ஆடி கூழ்: தமிழ்நாட்டின் புகழ்பெற்ற 8 அம்மன் கோயில்களும் அதன் பின்னணியில் உள்ள ஆன்மீக அறிவியலும்!

அருள்மிகு பண்ணாரி மாரியம்மன் திருக்கோயில் (ஈரோடு)

சத்தியமங்கலம் காட்டின் எல்லையில் அமைந்துள்ள இந்த அம்மன் கோயில் மிகவும் சக்தி வாய்ந்தது. ஆடி மாதத்தில் இங்கு கூழ் வார்க்கும் திருவிழா மிக விமரிசையாக நடைபெறும். மேலும், இங்கு நடைபெறும் தீமிதி திருவிழா மற்றும் அம்மன் வீதி உலா மிகச் சிறப்பு வாய்ந்தது.

அருள்மிகு முண்டகக்கண்ணி அம்மன் திருக்கோயில் (மயிலாப்பூர், சென்னை)

சென்னையில் ஆடி கூழ் வைபவம் என்றாலே முதலில் நினைவுக்கு வருவது மயிலாப்பூர் முண்டகக்கண்ணி அம்மன் கோயில்தான். ஆடி மாதத்து வெள்ளிக்கிழமைகளில் சென்னை மற்றும் சுற்றுவட்டாரப் பகுதி மக்கள் இந்த அம்மனுக்குக் கூழ் காய்ச்சி எடுத்து வந்து ஏழைகளுக்கும் பக்தர்களுக்கும் தானமாக வழங்குவது வழக்கம்.

அருள்மிகு தண்டு மாரியம்மன் திருக்கோயில் (கோயம்புத்தூர்)

கோவை மாநகரின் மையப்பகுதியில் அமைந்துள்ள இந்தத் தண்டு மாரியம்மன் கோயிலில் ஆடி மாதம் முழுவதும் திருவிழாக் கோலமாக இருக்கும். ஆடி வெள்ளிக்கிழமைகளில் அம்மனுக்குப் பிரம்மாண்டமான முறையில் கூழ் காய்ச்சி, சிறப்பு பூஜைகள் செய்யப்பட்டு பக்தர்களுக்கு விநியோகிக்கப்படும்.

அருள்மிகு இருக்கன்குடி மாரியம்மன் திருக்கோயில் (விருதுநகர்)

தென் தமிழகத்தில் புகழ்பெற்ற இந்த அம்மன் கோயில், வைப்பாறு மற்றும் அர்ஜுனா நதி ஆகிய இரு ஆறுகளுக்கு நடுவே அமைந்துள்ளது. ஆடி மாதக் கடைசி வெள்ளிக்கிழமைகளில் இங்கு நடைபெறும் திருவிழாவில், மக்கள் அக்னிச் சட்டி எடுத்தும், பெரிய அண்டாக்களில் கூழ் காய்ச்சியும் தங்களின் நேர்த்திக்கடனைச் செலுத்துகிறார்கள்.

அருள்மிகு கோட்டை மாரியம்மன் திருக்கோயில் (சேலம்)

சேலத்தின் காவல் தெய்வமாக விளங்கும் கோட்டை மாரியம்மன் கோயிலில் ஆடித்திருவிழா 15 நாட்களுக்கும் மேலாக மிக விமரிசையாகக் கொண்டாடப்படும். இந்தத் திருவிழாவின்போது ஊர் மக்கள் அனைவரும் ஒன்று கூடி, கம்பம் நட்டு, அம்மனுக்கு டன் கணக்கில் கூழ் காய்ச்சிப் படைப்பது இந்த ஊரின் தனிச்சிறப்பாகும்.

அருள்மிகு புன்னைநல்லூர் மாரியம்மன் திருக்கோயில் (தஞ்சாவூர்)

சோழ மன்னர்களால் கட்டப்பட்டு, மராட்டிய மன்னர்களால் போற்றப்பட்ட வரலாற்றுச் சிறப்புமிக்க கோயில் இது. ஆடி மாதத்தில் இந்த அம்மன் புற்று மண்ணால் ஆனவள் என்பதால், இவளுக்குக் குடமுழுக்கு அபிஷேகத்திற்குப் பதிலாகத் தைலக் காப்பு சாத்தப்படும். ஆடி மாதத்தில் இக்கோயிலைச் சுற்றியுள்ள பகுதிகளில் கூழ் ஊற்றும் திருவிழா வெகு விமரிசையாக நடக்கும்.

அருள்மிகு பெரியபாளையம் பவானி அம்மன் திருக்கோயில் (திருவள்ளூர்)

சென்னைக்கு அருகில் உள்ள பெரியபாளையத்தில் வீற்றிருக்கும் பவானி அம்மன் கோயிலில் ஆடி மாதம் தொடங்குவதே திருவிழாவாகத்தான் இருக்கும். ஆடி மாதம் தொடங்கிப் புரட்டாசி மாதம் வரை தொடர்ந்து 14 வாரங்கள் இங்குத் திருவிழா நடைபெறும். பக்தர்கள் வேப்பிலை ஆடை உடுத்தியும், கூழ் காய்ச்சியும் அம்மனை மனமுருகி வழிபடுவார்கள்.

ஆடி கூழின் ஆன்மீக அறிவியல்: ஆடி மாதத்தில் வெயிலும் காற்றும் மாறி மாறி வருவதால் அம்மை போன்ற நோய்கள் பரவும். அதைத் தடுக்கவே குளிர்ச்சி தரும் கேழ்வரகு கூழ், சின்ன வெங்காயம், மோர் மற்றும் வேப்பிலை கலந்து அம்மனுக்குப் படைத்து பிரசாதமாக மக்களுக்கு வழங்கப்படுகிறது.

குறிப்பாக தஞ்சை சுற்று வட்டார கிராமங்களில் உள்ள வீடுகளில் கூழ் காய்ச்சி ஊற்றுபவர்கள் முருங்கைக்கீரை மற்றும் விதவிதமான பருப்பு துவையல்களை செய்து கூழோடு சேர்த்து வழங்குவார்கள்.

மேலும் காப்பரிசி, மாவிளக்கு போன்றவைகளை வீட்டில் செய்து எல்லாவற்றிலும் வேப்பிலை போட்டு அதையும் பிரசாதமாக அனைவருக்கும் வழங்குவார்கள். இது ஆடி மாதத்தில் ஒவ்வொரு வீடுகளிலும் நடக்கும் ஆடி கூழ் பற்றிய சிறப்பு வைபவம் ஆகும்.

இப்படி சாப்பிடுவதால் முருங்கைக் கீரையில் இல்லாத சத்து எதுவுமே இல்லை என்று கூறலாம். அத்தனை சத்துக்களும் அத்துபடியாக கிடைத்துவிடும். வெல்லத்திலிருந்து இரும்பு சத்து கிடைத்துவிடும். பருப்பு வகைகளில் துவையல் செய்வதால் புரதச்சத்து கிடைத்துவிடும். இப்படி எல்லா சத்தும் கிடைக்க வேண்டும் என்பதற்காகத்தான் ஆன்மீகமும் அறிவியலும் கலந்து இதை செய்வது வழக்கம். இது இன்றும் நடைமுறையில் உள்ளது குறிப்பிடத்தக்கது.