கோடை விடுமுறைக்கு ராஜஸ்தான் செல்கிறீர்களா.. பாலியில் உள்ள இந்த 6 இடங்களை மிஸ் பண்ணிடாதீங்க!

இந்த கோடை விடுமுறைக்கு சற்றே வித்தியாசமாக ஒரு ராயல் ட்ரிப் செல்ல ஆசைப்பட்டால், ராஜஸ்தான் மாநிலம் ஒரு பெஸ்ட் சாய்ஸ். அங்குள்ள பாலி மாவட்டம் (Pali) பலரும் அதிகம் அறியாத ஒரு அற்புதமான சுற்றுலாப் பொக்கிஷமாகும். 

ஆரவல்லி மலைத்தொடரின் ரம்மியமான பள்ளத்தாக்குகள், பிரம்மாண்டமான கட்டிடக்கலை மற்றும் வரலாற்று சிறப்புகள் என இங்கு ரசிக்க ஏராளமான விஷயங்கள் ஒளிந்துள்ளன. உங்களின் பாலி பயணத்தை வாழ்நாள் முழுவதும் மறக்க முடியாததாக மாற்ற, அங்கு கட்டாயம் பார்க்க வேண்டிய 6 அட்டகாசமான இடங்களைப் பற்றி பார்க்கலாம் வாங்க.

நார்லாய் கிராமம்!

ராஜஸ்தானின் உண்மையான கிராமப்புற அழகையும் அரச பாரம்பரியத்தையும் ஒருசேர ரசிக்க நார்லாய் கிராமம் (Narlai Village) ஒரு சூப்பரான இடமாகும். பாலியிலிருந்து சுமார் 70 கிலோமீட்டர் மற்றும் ஜோத்பூரிலிருந்து 140 கிலோமீட்டர் தொலைவில் அமைந்துள்ள இந்த அழகிய கிராமம் உங்களை வேறொரு உலகத்திற்கே அழைத்துச் செல்லும். 

இங்குள்ள 17-ஆம் நூற்றாண்டைச் சேர்ந்த பிரம்மாண்ட அரண்மனை தற்போது ராவ்லா நார்லாய் (Rawla Narlai) என்ற பெயரில் ஒரு பாரம்பரிய தங்கும் விடுதியாக செயல்பட்டு வருகிறது. பழங்கால மன்னர்கள் பயன்படுத்திய அதே அறைகளில் தங்குவதும், ராஜபுத்திரர்களின் பாரம்பரிய விருந்தோம்பலை அனுபவிப்பதும் உங்களை ஒரு ராஜாவைப் போல உணர வைக்கும்.

யானைக் குன்றில் சாகசப் பயணம்!

சாகசங்களை விரும்பும் இளைஞர்களுக்கு இந்த ஊரில் ஒரு அட்டகாசமான ஸ்பாட் உள்ளது. நார்லாய் கிராமத்திற்குச் சற்றுப் பின்புறமாக ஒரு பெரிய குன்று அமைந்துள்ளது. இதை தூரத்திலிருந்து பார்த்தால் ஒரு பிரம்மாண்டமான யானை நிற்பது போலவே தோற்றமளிக்கும். அதனால் தான் உள்ளூர் மக்கள் இதனை யானைக் குன்று (Elephant Hill) என்று அன்பாக அழைக்கின்றனர். 

இந்த நார்லாய் குன்றின் உச்சிக்கு ட்ரெக்கிங் செய்வது த்ரில்லான அனுபவமாக இருக்கும். மலை உச்சிக்குச் சென்று அங்கிருந்து சூரிய உதயம் அல்லது அஸ்தமனத்தை ரசிப்பது வார்த்தைகளால் விவரிக்க முடியாத அளவு அழகாக இருக்கும்.

சமணக் கோயில்கள்!

கட்டிடக்கலை, ஆன்மீகத்தை தேடி செல்பவர்களுக்கு நார்லாய் ஜைனக் கோயில் (Narlai Jain Temple) ஒரு சிறந்த இடம். ஆதிநாதப் பெருமானுக்காக முழுமையாக பளிங்கு கற்களால் கட்டப்பட்டுள்ள இந்தக் கோயிலின் நுணுக்கமான சிற்ப வேலைப்பாடுகள் பார்ப்போரை ஆச்சரியத்தில் ஆழ்த்தும். 

இது தவிர உலக அளவில் புகழ்பெற்ற ரணக்பூர் ஜைனக் கோயிலை (Ranakpur Jain Temple) நீங்கள் எக்காரணம் கொண்டும் மிஸ் செய்யக் கூடாது. இங்குள்ள 1444 பளிங்குத் தூண்களும் ஒவ்வொன்றும் ஒவ்வொரு விதமாக செதுக்கப்பட்டிருப்பது இதன் மாபெரும் சிறப்பாகும். எந்த இரண்டு தூண்களும் ஒரே மாதிரி இருக்காது என்பது இதன் தனிச்சிறப்பு.

அமைதியான ரணக்பூர் அணை!

வரலாற்றுச் சின்னங்களை சுற்றிய பிறகு கொஞ்சம் அமைதியாக ரிலாக்ஸ் செய்ய நினைத்தால் ரணக்பூர் அணைக்குச் செல்லலாம். நகரத்தின் எந்த ஒரு இரைச்சலும் இல்லாமல் மிகவும் அமைதியான சூழலில் இந்த அணை அமைந்துள்ளது. குளிர்ந்த காற்றும் கண்ணுக்கெட்டிய தூரம் வரை பரந்து விரிந்திருக்கும் நீர்ப்பரப்பும் உங்களின் மன அழுத்தத்தை முழுமையாகப் போக்கிவிடும். 

ராஜஸ்தான் என்றாலே வெறும் பாலைவனமும் ஒட்டகமும் மட்டும்தான் என்ற பிம்பத்தை இந்த பாலி மாவட்டம் சுக்குநூறாக உடைத்து எறிந்துவிடும். பாரம்பரியம், பக்தி, இயற்கை அழகு, சாகசம் என அனைத்தும் கலந்த ஒரு முழுமையான பேக்கேஜ் ஆக இந்த ஊர் காட்சியளிக்கிறது.