பற்களே இல்லாத 8 உயிரினங்கள்; எப்படி சாப்பிடுதுன்னு தெரிஞ்சுக்கலாமா குட்டீஸ்!

ஹலோ குட்டீஸ்!  மனிதர்களாகிய நாம் நன்றாக மென்று சாப்பிட பற்கள் மிகவும் முக்கியம். இல்லையா? ஆனால், இந்த உலகத்தில் பற்களே இல்லாமலேயே சூப்பராக சாப்பிடுகின்ற சில வினோதமான உயிரினங்கள் இருக்கின்றன. அவை எப்படி உணவை சாப்பிடுகின்றன? தெரிந்துகொள்ள ஆசையாக உள்ளதா? வாருங்கள்..

1. ராட்சத எறும்புண்ணி (Giant Anteater)

இந்த ராட்சத உயிரினம் தனது 60 சென்டிமீட்டர் நீளமுள்ள ஒட்டும் நாக்கால் ஆயிரக்கணக்கான எறும்புகளையும் கரையான்களையும் நொடிகளில் விழுங்கும். பற்கள் இல்லாத வாயும், சக்திவாய்ந்த நாக்கும் இதற்குப் பெரிதும் உதவியாக உள்ளது.

2. கடல் பசு (Manatee)

மென்மையான ராட்சதர்கள் என்று அழைக்கப்படும் கடல் பசுக்கள், கடலடியில் உள்ள புற்களையும் பாசிகளையும் உண்ணுகின்றன. அவற்றிற்குப் பற்கள் கிடையாது. வலுவான ஈறுகளையும், உதடுகளையும் பயன்படுத்தி தாவரங்களைப் பிடுங்கி அப்படியே விழுங்குகின்றன.

3. ஆமை (Turtle)

ஆமைகள், தங்களின் வலுவான, கொக்கி போன்ற அலகுகளைக் கொண்டு உணவை மென்று விழுங்குகின்றன. இவற்றுக்கு பற்களே இல்லை. சில ஆமைகள் பழங்கள், பூச்சிகள், சில சமயங்களில் சிறிய விலங்குகளைக்கூட இந்த அலகுகள் மூலம் பிடித்து உண்ணும்.

4. தவளை மற்றும் தேரை (Toad)

தவளைகள் மற்றும் தேரைகளுக்கும் பற்கள் கிடையாது. அவை தங்கள் நீண்ட நாக்கால் பூச்சிகளையும் புழுக்களையும் பிடித்து முழுதாக விழுங்குகின்றன.

5. பல்லி (Lizard)

பல்லிகள் எறும்புண்ணிகளைப் போலவே எறும்புகளையும் கரையான்களையும் உண்கின்றன. இவற்றுக்கும் பற்கள் இல்லை.  இதனுடைய நீண்ட, ஒட்டும் நாக்கு இரைகளை நொடிப்பொழுதில் பிடித்து தின்ன உதவுகிறது.

6. பறவைகள் (Birds)

பறவைகளுக்குப் பற்கள் இல்லை என்பது நமக்குத் தெரியும். பருந்துகள் கூர்மையான அலகுகளால் இரையைக் கிழிக்கும், கொக்குகள் தன் அலகால் மீன்களைப் பிடிக்கும் என ஒவ்வொரு பறவையின் அலகும் அதன் உணவுமுறைக்கு ஏற்ப வடிவமைக்கப்பட்டுள்ளது. 

7. சிலந்தி (Spider)

 சிலந்திகளுக்குப் பற்கள் கிடையாது. அவை தங்கள் 'கெலிசெரே' (Chelicerae) எனப்படும் வாய் உறுப்புகளைப் பயன்படுத்தி இரையைக் கவ்விப் பிடிக்கும். பிறகு, செரிமான திரவங்களை இரை மீது செலுத்தி, அதை திரவமாக்கி உறிஞ்சுகின்றன.

8. நத்தை (Snail)

நத்தைகளுக்கு பற்கள் இல்லை என்பது சற்று வியப்பானது. ஆனால், அவற்றிற்கு 'ராடுலா' (Radula) என்ற ஒரு தசைப் பகுதி உள்ளது. இது ஆயிரக்கணக்கான நுண்ணிய பற்கள் போன்ற அமைப்புகளைக் கொண்டிருக்கும். இதை ஒரு கத்தி போல பயன்படுத்தி தாவரங்களை சிறு துகளாக்கி உண்ணும்.

இந்த உயிரினங்கள் பற்கள் இல்லாமல் வாழ்வது இயற்கையின் ஒரு அற்புதம், இல்லையா? இவை ஒவ்வொன்றும் தங்களின் வாழ்விடத்திற்கும் உணவு முறைக்கும் ஏற்ப எவ்வாறு தகவமைத்துக் கொண்டுள்ளன என்பது உண்மையிலேயே வியக்கத்தக்கது.

பற்கள் இல்லாத உங்களுக்குத் தெரிந்த வேறு உயிரினங்களை கமெண்டில் சொல்லுங்க பாப்போம்!