டுறாதீங்க.

4. ஏதாவது ஒரு விஷயம் உங்களை ரொம்ப பாதிக்குதுன்னா, அதை அப்படியே மனசுக்குள்ள போட்டு அடைச்சு வைக்காதீங்க. உங்களுடைய நெருங்கிய நண்பர்கள் கிட்டயோ இல்ல நம்பிக்கையானவங்க கிட்டயோ பேசி உங்களுடைய கஷ்டத்தை சொல்லுங்க. அப்படி பேசும்போது உங்க மனசு கொஞ்சம் லேசாகும். அதுமட்டுமில்லாம, அவங்க வேற ஒரு கோணத்துல அந்த விஷயத்தை பார்க்க உங்களுக்கு உதவலாம்.

5. எல்லாத்தையும் ஒரு விளையாட்டா எடுத்துக்க கத்துக்கோங்க. வாழ்க்கையில நல்லது கெட்டதுன்னு எல்லாமே கலந்துதான் இருக்கும். எல்லாத்தையும் ரொம்ப சீரியஸா எடுத்துக்கிட்டா நம்ம தான் கஷ்டப்படணும். சின்ன சின்ன விஷயங்களை எல்லாம் பெருசா யோசிக்காம, அதை ஒரு அனுபவமா நினைச்சு கடந்து போயிட்டே இருங்க.

இப்படி சின்ன சின்ன விஷயங்களை மாத்திக்கிட்டாலே போதும், நீங்க எதையும் சொந்தமா எடுத்துக்காம சந்தோஷமா வாழலாம். ஞாபகம் வச்சுக்கோங்க, உங்களுடைய சந்தோஷம் உங்க கையில தான் இருக்கு. மத்தவங்க சொல்றதுக்காகவோ, செய்றதுக்காகவோ உங்க மன அமைதியை கெடுத்துக்காதீங்க.