உலகளவில் சிறந்த நீதித்துறை அமைப்புகளைக் கொண்ட டாப் 7 நாடுகள்... இந்தியா எந்த இடத்தில் உள்ளது தெரியுமா?

எந்தவொரு நாடாக இருந்தாலும், நீதி மன்றமானது, முறையுள்ள நீதியை உறுதி செய்வதிலும், மேலும் குடிமக்களின் உரிமைகளைப் பாதுகாப்பதிலும் குறிப்பிடத்தக்க பங்கை வகிக்கிறது என்பதில் ஐயமே இல்லை. எல்லா நாடுகளிலும் சட்டத்தை நிர்வகிப்பதிலும், மக்களுக்கான உரிமைகளை சட்டபடி வழங்குவதிலும் நீதிமன்றங்கள் அயராது பாடுபடுகின்றன. உலகளவில் வெளிப்படையான சட்ட அமைப்புகளுக்காக அங்கீகரிக்கப்பட்ட பல நாடுகள் உள்ளன. அவ்வகையில் சிறந்த நீதித்துறை அமைப்புகளைக் கொண்டு முதலிடத்தில் இருக்கும் 7 நாடுகளைப் பற்றி இப்பதிவில் பார்க்கலாம்...

WJP (world justice project) சட்ட விதி குறியீட்டால் வெளியிடப்பட்ட தரவுகளின் அடிப்படையில், டென்மார்க் அதனுடைய சிறந்த நீதித்துறை அமைப்பால் உலகளவில் முதலிடத்தைப் பிடித்துள்ளது, 0.90 மதிப்பெண்ணுடன், டென்மார்க் நீதித்துறை மற்றும் விரைவான சட்ட நடைமுறைகளுக்காக பாராட்டப்படுகிறது. குடிமக்கள் நீதிக்கு சமமான அணுகலை அனுபவிக்கிறார்கள், மேலும் நியாயமான மற்றும் பாரபட்சமற்ற நீதிமன்றங்கள் மூலம் சட்டத்தின் ஆட்சி தொடர்ந்து நிலைநிறுத்தப்படுகிறது.

0.89 மதிப்பெண்களுடன் இரண்டாவது இடத்தில் உள்ள நார்வே, அதன் திறமையான மற்றும் நம்பகமான நீதித்துறைக்கு பெயர் பெற்றது. இந்த நாட்டின் அனைத்து நீதிமன்றங்களும் அவற்றின் பாரபட்சமற்ற தன்மை, நேர்மை மற்றும் வலுவான சட்டப் பாதுகாப்புகளால் வகைப்படுத்தப்படுகின்றன. நாட்டின் வலுவான ஜனநாயக மரபுகள் மற்றும் மனித உரிமைகளுக்கான மரியாதையை இந்த நாட்டின் நீதி முறைகள் பிரதிபலிக்கின்றன.

0.87 மதிப்பெண்களுடன், பின்லாந்தின் நீதித்துறை அமைப்பு மூன்றாவது இடத்தைப் பிடித்துள்ளது. பின்லாந்து நீதிமன்றங்கள் பாரபட்சமற்றதாகவும், திறமையாகவும், அனைவரும் அணுகக்கூடியதாகவும் இருப்பதற்காக மிகவும் மதிக்கப்படுகின்றன. சட்ட நடவடிக்கைகள் மிகத் தெளிவாக இருக்கின்றன.

0.85 மதிப்பெண்களோடு, நீதித்துறை அமைப்பில் ஸ்வீடன் நான்காவது இடத்தை பெற்றுள்ளது. இது, அந்த நாட்டின் நியாயம், செயல்திறன் மற்றும் சுதந்திரத்திற்கான நற்பெயரைப் பிரதிபலிக்கிறது. ஸ்வீடிஷ் நீதிமன்றங்கள், தனிநபர் உரிமைகளைப் பாதுகாத்தல், சட்ட உதவியைப் பெறுதல் மற்றும் நீதித்துறையின் மீதான பொதுமக்களின் நம்பிக்கை ஆகியவற்றில் வலுவாக இருக்கின்றன. இதனால் அனைத்து குடிமக்களுக்கும் நீதி உடனடியாகக் கிடைக்கச் செய்யப்படுகிறது.

0.83 மதிப்பெண்களுடன், நியூசிலாந்தின் நீதித்துறை நியாயமாகவும் மற்றும் புறநிலையாகவும் இருக்கிறது. இங்குள்ள நீதிபதிகள் தன்னார்வத்தோடு செயல்படுகிறார்கள். மேலும் சட்ட செயல்முறைகள் ஒவ்வொரு தனிநபருக்கும் உரிய நடைமுறைக்கான உரிமையை உறுதி செய்கின்றன. நியூசிலாந்தின் சட்ட அமைப்புகளில் பொதுமக்களின் நம்பிக்கை விதிவிலக்காக அதிகமாக உள்ளது, இது சமூக நம்பிக்கையை வளர்க்கிறது.

0.83 மதிப்பெண்களுடன் ஆறாவது இடத்தில் உள்ள ஜெர்மனி, அதன் கடுமையான சட்ட நடைமுறைகள் மற்றும் நன்கு கட்டமைக்கப்பட்ட நீதித்துறைக்காக தனித்து நிற்கிறது. ஜெர்மன் நீதிமன்றங்கள் பாரபட்சமற்ற தன்மையையும் சட்ட தொழில்முறையின் உயர் தரத்தையும் பராமரிக்கின்றன. சட்டத்தின் முன் சமத்துவத்தையும் பயனுள்ள சட்ட தீர்வுகளையும் உறுதி செய்யும் வலுவான அரசியலமைப்பு அமைப்பின் மூலமாக குடிமக்கள் பயனடைகிறார்கள்.

லக்சம்பர்க், 0.83 மதிப்பெண்களுடன், அதன் திறமையான மற்றும் வெளிப்படையான நீதித்துறை காரணமாக ஏழாவது இடத்தைப் பிடித்துள்ளது. லக்சம்பர்க் சட்ட அமைப்பு சட்டத்தின் ஆட்சியானது, தகராறுகளுக்கு உடனடி தீர்வு மற்றும் சுயாதீன நீதித்துறை மேற்பார்வை ஆகியவற்றை உறுதி செய்கிறது. இந்த அமைப்பு சிவில் உரிமைகள் மற்றும் சொத்துரிமைகளுக்கான வலுவான சட்டப் பாதுகாப்புகளை ஆதரிக்கிறது.

நம் இந்தியா, நீதி அமைப்பு முறைகளை பொறுத்த வரையில் உலக அளவில் எந்த இடத்தில் இருக்கிறது தெரியுமா?

இந்தியா (மதிப்பெண்: 0.49):

WJP சட்ட விதி குறியீட்டில் வெறும் 0.49 மதிப்பெண்களுடன், நீதித்துறை அமைப்பு அல்லது சட்ட அமைப்பின் அடிப்படையில் இந்தியா உலகளவில் 86வது இடத்தில் உள்ளது. வழக்குகள் அதிக அளவில் தேங்குதல், நீதிபதிகளின் கடுமையான பற்றாக்குறை மற்றும் நடைமுறை தாமதங்கள் காரணமாக இந்திய நீதித்துறை குறிப்பிடத்தக்க சிக்கல்களைக் கொண்டுள்ளது.