திகில் தொடர்: ட்ரோஜன் ஹார்ஸ் - அத்தியாயம் 1

மாரடைப்பு என நம்பப்பட்ட மரணத்தின் பின்னணியில் ஒளிந்திருந்த தொழில்நுட்பப் பொறி எது?
Trojan Horse - Tamil Horror Series Story | திகில் தொடர்: ட்ரோஜன் ஹார்ஸ்
Trojan Horse | ட்ரோஜன் ஹார்ஸ்Image Credit: ChatGPT
அசோக்குமார்

அசோக்குமார் - சென்னை சுங்கத்துறையில் பணிபுரியும் இவர் சோழவேங்கை கரிகாலன், கடவுள் தேசம் என பத்துக்கும் மேற்பட்ட நூல்களை விஜயா பதிப்பகம், ஜீரோ டிகிரி பதிப்பகங்களின் மூலமாக வெளியிட்டிருக்கிறார். உலகத் தமிழ் பண்பாட்டு மையம், சௌமா, கலைமகள் விருதுகளை பெற்றிருக்கிறார். குமுதம், ஆனந்த விகடனில் சிறுகதைகள் எழுதியிருக்கிறார். இவரது அறிவியல் புனைவு சிறுகதைகள் ஆங்கிலத்தில் Metastellar, Electric spec மின்னிதழ்களில் வெளியாகியுள்ளன. Writers of the future போட்டியின் சிறப்பு பரிசை இருமுறை வென்றிருக்கிறார்.

Updated on: 
Kalki Strip
Kalki Strip

திகில் தொடர்: ட்ரோஜன் ஹார்ஸ் - அத்தியாயம் 1

போலீஸ் இன்னோவாவிலிருந்து இறங்கிய ஏஎஸ்பி அதர்வாவை ஊட்டி குளிர் சில்லென்று தாக்கியது. இரண்டு உள்ளங்கைகளையும் பரபரவென தேய்த்துக் கொள்ளத் தோன்றிய எண்ணத்தை உடனடியாக கைவிட்டான். 

"குட் மார்னிங் சார்." விரைப்பாக இன்ஸ்பெக்டர் சல்யூட் அடித்தார்.

அதர்வா பதிலுக்குச் சல்யூட்டி விட்டு பேட்ஜிலிருந்த பெயரை கவனித்து "மார்னிங் நட்ராஜ்" என சுற்றிலும் நோக்கினான்.

நவீன தொழில்நுட்பத்துடன் அல்ட்ரா மாடர்னாக கட்டப்பட்ட வீடு ரிசார்ட்டை போலிருந்தது. உயர காம்பவுண்டில் சிசிடிவிகள் காவலிருந்தன. முசுமுசுவென்று இருந்த கொரியன் புற்களுக்கிடையே துஜா செடிகளில் மான், மயில் உருவங்களை வெட்டியிருந்தனர். லானில் பதிக்கப்பட்ட சுத்தமான மார்பிள் கற்களில் ஷூவை தயக்கத்துடன் எடுத்து வைத்தான்.

வேலைக்காரர்களை அதட்டி விசாரித்துக்கொண்டிருந்த போலீஸ்காரர் தோரணையைச் சட்டென மாற்றிக்கொண்டு விரைப்பானார்.

அவர்கள் அருகே நெருங்கியதும் ஓசையின்றி திறந்த கண்ணாடிக் கதவு காஷ்மீர் செந்நிற கார்பெட்டை விரித்தது. அது உண்மையில் கண்ணாடி டைல்ஸ், கார்பெட்டைப் போன்ற வீடியோவைப் பிரதிபலிக்கிறதென நடக்கையில் உணர்ந்தான். ஹெச்விஏசியின் தயவால் வீடு வெதுவெதுப்பாக இருந்தது.

Loading content, please wait...