க்ரைம் ஸ்டோரி: கொலையா? தற்கொலையா..? அத்தியாயம் 2

கொலையா அல்லது தற்கொலையா? ஊட்டி தம்பதியினர் கொலை வழகின் அதிர்ச்சித் திருப்புமுனை!
Kolaiya? Tharkolaiya..? - Tamil Serial Story
Kolaiya? Tharkolaiya..? - Tamil Serial StoryImage credit: Chatgpt
அகிலா சிவராமன்

கடந்த 5 வருடங்களாக அகிலா சிவராமனின் கட்டுரைகளும் கதைகளும் கிட்டத்தட்ட 500க்கும் மேல் வெளி வந்துள்ளன. இறைவன் மீது பல பாடல்களை எழுதியுள்ள இவரது முதல் சிறுகதை 'புயலின் மறுபக்கம்' 2025 ஜனவரியில் மங்கையர் மலரில் வெளியானது. தொடர்ந்து கல்கி ஆன்லைனில் எழுதி வருகிறார். 'கல்கியில் எழுத ஆரம்பித்த பிறகு தான் என்னுடைய திறன் என்னவென்று எனக்கே தெரிய ஆரம்பித்தது' என்று கூறும் அகிலா, சமூக நலன் அடிப்படையிலும், தேச நலன் அடிப்படையிலும் தனது படைப்புகள் அமைய வேண்டும் என்பதில் கவனம் செலுத்துபவர்.

Updated on: 
Kalki Strip
Kalki Strip

க்ரைம் ஸ்டோரி: கொலையா? தற்கொலையா..? அத்தியாயம் 2

குணசேகரனிடம் விவரங்களை எல்லாம் கூறி, தீபாவின் நம்பரைப் பற்றி கேட்டதற்கு, அவர், “ஐயோ சார், நானே என்னோட சதா போயிட்டான் என்று துக்கத்தில் இருக்கிறேன், நீங்கள் இந்த தீபாவைப் பற்றி ஏன் கேட்கிறீர்கள்? அவளால்தானே என் சதா உயிரிழந்தான். அவளைப் பற்றி என் முன்னே பேசாதீர்கள். எனக்கு அவள் நம்பரும் தெரியாது ஒன்னும் தெரியாது” என்று அழுது நாடகமாடினார்.

மகேஷும் குணசேகரனைப் போலவே சேம் டயலாக் சேம் டிராமா செய்தான்.

போலீஸார் இவர்களுக்குத் தெரியாமல் சதாசிவத்தின் மொபைலில் இருந்து தீபாவின் நம்பருக்கு கால் செய்தார்கள்.. இரண்டு முறை முயற்சி செய்தும் அவள் எடுக்காத காரணத்தினால் விட்டுவிட்டார்கள். எப்படியும் மிஸ்டுகாலை பார்த்தால் போன் செய்வாள் என்ற நம்பிக்கையில் இருந்தார்கள். ஆனால் அவளிடமிருந்து போன் வரவில்லை.

குணசேகரன் போலீஸாரிடம், “சார் நானும் வந்துவிட்டேன். இன்னும் யாருக்காக நீங்கள் காத்துக்கொண்டிருக்கிறீர்கள்? சதாவின் பாடியை தகனம் செய்ய ஏற்பாடு செய்யுங்கள்...” என்றார்.

போலீஸார் “இல்லை, நாங்கள் தீபாவிற்குப் போன் செய்தோம்.. அவள் எடுக்கவில்லை.. அவளுடைய போனிற்காக நாங்கள் காத்துக்கொண்டிருக்கிறோம்...” என்றார்கள்..

Loading content, please wait...